Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på 

www.helse-bergen.no

 eller facebook.Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.

Senter for populasjonshelse ved Forskingsavdelinga, Divisjon helsevern, Helse Bergen HF, har ei ledig stilling som treårig PhD-stipendiat. Stipendiatet er knytt til prosjektet «Controversies in psychiatry: Coercive measures and medication», som er finansiert av Forskningsrådet.

Om prosjektet

Prosjektet har to hovudformål:

1. Undersøke effekten av tvang i psykisk helsevern:Vi skal analysere om einingar i Noreg som nyttar meir tvang, som tvangsinnleggingar og tvangsmedisinering, kan vise til betre prognosar, til dømes lågare førekomst av sjølvskading, vald og sjølvmord. Målet er å finne ut om meir bruk av tvang kan bidra til betre pasientutfall eller om det kan skade tilliten og behandlingsrelasjonane.
2. Studere effekten av antipsykotisk medisinering:Vi skal òg evaluere verknaden av ulike variantar av antipsykotisk behandling.PhD-prosjektet vil fokusere på eitt av desse temaa, eller ein kombinasjon av begge.

Senteret sine forskingsmetodarSenteret brukar registerdata til å undersøke kausale effektar av helsetenester i psykisk helsevern. Forskinga tar utgangspunkt i betydelege variasjonar i praksis mellom einingar, til dømes bruk av diagnosar og behandlingar. Hovudmålet er å identifisere praksisar som gir dei beste prognosane for pasientane.

Pågåande forskingsprosjekt omfattar tema som ADHD, autisme, eteforstyrringar, angst, depresjon, Tourettes syndrom og kjønnsinkongruens, og inkluderer både barn, unge og vaksne. Vi tilbyr eit dynamisk, tverrfagleg og internasjonalt forskingsmiljø som inkluderer psykologar, psykiatrar, statistikarar, samfunnsvitarar og økonomar. Brukarmedverknad står sentralt i prosjekta våre. Vi samarbeider med både norske og internasjonale forskingsinstitusjonar.

Arbeidsoppgåver

• Gjennomføring av obligatoriske aktivitetar i forskarutdanninga
• Databearbeiding og -analyse under rettleiing
• Artikkelskriving og -publisering
• Samanskriving av doktorgradsavhandlinga
• Deltaking i møte med prosjektgruppa og brukarrepresentantar

Kvalifikasjonar

• Du må ha (eller vere i ferd med å fullføre innan våren 2025) ein mastergrad eller tilsvarande som kvalifiserer til opptak ved PhD-programmet ved Institutt for klinisk medisin, UiB
• Praktisk erfaring med registerdata vil vere ein fordel
• Praktisk erfaring med statistisk programvare, fortrinnsvis R, men òg STATA, SPSS, MATLAB er ein fordel
• Du må ha kunnskap om statistiske analysar
• Du må ha erfaring frå, eller kjennskap til psykisk helsearbeid, fortrinnsvis i spesialisthelsetenesta
• Du må meistre engelsk godt, både munnleg og skriftleg. Kunnskapar i norsk er ønskeleg
• Personleg eignaheit vil bli vektlagt

Personlege eigenskapar

Vi ser etter deg som

• Har motivasjon og interesse for fagfeltet
• Er engasjert i debattar om psykisk helsevern.
• Gode kommunikasjons - og samarbeidsevner
• Du må kunne arbeide godt både sjølvstendig og i team
• Du arbeider målretta og toler å stå i krevande situasjonar
• Du er god til å sjå kva som må gjerast, og tilbyr og mottar gjerne hjelp
• Du bidrar positivt til eit fagleg og kollegialt godt miljø

Vi tilbyr

• Eit dynamisk, tverrfagleg og internasjonalt forskingsmiljø som inkluderer psykologar, psykiatrar, statistikarar, samfunnsvitarar og økonomar
• Eit aktivt og triveleg arbeidsmiljø
• Ein spennande og utfordrande jobb
• Lønn i samsvar med gjeldande overeinskomst

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Webcruiter-ID: 4912620947

Søk på stillingen

Kontaktinformasjon

• Arnstein Mykletun (Senterleiar), 91689600, arnstein.mykletun@helse-bergen.no
• Trude Merete Ramberg (Seksjonsleiar), 55958449, trude.merete.ramberg@helse-bergen.no