Havforskingsinstituttet

Havforskingsinstituttet (HI) er et av dei største marine forskingsinstituttene i Europa med vel tusen tilsette og ei rekkje forskingsfasilitetar og laboratorium av høg internasjonal standard. Hovudaktivitetane våre er forsking, rådgjeving og overvaking. Havforskingsinstituttet eig og driv seks forskingsfartøy. Vårt hovudkontor ligg i Bergen, vi har avdeling i Tromsø og forskingsstasjonar i Matre, Austevoll og Flødevigen.

Frå 1. januar 2018 er Havforskingsinstituttet fusjonert med Nasjonalt institutt for ernærings- og sjømatforsking (NIFES). Det nye instituttet skal vere ein leiande kunnskapsleverandør for ei bærekraftig forvaltning av ressursane i dei marine økosystema, og for heile kjeda frå hav til mat.

Om stillinga

Ved forskingsstasjonen vår på Matre i Masfjorden kommune har vi ledig fast stilling som 1087 overingeniør – automatiker innan teknisk drift.

Forskingsstasjonen Matre har omfattande forsøksfasilitetar både på land og sjø og ein stor portefølje av forsøk innan laksefisk og marine arter. Tett samarbeid mellom drift og forsking står i fokus og er ein viktig suksessfaktor.

Den som blir tilsett vil ha oppgåver retta mot automasjon og vassprosessering ved vårt sentrale driftsanlegg på land.

Arbeidsoppgåvene er i hovudsak innan følgjande område:

• Ivaretaking av drift, periodisk vedlikehald og ettersyn av stasjonen sine sentrale driftsanlegg (SD-anlegg) for styring av oksygen, temperatur, lys, energi og fôring.
• Planlegge og utføre periodisk vedlikehald, kalibrering og nødvendige reparasjonar i dagens vassprosessanlegg.
• Oppfølging av kvalitetskrav gjennom å kalibrere sensorar og sikre logging av data frå SD-anlegget.
• Ivareta enklare elektriske installasjonar ved stasjonen og hjelpa eksterne leverandørar.
• Ivareta lokale IKT-funksjonar ved stasjonen i samarbeid med IT-seksjonen vår i Bergen.
• Utføre løpande vedlikehald/reparasjonar på stasjonens tekniske infrastruktur.
• Ivareta lokalt tilgangskontrollsystem og informasjonssikkerheit ved stasjonen.
• Jobbe i team med internrapportering til teknisk driftsleiar.
• På lengre sikt eventuelt kunne inngå i stasjonen sin vaktordning.

Kvalifikasjonar

Vi søker etter ein person med ingeniørutdanning innan automasjon. Relevant, lengre arbeidserfaring og fagbrev innan same fagfelt kan kompensere for utdanningskravet.

Den vi søker etter må:

• Kunne jobbe med automasjon i praksis.
• Vere kjent med metodar og kunne jobbe med vassprosessering.
• Kunne jobbe med energianlegg.
• Vere godt kjent med verktøy og måleinstrument.
• Ha god kjennskap til Windows-plattforma, Microsoft Office og IT-system.
• Kunne vere stasjonen sin ressursperson innan datanettverk, drift av datamaskinpark, sørverar og mobiltelefoni.
• Vere positiv og serviceinnstilt og ha gode kommunikasjonsevner.
• Kunne jobbe sjølvstendig, vere eit ordensmenneske og ta initiativ til forbetringar og løysingar.
• I periodar kunne tre inn som vikar for teknisk driftsleiar.

Du må beherske norsk og engelsk, skriftleg og munnleg, og du må ha sertifikat klasse B for bil. Det er ein fordel om du har el-sertifikat, sertifikat for lastebil og truck, eller er villig til å ta slike sertifikat.

Vi tilbyr

Havforskingsinstituttet kan tilby varierte arbeidsoppgåver og eit godt tverrfagleg arbeidsmiljø. Statlege tilsetjingsforhold gjeld, og stillinga blir lønna etter statens regulativ som 1087 overingeniør. Medlemskap i Statens pensjonskasse (2 % innskot av bruttolønn) inngår.

Ytterlegare informasjon

Spørsmål om stillinga kan rettast til:

• Stasjonsleiar Ragnar Nortvedt på tlf. 928 29 508 eller på e-post: ragnar.nortvedt@hi.no

Se gjerne også Havforskingsinstituttet sine nettsider www.hi.no.

Send elektronisk søknad via link på denne sida med CV, vitnemål og relevante attester.

Søknadsfrist: 1. mars 2019

Havforskingsinstituttet er opptatt av mangfald, og vi oppmodar alle kvalifiserte kandidatar til å søke jobb hos oss, uavhengig av alder, kjønn, funksjonsevne, nasjonalitet eller etnisk bakgrunn. Havforskingsinstituttet er også ei IA-verksemd som ønsker å legge forholda til rette for søkarar med redusert funksjonsevne.

Vi gjer merksam på at opplysningar om søkarar i spesielle tilfelle kan bli gjort offentleg, sjølv om søkaren har bede om å vere unntatt søkarlista. Søkar vil bli orientert om dette på førehand.

Søk på stillingen