Stilling:

Overingeniør mikrobiologi

Søknadsfrist: 15.08.2018

Om stillinga:

Havforskingsinstituttet

Havforskingsinstituttet (HI) er det største marine forskingsinstituttet i Europa med vel 1000 tilsette og ei rekkje forskingsfasilitetar og laboratorium av høg internasjonal standard. Hovudaktivitetane våre er forsking, rådgjeving og overvaking. Havforskingsinstituttet eig og driv seks forskingsfartøy. Vårt hovudkontor ligg i Bergen, vi har avdeling i Tromsø og forskingsstasjonar i Matre, Austevoll og Flødevigen.Frå 1. januar 2018 er HI fusjonert med Nasjonalt institutt for ernærings- og sjømatforsking (NIFES). Det nye instituttet skal være ein leiande kunnskapsleverandør for en bærekraftig forvaltning av ressursane i de marine økosystema, og for hele kjeda frå hav til mat.

Me søkjer etter overingeniør i mikrobiologi i fast 100% stilling. Stillinga er nyoppretta. Stillinga høyrer til under seksjon for prøvemottak og fartøy lab som har ansvar for å drifte prøvemottak, biokjemisk og mikrobiologisk laboratorium, samt forsøksdyravdeling med gnagarar. Grunna auka aktivitet på mikrobiologisk laboratorium, mellom anna med satsing på antibiotikaresistente bakteriar i det marine miljø, vert det med denne stillinga søkt etter ein person med mikrobiologisk kompetanse. På mikrobiologisk laboratorium er dei fleste metodane akkreditert etter ISO17025 standarden.

Hovudoppgåver:

  • Mikrobiologiske analysar av matvarer, primært sjømat (kvalitetsforringande mikroorganismar og smittestoff som Listeria monocytogenes, Salmonella og Vibrio).
  • Metodeutvikling og forbetring av etablerte metodar.
  • Instrumentansvar.
  • Andre laboratorieoppgåver kan verta aktuelt.
  • Deltaking på feltarbeid og forskingstokt kan verta aktuelt.

Kvalifikasjonar:

  • Mastergrad i mikrobiologi, eller tilsvarande.
  • Lengre arbeidserfaring innan det aktuelle fagområdet kan kompensere for utdanningskravet.
  • Må kunne jobbe sjølvstendig, og implementere metodar basert på standard metodikk.

Det vil vere eit føremonn om vedkomande som blir tilsett i tillegg har:

  • Erfaring med antibiotikaresistensanalysar
  • Kjennskap til bruk av LIMS
  • Kjennskap til kvalitetssikring

Den som blir tilsett må beherske norsk og engelsk, skriftleg og munnleg.

Me tilbyr:

  • Eit utfordrande og skapande arbeidsmiljø.
  • Gode arbeidstilhøve
  • Fleksibel arbeidstid, gode pensjonsordningar og velferdstilbod

Stilling som Overingeniør 1087 vert løna etter Statens Lønsregulativ.

Ytterligare informasjon:

Ynskjer du meir informasjon? Ta kontakt med Bjørn Tore Lunestad, blu@hi.no, +4797596245 eller sjå vår nettside www.hi.no.

Havforskingsinstituttet er ei IA-verksemd som er oppteken av mangfald og oppmodar alle kvalifiserte kandidatar til å søkja stillinga. Då me har mange damer i vår seksjon, oppmodar me menn til å søkje på stillinga. Ein gjer merksam på at opplysningar om søkjaren kan bli gjort offentlege sjølv om søkjaren oppmodar om ikkje å bli ført opp på søkjarlista. Søkjaren vil bli orientert om dette i forkant. Søknad skal sendast elektronisk via lenke på denne sida med CV, relevante attestar og vitnemål.

Søk på stillingen

Søknadsfrist: 15.08.2018

Web: www.hi.no

Kontakt: Bjørn Tore Lunestad

Telefon: +47 97596245

E-post: blu@hi.no

mikrobiologi hordaland havforskningsinstituttet naturvitenskap
Powered by Labrador CMS