Førsteamanuensis innan disiplinbasert utdanningsvitskap (høgare utdanning)
Søknadsfrist: 25.05.2026
Publisert
Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.
...
(Video unable to load from YouTube. Accept cookie and refresh page to watch video, or click here to open video)
Førsteamanuensis innan disiplinbasert utdanningsvitskap (høgare utdanning)
Fakultet for naturvitskap og teknologi (NT) ved UiB har ei tydeleg satsing på utdanningskvalitet, læringsinnovasjon og kunnskapsbasert utvikling av studieprogramma sine. SERC – Forskingssenter i realfagslæring – er ein nøkkelarena i denne satsinga, og utgjer eit tverrfagleg forskings- og utviklingsmiljø ved fakultetet. Senteret arbeider med disiplinbasert utdanningsforsking (DBER) på tvers av STEM-faga (science, technology, engineering, mathematics)/realfaga, og utviklar forskingsbaserte undervisnings- og vurderingspraksisar i høgare utdanning.
Arbeidsoppgåver/forskingsområde
Førsteamanuensis er ei kombinert forskings- og undervisningsstilling.
Arbeidsoppgåvene omfattar:
eiga forsking innan disiplinbasert utdanningsforsking i STEM-faga
deltaking i utvikling av NT STEM forskingsprosjekt og arbeid med eksterne søknader
rettleiing av ph.d.-kandidatar og masterstudentar i disiplinbasert utdanningsforsking i STEM-faga
samarbeid med nasjonale og internasjonale partnarar, inkludert deltaking i nordiske nettverk innan disiplinbasert utdanningsforsking i STEM-faga.
undervisning, evaluering og vidareutvikling av emnar i SERC sin emneportefølje.
fagleg formidling og utvikling av tiltak som styrkjer kvaliteten i undervisning og læring i STEM faga.
Kvalifikasjonar og eigenskapar
Det er eit krav at søkjar har:
doktorgrad eller tilsvarande kompetanse innan utdanningsvitskap/disiplinbasert utdanningsforsking i høgare utdanning
erfaring med forskingsmetodar som systematiske kunnskapsoppsummeringar, intervensjonsdesign, kvantitative metodar og ‘mixed methods’
erfaring med å lede Scholarship of Teaching and Learning prosjekt i høyere utdanning
dokumentert evne til å samarbeide med fagmiljø i STEM-disiplinane, samt innsikt i sentrale undervisnings- og læringsutfordringar i høgare STEM-utdanning
erfaring med å undervise i høgare utdanning
erfaring med forskingsleiing, deltaking eller leiing av forskingsprosjekt
dokumentert evne til å hente inn eller arbeide for ekstern forskingsfinansiering
beherske (og dokumentere) norsk eller eit anna skandinavisk språk flytande og ha gode engelskkunnskapar, skriftleg og munnleg
evne til å arbeide sjølvstendig, strukturert og i samarbeid med andre samt ha god gjennomføringsevne
Det er ein fordel om søkjar har:
erfaring med utvikling av undervisning og digitale læringsressursar
kunnskap om og erfaring med læringsdesign, særleg emnedesign
erfaring med emne- og studieprogramansvar
erfaring med tverrfagleg samarbeid og brubygging mellom disiplinfag og utdanningsvitskap – og da fortrinnsvis med STEM-faga.
erfaring med rettleiing, fortrinnsvis på ph.d.-nivå og eventuelt på masternivå
god kjennskap til forskingsetikk og personvern i forsking
forskingserfaring knytt til bruk av og implikasjonar av KI i høgare utdanning
god prosess- og systemforståing frå universitet- eller høgskulesektoren.
Personlege og mellommenneskelege eigenskapar vil bli vektlagde. Forskingsrøynsle, ambisjonar og potensial vil også telle ved vurdering av kandidatane.
Særeigne krav for stillinga
UiB er underlagd regelverket for eksportkontroll og regelverket gjeld ved behandling av søknadar til stillinga.
Krav til utdanningsfagleg kompetanse
Til stilling som førsteamanuensis blir det kravd grunnleggjande kompetanse for undervisning og rettleiing på universitets- og høgskulenivå. Dette inneber dokumentasjon av
fullført universitetspedagogisk utdanning (eller relevante kurs i kombinasjon med eigen praktisk undervisning vil kunne erstatte universitetspedagogisk program)
grunnleggjande ferdigheiter innan planlegging, gjennomføring, evaluering og utvikling av undervisning og rettleiing
Utdanningsfagleg kompetanse skal dokumenterast gjennom ei utdanningsfagleg mappe. Denne skal innehalde oversikt over praktisk erfaring og kompetanse, dokumentasjon av dette og eit kortfatta refleksjonsnotat. Notatet skal primært vere knytt til eigen undervisningsfilosofi og vurdering av eigen undervisning i høve til kunnskap om studentar si læring i høgre utdanning. Nærare informasjon om kriterium og dokumentasjonskrav til utdanningsfagleg kompetanse finst her.
Undervisningsspråket er i hovudsak norsk. Den som blir tilsett, må kunne undervise på norsk og ha gode ferdigheiter i norsk ved tiltreding.
Universitetet i Bergen legg vekt på utdanningsfagleg kompetanse i vitskaplege mellom- og toppstillingar.
Vi tilbyr
Spennande og utviklande arbeidsoppgåver i et sterkt fagmiljø
Ei stilling i eit forskings- og utviklingsmiljø i sterk vekst, med moglegheit til å påverke utviklinga av disiplinbasert utdanningsforsking ved Fakultet for naturvitskap og teknologi
Stilling som førsteamanuensis (kode 1011 i hovudtariffavtalane i staten) og brutto årsløn frå kr. 757 600,- til kr. 860 000,-. Vidare opprykk skjer etter stillingsansiennitet. For særleg kvalifiserte søkjarar kan det bli aktuelt å vurdere høgare løn.
ei kort utgreiing av dei viktigaste resultata i søkjaren si forsking (2–3 sider), samt ein forskingsplan som skildrar framtidige forskingsambisjonar og korleis desse kan knytast til fagmiljøet ved SERC og fakultetet
utdanningsfagleg kompetanse dokumentert gjennom utdanningsfagleg mappe (sjå ovanfor)
liste over vitskaplege arbeid søkjaren vil det skal takast omsyn til ved vurderinga, med opplysningar om kvar dei er publiserte
namn på tre referansar, kor minst ein må kjenne søkjaren frå undervisningsarbeid
Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge.
Utfyllande opplysningar om stillinga kan ein få ved å vende seg til, Fakultet for naturvitskap og teknologi (NT): visedekan for utdanning, professor Monica Jordheim (Monica.Jordheim@uib.no) eller fakultetsdirektør Elisabeth Müller Lysebo (Elisabeth.Lysebo@uib.no)-.
For HR-relaterte spørsmål ta kontakt med HR-rådgivar Karoline Christiansen e-post: karoline.christiansen@uib.no / tlf. +47 55 58 47 70.
Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.
Vi oppmodar kvinner om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.
Universitetet i Bergen nyttar meirinnsyn ved tilsetjing i vitskaplege stillingar.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen her.
