Ledig stilling ved Universitetet i Bergen
Professor II / førsteamanuens (20 % bistilling) i medisin (gastroenterologi)
Søknadsfrist: 24.11.2019
Kunnskap som formar samfunnet
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Professor II/førsteamanuens (20 % bistilling) i medisin (gastroenterologi)
Ved Det medisinske fakultet, Klinisk institutt 1, er det ledig ei åremålsstilling som professor II (20 %, bistilling) i medisin (gastroenterologi) i fire (4) år frå tilsetjing. Dersom det ikkje melder seg kvalifiserte søkjarar med professorkompetanse, kan det verte aktuelt å tilsetje førsteamanuensis (20 % bistilling). Bistillinga er knytt til fast hovudstilling ved Medisinsk avdeling, Haukeland universitetssjukehus. Arbeidsstad er ved dette sjukehuset.
Arbeidsoppgåver/forskingsområde:
- den som skal tilsetjast skal arbeide med forsking innanfor gastroenterologi i ei av dei etablerte forskingsgruppene ved instituttet og må kunne dokumentere eiga forsking på området
- rettleiing av doktorgradskandidatar
- undervisning av medisinstudentar
- ta del i eksamensarbeid
Kvalifikasjonar og eigenskapar:
- søkjar må ha relevant norsk ph.d.-grad eller tilsvarande kompetanse, og vere godkjend spesialist i gastroenterologi
- kunnskapar om og ferdigheiter i abdominal ultralyd og endoskopisk ultralyd er ein stor føremon
- det vert vidare kravd dokumentert vitskapleg kompetanse, særleg innan pankreatologi
- det vert lagt vekt på erfaring innan leiing av forskingsprosjekt, koordinering av forskingsaktivitet, og frå forskingsstrategisk arbeid, og vidare dokumentert vilje og evne til samarbeid
- pedagogisk basisutdanning/undervisningserfaring er eit krav for stillinga, sjå retningsliner på http://www.uib.no/mofa/65433/ledige-stillinger. Den som vert tilsett vil få tilbod om opplæring dersom kravet ikkje er oppfylt før tilsetjing
Undervisingsspråket er til vanleg norsk.
Vi tilbyr:
- eit godt og internasjonalt arbeidsmiljø og spanande arbeidsoppgåver i eit fakultet med fagmiljø som hevdar seg godt nasjonalt og internasjonalt
- faglege utfordringar med gode høve for personleg utvikling og kompetanseutvikling
- professor vert lønt etter lønssteg 77-79 (kode 1013) i lønsregulativet til staten, for tida 741 300 - 789 200 kr brutto pr. år for ei fulltidsstilling. Førsteamanuensis vert lønt etter lønssteg 66-72 (kode 1011/lønsramme 24.10) i lønsregulativet til staten ved tilsetjing, for tida kr 594 400 - 667 200 eller lønssteg 68-74 (spesialist) for tida kr 615 900 – 691 400. Løn er brutto pr. år for ei fulltidsstilling, og vidare opprykk skjer etter tenesteansiennitet i stillinga. For særleg kvalifisert søkjar kan det verte aktuelt å vurdere høgare løn
- medlemskap i Statens pensjonskasse
- gode velferdsordningar
Søknaden skal innehalde:
- CV
- vitnemål og attestar
- fullstendig publikasjonsliste
- liste med vedlegg som dokumenterer dine pedagogiske kvalifikasjonar
- ei liste over vitskapelege arbeid du vil det skal takast omsyn til ved vurderinga, med opplysning om kvar dei er offentleggjorde
- vitskapelege arbeid du vil det skal takast omsyn til ved vurderinga (maks 15 for professor og maks 10 for førsteamanuensis) som PDF
- to referansar (namn og kontaktinformasjon)
Det er særs viktig at kvart av dei vitskaplege arbeida som det skal takast omsyn til ved vurderinga i sin heilskap vert lasta opp som vedlegg til søknaden (PDF).
Generell informasjon:
Utfyllande opplysingar om stillinga kan ein få ved å venda seg til:
- Instituttleiar professor Kjell-Morten Myhr, tlf.: 55 97 60 31, e-post: Kjell-Morten.Myhr@uib.no eller
- Visestyrar og seksjonsleiar professor Odd Helge Gilja, tlf.: 55 97 21 33, e-post: Odd.Gilja@uib.no
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personar med nedsett funksjonsevne blir oppmoda om å søkje stillinga.
Vi oppmodar kvinner om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.
Universitetet i Bergen nyttar meirinnsyn ved tilsetjing i vitskaplege stillingar.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Nærare om tilsettingsprosessen her.