Stilling:
Forskar i klimadynamikk
Søknadsfrist 23. september 2018
Ved Geofysisk institutt er det ledig ei fast stilling som forskar i klimadynamikk. Stillinga er finansiert av eksterne midlar. Dei første 30 månadene er stillinga finansiert av Bergens forskningsstiftelse.
Om prosjektet / arbeidsoppgåver
Stillinga er knytta til Bjerknes Climate Prediction Unit (BCPU) som har som mål å predikere klimaet i Atlanterhavet og Arktis frå sesong til fleire år framover. Det vil være synergier med EU H2020-prosjektet Blue Action: Arctic Impact on Weather and Climate(http://blue-action.eu) og NordForsk prosjektet Nordic Excellence Center ARCPATH(http://www.ncoe-arcpath.org). Desse prosjekta er begge tverrfaglege og dei tar sikte på å gje innsikt i framtidige, klimatiske og samfunnsmessige endringar i Arktis.
Den som får stillinga vil ha som hovudoppgåve å betre forståinga av mekanismer for klimavariabilitet som gir prediktabilitet i den Atlantiske-Arktiske regionen og tilhørende kontinent, samt betre klimamodellar med hensyn på disse mekanismene. Det vil vere fokus på følgende: (1) mekanismene som styrer samspillet mellom stratosfære/troposfære i et kopla system, Atlanterhavet og havisen i Arktis, (2) fjernkoblingene via stratosfæren/troposfæren mellom den Atlantiske-Arktiske regionen og det tropiske Atlanterhavet, samt det tropiske Indiske hav, og vestlige og sentrale Stillehav, (3) rolla til naturlege og menneskeskapte drivkrefter i å kontrollere variabilitet i kopla stratosfære/troposfære/hav-system i den Atlantiske-Arktiske regionen på ulik tidsskala. Den som får stillinga vil nytte modeller, observasjonar og reanalyse for å identifisere mekanismane for klimavariabilitet og prediktabilitet i den Atlantiske-Arktiske regionen. Det vil vere tett samarbeid med utviklarane av NorESM/NorCPM (Norwegian Earth System and Climate Prediction Models) og andre grupper som arbeider med dataassimilering og biogeokjemi.. Den som får stillinga er venta å ta ei leiande rolle i BCPU og vere ein aktiv bidragsytar innan forskingsfeltet. Dette inkluderer og rettleiing av andre forskarar og søknad om forskingsmidlar.
Kvalifikasjonar og eigenskapar
- Søkjarar må ha oppnådd ph.d.–grad eller tilsvarande utdanning innanfor matematikk, fysikk, meteorologi, oseanografi, klimadynamikk eller annan relevant disiplin
- Solid bakgrunn i atmosfæredynamikk og kopling mot stratosfære/troposfære, dynamisk analyse og sensitivitetseksperiment
- Erfaring frå numerisk modellering og tungrekning er eit krav. Lang erfaring med atmosfære/hav-kopling på tidsskala frå sesong til fleire tiår,
- Svært gode ferdigheiter innan programmeringsspråket Fortran og andre program som idl, ncl, Matlab and cdo er eit krav.
- Erfaring i å knytte saman ulike klimadata for å få ei breidare forståing av klimadynamikk og moglegheit for mekanistisk validering av klimaprediksjon er ein føremon.
- Erfaring frå rettleiing av studentar, postdoktorar og andre forskarar, samt erfaring frå å søke ekstern finansiering er ein føremon.
- Det er nødvendig med gode ferdigheiter i både skriftlig og munnleg engelsk for publisering av resultater og kommunikasjon med kollegaer.
- Spesielle krav til stillingen er vilje og evne til å arbeide på tvers av fagområder i ei tverrfagleg forskningsgruppe, samt å arbeide selvstendig med egne oppgaver.
I vurderinga av aktuelle kandidatar vil ei heilheitleg vurdering av både kvalitet og breidde i kandidatane si forsking bli gjennomført. Personlege og mellommenneskelege eigenskapar vil bli lagt vekt på.
Følgjande premiss er lagt til grunn for stillinga
- Forskaren skal vere medlem i forskingsgruppa som fagfeltet hører innunder.
- Lønsutgiftene skal så langt som mogleg vere 100 % eksternt finansiert.
- Forskaren skal aktivt bidra til å innhente eksterne prosjektmidlar til fagmiljøet, til både seg sjøl og andre, fra NFR, EU og andre kjelder.
- Forskingsaktiviteten er forventa finansiert av prosjekta forskaren, og forskingsgruppa rundt forskaren, arbeider med.
- Instituttleiar kan påleggje forskaren arbeid inn mot bestemte forskingsprosjekt
- Forskaren kan ha verv, delta i komitear, utval m.m. innan UiB.
- Forskaren har normalt ikkje undervisningsplikt, men er forventa å rettleie master- og ph.d.- studentar, i den grad dette går inn som ein naturleg del av forskingsverksemda i forskingsgruppa.
- Forskaren kan søkje kompetanseopprykk etter reglementet for opprykk.
Vi kan tilby
- eit godt og faglig utfordrande arbeidsmiljø
- løn etter kroner 515 200,- brutto per år (kode 1109) etter hovudtariffavtalane i staten ved tilsetjing. Vidare opprykk skjer etter tenesteansiennitet i stillinga. For særleg kvalifiserte søkjarar kan det verte aktuelt å vurdere høgare løn.
- medlemsskap i Statens pensjonskasse
- stilling i ei inkluderande arbeidslivsverksemd (IA-verksemd)
- gode velferdsordningar
Søknaden skal innehalde
- ei kort utgreiing om søkjaren sine forskingsinteresser og motivasjonen for å søkje stillinga
- namn og kontaktopplysningar til to referansepersonar, ein av desse bør vere hovudrettleiaren frå doktorgradsutdanninga
- CV
- karakterutskrifter og vitnemål, samt stadfesting på at doktorgradsavhandlinga er levert
- relevante attestar
- liste over vitskaplege arbeid (publikasjonsliste)
- eventuelle publikasjonar
Søknad og vedlegg med attesterte omsetjingar til engelsk eller eit skandinavisk språk må lastast opp i JobbNorge.
Generell informasjon
Utfyllande opplysningar om stillinga kan ein få ved å vende seg til: Professor Helge Drange eller Professor Noel Keenlyside, Geofysisk institutt.
Den statlege arbeidsstyrken skal i størst mogleg grad spegle mangfaldet i befolkninga. Det er eit personalpolitisk mål å få ei balansert alders- og kjønnssamansetning. Personar med innvandrarbakgrunn og personar med nedsett funksjonsevne blir oppmoda om å søkje stillinga.
Vi oppmodar kvinner om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.
Universitetet i Bergen nyttar meirinnsyn ved tilsetjing i vitskaplege stillingar.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Nærare om tilsettingsprosessen her.