Stilling:
Avdelingsingeniør (Klinisk Institutt 2)
Søknadsfrist 10.02.2019
Kunnskap som formar samfunnet
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Avdelingsingeniør
Ved Det medisinske fakultet, Klinisk Institutt 2, er det ledig ei fast stilling som avdelingsingeniør (100 %). Stillinga er eksternt finansiert og for tida knytt til prosjektet «Individualized treatment of endometrial cancer» finansiert av Kreftforeningen. Prosjektet har førebels finansiering for 2 år og 10 månader .
Arbeidsoppgåver:
Vi søkjer etter ein dedikert og målretta medarbeidar som ønsker å jobbe i ein translasjonell forskingsgruppe med tett samarbeid med kliniske miljø. Prosjektet har som hovudmål å identifisere nye molekylære og diagnostiske markørar for gynekologisk kreft. Arbeidsstad er ved Bergen Forskingsgruppe for Gynekologisk kreft som held til ved Kvinneklinikken i Bergen. Avdelingsingeniøren vil jobbe tett opp mot administrering av ein svært verdifull biobank og vil blant anna ha dagleg ansvar for registrering av samtykkande pasientar i biobanken. Kjennskap til sjukehusets journalsystem vil vere ein føremon. Avdelingsingeniøren vil også vere involvert i prosessering av vevs- og blodprøver, inkludert rensing av RNA og DNA. Vevssnitting for histologisk vurdering kan vere aktuelt. I tillegg vil rett kandidat få høve til å engasjere seg i pågåande forskingsprosjekt, kor det kan verte brukt både statistiske og molekylære teknikkar, celle biologiske metodar og immunbaserte teknikkar. Den rette kandidaten vil få nødvendig opplæring.
Kvalifikasjonar og eigenskapar:
- Søkjar må ha relevant bachelorgrad innan celle/molekylærbiologi, sjukepleie eller bioingeniør. Kandidatar med erfaring frå medisinsk statistikk, gynekologi eller relevant klinisk erfaring vil også verte vurdert.
- Ein vil legge avgjerande vekt på at søkjaren har erfaring i høve til handtering av pasientdata, oppbygning av register for kliniske data og bearbeiding av prøver til biobank.
- For søkjarar med utdanning innan celle/molekylærbiologi vil praksis frå arbeid innan klinisk kreftforsking verte vektlagt i tillegg til kunnskap om relevante laboratoriemetodar.
- For søkjarar med utdanning som sjukepleiar eller bioingeniør vil relevant erfaring frå arbeid innan gynekologi og/eller kliniske studiar verte vektlagt.
- Kjennskap til sjukehuset sine journalsystem er ein føremon.
- Kjennskap til statistiske metodar for behandling av pasientdata er ein føremon
- Søkjarar må kunne arbeide sjølvstendig, vere fleksibel, ha evne til problemløysing og ha gode evner til samarbeid og kommunikasjon
- Personlege eigenskapar som er naudsynte for stillinga vil verte vektlagt.
Vi tilbyr:
- eit godt og fagleg utfordrande arbeidsmiljø
- stilling som avdelingsingeniør (kode 1085/22.10) med bachelorgrad i lønsteg 47 – 52 (for tida 421 700 – 456 900), med mastergrad lønssteg 51-53 (for tida kr –449 400 – 464 800). For særs kvalifisert søkjar kan høgare løn vurderast
- medlemsskap i Statens pensjonskasse
- gode velferdsordningar
Følgjande premiss er lagt til grunn for stillinga som avdelingsingeniør:
- avdelingsingeniøren skal vere medlem i forskingsgruppa som fagfeltet høyrer inn under
- lønsutgifter skal så langt som mogleg vere 100 % eksternt finansiert
- instituttleiar kan pålegge avdelingsingeniøren arbeid inn mot bestemte forskingsprosjekt
Generell informasjon:
Utfyllande opplysningar om stillinga kan ein få ved å vende seg til:
- Professor Camilla Krakstad, e-post camilla.krakstad@uib.no, telefon 99254140 / 55976797
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personer med nedsett funksjonsevne blir oppmoda om å søkje stillinga.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Nærare om tilsettingsprosessen her.