Stilling:
Avdelingsdirektør for forskingsadministrativ avdeling
Søknadsfrist 7. desember 2018
Universitetet i Bergen er eit sterk og samfunnsengasjert universitet, både nasjonalt og internasjonalt. Universitetet sin strategi «Hav, Liv, Samfunn» 2016-2022 https://www.uib.no/strategi har tydelege ambisjonar om å styrke forskingsverksemda og utvikle sterke, eminente forskningsmiljø ved alle våre fakultet. Vi søkjer ein leiar som vil bidra til å realisere universitetet sine ambisjonar for forskingsverksemda.
Stillinga som forskingsadministrativ direktør er sentral i utviklinga av universitetet og inngår i leiargruppa til universitetsdirektøren. Du vil leie og vidareutvikle forskingsadministrativ avdeling med oppgåver knytt til forskingsfinansiering, forskarutdanning, innovasjon, infrastruktur, forskarmobilitet og internasjonalt samarbeid. Avdelinga har om lag 25 årsverk.
I eit tett samspel med fagleg leiing skal forskingsdirektøren ha ansvar for den administrative oppfølginga av UiB sine forskingsstrategiske målsettingar, bidra til auka deltaking i nasjonale og internasjonale forskingsprogram og forvalting av universitetet sine forskingsadministrative tenester til fagmiljøa.
Vi søkjer ein leiar som forstår behov og kultur i fagmiljøa, og er ein kompetent rådgjevar og pådrivar. Den vi søkjer skal legge til rette for gode, førebudde prosessar og må ha evne til å tenke nytt i dialog med fagmiljøa, samarbeidsinstitusjonar, offentlege instansar og ulike finansieringskjelder.
Den rette kandidaten har høg utdanning, fortrinnsvis på doktorgradsnivå, forskingsadministrativ erfaring og solid kunnskap om norsk forskingspolitikk og om norske og internasjonale forskings- og innovasjonssystem.
Vi søkjer ein direktør som er fagleg sterk innan sitt område og ønskjer å bidra i vidareutvikling av Universitetet i Bergen. Vi føreset at du som leiar har ein motiverande leiarstil med gode samarbeidsevne, mogelegheitsorientering og dialog. Evne til å oppnå resultat og godt samspel på tvers av faglege og organisatoriske grenser er viktig. Universitetet arbeider med utvikling av administrative funksjonar gjennom ulike prosjekt og ein må rekne med endring av arbeidsoppgåver i stillinga.
For ytterlegare informasjon, kontakt:
- Universitetsdirektør Kjell Bernstrøm, tlf. 55 58 21 30, 957 70 062 eller
- Assisterande universitetsdirektør Tore Tungodden, 55 58 20 68, 975 57 140
Løn etter avtale (stillinga er plassert i kode 1060, avdelingsdirektør).
Generelle opplysninger:
Den statlege arbeidssyrken skal i størst mogleg grad spegle mangfaldet i befolkninga. Det er eit personalpolitisk mål å få ei balansert alders- og kjønnssamansetning. Personar med innvandrarbakgrunn og personar med nedsett funksjonsevne blir oppmoda om å søkje stillinga.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Nærare om tilsettingsprosessen her.