Ledig stilling ved Universitetet i Bergen
Førsteamanuensis i arbeids- og organisasjonspsykologi (vikariat)
Søknadsfrist: 30.10.2019
UiB - Kunnskap som formar samfunnet
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Førsteamanuensis
Ved Institutt for samfunnspsykologi, Det psykologiske fakultet, er det ledig eit vikariat som førsteamanuensis i arbeids- og organisasjonspsykologi frå 01.01.2020 til 31.12.2020.
Arbeidsoppgåver/forskingsområde:
- undervising, rettleiing og sensur på bachelor- og masternivå i arbeids- og organisasjonspsykologi, andre undervisningsoppgåver kan òg verte aktuelle
- administrative oppgåver, møtedeltaking og komitéarbeid på line med dei andre tilsette ved instituttet
- samarbeide tett med kollegaer innan fagfeltet og andre ved instituttet
- bidra til instituttet si forsking innan arbeids- og organisasjonspsykologi
- bidra til styrking av praksisprofilen til bachelor- og masterprogram i arbeids- og organisasjonspsykologi
Kvalifikasjonar og eigenskapar:
- søkjar må på søknadstidspunktet ha doktorgrad innanfor arbeids- og organisasjonspsykologi eller anna fagfelt relevant for stillinga
- søkjar må ha undervisningserfaring innan arbeids og organisasjonspsykologi
- erfaring knytt til rolla som internkonsulent, eksternkonsulent eller andre rådgjevingstenester og formidlingsverksemd vil bli vektlagt
- han eller ho må kunne arbeide sjølvstendig, strukturert og ha gode kommunikasjons- og samarbeidsevner
- det blir kravd at den som blir tilsett, kan undervise, sensurere og ta del i alle instituttaktiviteter på norsk eller eit anna skandinavisk språk ved oppstart
Vi tilbyr:
- Spennande og utviklande arbeidsoppgåver i et sterkt fagmiljø
- Løn etter lønssteg 64 - 70 (kode 1011/lønsramme 24, minimum alternativ 8) i lønsregulativet til staten ved tilsetjing. Dette utgjer ei årsløn på kr 565 100 - 631 300 brutto. Vidare opprykk skjer etter tenesteansiennitet. For særleg kvalifiserte søkjarar kan det verte aktuelt å vurdere høgare løn.
- Medlemskap i Statens pensjonskasse
- Gode velferdsordningar
Søknaden skal innehalde:
- CV
- Vitnemål og attestar
- Fullstendig publikasjonsliste
- Ei oversikt som listar undervisningserfaringa du har innan arbeids- og organisasjonspsykologi
- Liste over vitskapelege arbeid du vil det skal takast omsyn til ved vurderinga, med opplysningar om kvar dei er offentleggjorde
- Eventuelle vitskaplege arbeid søkjaren vil det skal takast omsyn til ved vurderinga
Søknad og vedlegg med attesterte omsetjingar til engelsk eller eit skandinavisk språk må lastast opp i JobbNorge.
Vi gjer merksam på at søknader vert vurdert med den informasjonen og dei vedlegg som er knytt til søknaden i JobbNorge når søknadsfristen går ut. Det er søkjars ansvar å sørgje for at all informasjon er lagt inn innan fristen.
Det er særs viktig at kvart av vedlegga som det skal takast omsyn til ved vurderin i sin heilskap vert lasta opp som vedlegg til søknaden jf. siste kulepunkt.
Generell informasjon:
Utfyllande opplysningar om stillinga kan ein få ved å vende seg til:
- instituttleiar Anette Harris, e-post: anette.harris@uib.notlf: 55 58 32 19
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personar med nedsett funksjonsevne blir oppmoda om å søkje stillinga.
Universitetet i Bergen nyttar meirinnsyn ved tilsetjing i vitskaplege stillingar.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Nærare om tilsettingsprosessen her.