SPENNENDE JOBBMULIGHET ved Kreftavdelinga VED Helse Førde!
Prosjektkoordinator
Søknadsfrist: 17.03.2024
Publisert
Helse Førde HF
Helse Førde HF har ansvar for spesialisthelsetenestene i Sogn og Fjordane. Føretaket arbeider for å gje pasientar og brukarar eit godt og heilskapeleg tilbod innanfor gjeldande rammer. Helse Førde sine institusjonar og prehospitale tenester er organisert i eit heilskapleg nettverk, og samarbeidet med andre instansar som m.a. kommunane er høgt prioritert. Føretaket har om lag 3 200 tilsette og eit budsjett på over 3,6 milliardar kroner og er den største verksemda i Sogn og Fjordane. Forsking og innovasjon er og viktige oppgåver i sjukehuset.
Helseføretaket er eigd av det statlege Helse Vest RHF. Helse Vest skal så langt som råd avspegle mangfaldet i befolkninga. Vi ønskjer å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.
Prosjektkoordinator ved Kreftavdelinga. To års vikariat i 50% stilling ledig f.o.m. snarast
Vi har behov for ein engasjert og initiativrik sjukepleiar som kan koordinere eit stort forsking- og implementeringsprosjektet ved kreftavdelinga. Prosjektet MyPath skal utvikle, teste og implementere digitale pasientforløp basert på pasienten sine eigenrapporterte vurderingar av symptom, funksjon og livskvalitet. Hovudmålet med prosjektet er å betre tilbodet til pasientsentrert behandling. Prosjektet skal også utvikle og teste ut ny arbeidsflyt , nye arbeidsformer og samhandling.
Som prosjektkoordinator vil du jobbe tett med helsepersonell, studiesjukepleiar, helsesekretærar, brukarar og leiarar ved Kreftavdelinga. Kreftavdelinga i Helse Førde deltar i prosjektet som eit av 4 sjukehus i Norge. Oslo Universitetssjukehus (OUS) har det nasjonale koordinerande ansvaret. Prosjektkoordinator vil bistå lokal prosjektlege i leiing av MyPath og ha kontakt med ulike samarbeidspartar lokalt, regionalt og nasjonalt. Som ein del av stillinga, vil ein også representere kreftavdelinga i Helse Vest sitt konseptprosjekt "Kreft og digtiale helsetenester."
Kreftavdelinga har det faglege ansvaret for medikamentell kreftbehandling i "tidlegare" Sogn og Fjordane, ca 110 000 innbyggjarar. Avdelinga er organisert under Medisinsk klinikk og består av sengepost, inkl. palliative senger og poliklinikk.
Vi deltek i behandlingsstudiar, som er eit viktig satsingsområde for betre pasientretta forsking og behandling. Styrking av behandlingstilbodet kjem pasientar til gode ved å integrere forsking i den kliniskie delen av verksemda.
Stillinga kan kombinerast med annan stilling innan kreftavdelinga.
Arbeidsoppgåver
Ha oversikt over prosjektet sin status
Planlegge, leie og gjennomføre aktivitetar i prosjektet
Koordinere og leie teammøter med klinikarar og andre samarbeidsavdelingar internt
Koordinere og samarbeide med lokal IKT- avdeling, Helse Vest Ikt samt DNV Imatis for å sikre nødvendig infrastruktur og lokal funksjonalitet for utvikling, tilpassing og drift digitale pasientforløpa
Rapportere om prosjektet si framdrift til kollegaer, til leiarar på ulike nivå i Helse Førde og nasjonal prosjektleiing
Kvalifikasjonar
Offentleg godkjent sjukepleiar
Det er ønskjeleg med følgjande kvalifikasjoner:
Vidareutdanning innan kreftsjukepleie
Erfaring frå kreftomsorg og/ellerpalliasjon
Erfaring frå prosjektleiing, fagutvikling og/eller forsking
Gode datakunnskaper er ein fordel
Personlege eigenskapar
Du jobbar målretta, er ein ansvarsbevisst og løysningsorientert teambygger
Du har høg arbeidskapasitet, er strukturert og nøyaktig
Du har gode kommunikasjonsevner, må beherske norsk og engelsk både muntleg og skriftleg
Personleg eignaheit vil bli vektlagt
Vi tilbyr
Eit spennande og utviklande fagleg arbeidsmiljø
Høgt kvalifiserte medarbeidarar
Lønn i samsvar med gjeldande overeinskomst
Gode pensjons- og forsikringsordningar
Mangfaldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.
