1 årig vikariat i 50-100 % stilling som høgskulelektor / høgskulelærar innan radiografi

Høgskulen på Vestlandet

Fakultet for helse- og sosialvitskap har om lag 400 tilsette og om lag 4900 studentar. Vi har eit breitt utdanningstilbod innan helse- og sosialfaglege profesjonsutdanningar, etter- og vidareutdanningar og fleire masterprogram. Fakultetet tilbyr ph.d.-utdanninga "Helse, funksjon og deltaking". I tillegg har Fakultet for helse- og sosialvitskap ansvar for forskingsområdet: "Innovasjon i offentleg sektor" i ph.d.-utdanninga Responsible Innovation and regional Development (RESINNREG), som er eit samarbeid på tvers av fakulteta.

Studentane våre får omfattande ferdigheitstrening i tillegg til praksis, mellom anna gjennom øvingar i kommunikasjon og utprøving ved eit avansert simuleringssenter, SimArena.

Vi praktiserer fleksible læringsformer der studenten sjølv blir utfordra til å delta i forsking og utviklingsarbeid.

Ved Institutt for helse og funksjon er vi om lag 60 tilsette og 700 studentar med studiestad i Bergen. Vi har bachelorutdanningar i ergoterapi, fysioterapi og radiografi. I tillegg har vi også masterstudium i klinisk fysioterapi med tre studieretningar, masterstudium i kunnskapsbasert praksis med tre studieretningar og tverrfagleg internasjonalt masterstudium i Healthy aging and rehabilitation. Forsking og formidling knytt til desse fagområda og utdanningsforsking er ein viktig del av arbeidsoppgåvene våre.

Ledig vikariat som høgskulelektor/høgskulelærar innan fagområde radiografi

Ved Høgskulen på Vestlandet (HVL) er det ledig 50-100 % stilling i 1 år som høgskulelektor/høgskulelærar innan fagområde radiografi ved Fakultet for helse-og sosialvitskap – campus Bergen

Stillinga er knytt til Fakultet for helse- og sosialvitskap, Institutt for helse og funksjon, fagseksjon for bachelor i radiografi.

Stillinga er ledig for snarleg tilsetting og i eitt år frå oppstart i stillinga. 

Arbeidsstad er campus Bergen.

Ansvars- og arbeidsområde:

Fagseksjonen disponera ei radiologisk eining ved simuleringssenteret SimArena der radiografstudentar vert undervist og rettleia i teoretiske og praktiske emner. Eininga består av konvensjonelt røntgenutstyr, CT, bildebehandlingssoftware og ultralyd.

Ansvars- og arbeidsoppgåver i stillinga vil i hovudsak vere praksisnære og vil mellom anna vere knytt til undervisning og rettleiing av studentar på SimArena, i tillegg til rettleiing av studentar i praksis.

Meir spesifikt inneber stillinga:

• Undervisning, rettleiing og evaluering innan fagområde radiografi og emne knytt til fagseksjonen sine studieprogram
• Bidra innan dei ulike faglege institusjonsbyggande oppgåvene, som til dømes studiekoordinering, emneansvar og internasjonaliseringsarbeid
• Deltaking i og samarbeid om utviklings-, kvalitets- eller forskingsprosjekt
• Bidra til høg kvalitet og arbeidsrelevans i utdanninga
• Samarbeid om utdanning og forsking/utvikling/innovasjonsarbeid internt i høgskulen, og med nasjonale og internasjonale samarbeidspartnerar

Kvalifikasjonar:

Kriteria for tilsetting i undervisnings- og forskarstillingar går fram av Forskrift om ansettelse og opprykk i undervisnings- og forskerstillinger fastsett av Kunnskapsdepartementet.

• Utdanning og autorisasjon som radiograf
• For tilsetting som høgskulelektor må søkjar ha relevant mastergrad innan fagområdet og profesjonskompetanse
• Interesse for og/eller erfaring med pedagogisk utviklingsarbeid, varierte undervisningsformer og internasjonaliseringsarbeid frå undervisning og rettleiing i høgare utdanning
• Relevant klinisk erfaring og praksisnær kompetanse
• God munnleg og skriftleg framstillingsevne på norsk eller skandinavisk språk i tillegg til engelsk 
• God IKT-kompetanse

Ønska kvalifikasjonar:

• Erfaring med undervisning og rettleiing i høgare utdanning
• Erfaring frå relevante forskings- og utviklingsprosjekt
• Erfaring med internasjonaliseringsarbeid innan utdanning eller prosjektarbeid

Personlege eigenskapar:

• Sjølvstendig og ansvarleg
• Positiv innstilling og god evne til å samarbeide med både studentar og kollegaer
• God evne til formidling
• Engasjement og interesse for fagleg utvikling

Korleis søke på stillinga?

Send søknad og CV ved å klikke på knappen merka ”Søk stillinga” på denne sida.

Vi gjer merksam på at søknaden blir vurdert ut frå den informasjonen som ved søknadsfristen er lagt inn i www.jobbnorge.no. Det er søkjaren sitt ansvar å sørgje for at alle relevante vedlegg er lagt inn innan fristen, irekna:

• vitskaplege arbeid (inntil 5 stk.)
• fullstendig publikasjonsliste
• attestar og vitnemål. 

Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjaren sjølv laste opp attesterte omsettingar. Om vedlegga overstig 25 MB må dei komprimerast før opplasting eller leggjast ved som lenke.

Søkjar med utenlandsk utdanning må i tillegg legge ved NOKUT si generelle vurdering om at utdanninga (bachelor- og mastergrad) samsvarar med norsk mastergrad. Sjå www.nokut.no for meir informasjon om vurdering av høgare utdanning. Vi gjer merksam på at søknad om vurdering frå NOKUT kan ta tid og søknaden bør sendast så tidleg som mogleg når du veit du vil søkje stipendiatstillinga. Dersom du ikkje har fått svar innan søknadsfristen, legg du ved dokumentasjon frå NOKUT om at dei har mottatt søknaden din. 

Søknadane vert sendt elektronisk til det sakkunnige utvalet. På bakgrunn av utvalet si vurdering, vil aktuelle søkjarar bli kalla inn til intervju og prøveundervisning. Søknadar kan ikkje sendast på e-post til enkeltpersonar ved høgskulen.

Vi tilbyr:

• Gode pensjons-, forsikrings-, og låneordningar i Statens pensjonskasse
• Spennande fagmiljø med moglegheit for kompetanseheving- og utvikling
• Høve for trening i arbeidstida

Stillinga som høgskulelektor/høgskulelærar er lønna etter Statens lønsregulativ, i stillingskode 1008 høgskulelektor / 1007 høgskulelærar-øvingslærar

Frå løna blir det trekt 2 % innskot til Statens pensjonskasse.

Generell informasjon:

Vi gjer merksam på at i tråd med offentleglova, kan opplysningar om søkjaren bli gjort offentleg sjølv om søkjaren har bede om å ikkje bli oppført på søkjarlista. Søkjaren vil bli varsla dersom førespurnad om unntak for offentleggjering ikkje vert teken til følgje.

Den statlege arbeidsstyrken skal i størst mogleg grad spegle mangfaldet i befolkninga. Det er av den grunn eit personalpolitisk mål å oppnå ei balansert alders- og kjønnssamansetting og å rekruttere personar med minoritetsbakgrunn, nedsett funksjonsevne og hol i CV. 

Høgskulen på Vestlandet er underlagt forskrift for eksportkontrollsystem. Forskriften kan komme til anvending i behandlingen av søknadane.

Kontaktpersonar ved Høgskulen på Vestlandet:

1) Fagseksjonsleiar Eli Nina Eikefjord tlf 55 58 55 88 e-post eli.nina.eikefjord@hvl.no

2) Instituttleiar Gunnar Slettaløkken tlf 55 58 71 37 e-post gunnar.slettalokken@hvl.no

Søk stillinga