Ledig stilling ved Universitetet i Bergen
Forskar (mellombels, 10 månadar) - Klinisk Institutt 2
Søknadsfrist: 17.11.2019
Kunnskap som formar samfunnet
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Forskar
Ved Det medisinske fakultet, Klinisk Institutt 2, er det ledig ei mellombels stilling som forskar (100 %) i 10 månadar. Stillinga er knytt til prosjektet «A randomized placebo controlled phase II study with Metformin in metabolic-unbalanced breast cancer survivors at higher risk for recurrence”, finansiert av Horisont 2020-programmet til EU.
Om prosjektet/arbeidsoppgåver:
•Laboratorieanalysar av biobankprøver
•Kartlegging og registrering av kliniske data
•Arbeid med prøvesvar og statistisk analyse
•Utarbeiding av manuskript
Kvalifikasjonar og eigenskapar:
•må ha norsk medisinsk embetseksamen, og bør ha fullført turnusteneste•må beherske norsk og engelsk på høgt nivå, munnleg og skriftleg
•søkjar må ha kjennskap til brystkreft og endokrin behandling
• det vil bli lagt stor vekt på personlege eigenskapar. Søkjar må ha stor arbeidskapasitet, entusiasme for forsking og vere ansvarsmedviten.
•søkjar må dokumentere evne til å jobbe sjølvstendig, vitskapleg kreativitet, og å kunne samarbeide med andre.
Vi kan tilby:
- eit godt og utfordrande arbeidsmiljø i forskingsfronten innan metabolisme og brystkreft
- løn frå lønssteg 51-61 etter tenesteansiennitet (kode 1108/lønsramme 25.5) i lønsregulativet til staten ved tilsetjing, for tida kr 456 400 - 542 400 brutto pr. år for ei fulltidsstilling, vidare opprykk skjer etter tenesteansiennitet i stillinga
- medlemsskap i Statens pensjonskasse
- Gode velferdsordningar
Søknaden skal innehalde:
- CV
- vitnemål og relevante attestar (søkjarar med utanlandsk utdanning må leggje ved både vitnemål på original språket og autoriserte omsetjingar)
- eventuelle publikasjonar, vitskaplege/faglege arbeid du ønskjer at det skal takast omsyn til ved vurderinga (maks 10) og ei liste over desse
- to referansar (namn og kontaktinformasjon)
Generell informasjon:
Nærare opplysningar om stillinga kan ein få ved å vende seg til:
- Gunnar Mellgren e-post: gunnar.mellgren@uib.no tlf.: 55974366
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personar med nedsett funksjonsevne blir oppmoda om å søkje stillinga.
Universitetet i Bergen nyttar meirinnsyn ved tilsetjing i vitskaplege stillingar.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Nærare om tilsettingsprosessen her.