Universitetsbiblioteket (UB) yter informasjonstenester av høg kvalitet for å støtte forsking, undervisning, formidling og vitskapleg publisering ved Universitetet i Bergen. UB gjev studentar og vitskapleg tilsette tilgang til kunnskapskjelder, og gjev undervisning og rettleiing i informasjonskompetanse. Vidare utviklar og driftar UB digital forskingsinfrastruktur, med særlig vekt på tenester som fremmar open vitskap.

Ved UB er det ledig eit vikariat i 50 % stilling som bibliotekar eller konsulent. Stillinga er for tida knytt til Seksjon for bibliotektenester ved Bibliotek for psykologi, utdanning og helse. Stillinga er ledig frå 13.08.18 til 31.05.2019 med tiltreding snarast mogleg.

Aktuelle arbeidsoppgåver

• Delta i førstelinetenesta fysisk og digitalt, samt bidra i chatte-tenesta
• Brukaropplæring og brukarrettleiing
• Kunnskapsorganisering/bibliografisk registrering/evt. katalogisering
• Innlån/fjernlån
• Andre bibliotekfaglege oppgåver

Den som vert tilsett kan verte pålagt å delta i vaktordningar utanom ordinær kontorarbeidstid.

Kvalifikasjonar

• Bachelor innan bibliotek- og informasjonsvitskap, eller anna tilsvarande bibliotekfagleg utdanning. Anna relevant utdanning i tillegg til relevant arbeidserfaring frå fag- og forskingsbibliotek kan kompensere for krav om bibliotekfag i fagkretsen.
• Gode IKT-kunnskapar, digital kompetanse og kjennskap til biblioteksystemet Alma/Oria og fulfillmentmodulen spesielt, er ein føremon
• God munnleg og skriftleg framstillingsevne både på norsk og engelsk

Eigenskapar

• Du er initiativrik, fleksibel og omgjengeleg med gode samarbeids- og formidlingsevner
• Du er serviceorientert og har gode kommunikasjonsevner
• Du er handlekraftig og har stor arbeidskapasitet
• Du har evne til å arbeide både sjølvstendig og i team

Ved vurdering av søkjarane vil det verte lagt stor vekt på dei personlege eigenskapane som er naudsynte for stillinga.

Me kan tilby

• Eit godt og fagleg utfordrande arbeidsmiljø med engasjerte kollegaer
• Løn som bibliotekar etter lønssteg 43 - 53 (kode 1410/LR 15.4-7) i det statlege lønsregulativet, avhengig av tenesteansiennitet og kvalifikasjonar. Dette utgjer for tida kr. 397 200 - kr. 464 800. For særleg kvalifiserte søkjarar kan høgare løn vurderast. Løn som konsulent etter lønssteg 38 – 49 (kode 1065/LR17.4-8) i det statlege lønsregulativet, avhengig av tenesteansiennitet og kvalifikasjonar. Dette utgjer for tida kr. 371 500 – kr. 435 500. For særleg kvalifiserte søkjarar kan høgare løn vurderast.
• Fleksibel arbeidstid
• Medlemskap i Statens Pensjonskasse
• Stilling i ei inkluderande arbeidslivsverksemd (IA-verksemd)
• Gode velferdsordningar

Utfyllande opplysningar om stillinga kan ein få ved å venda seg til:

• Underdirektør/seksjonsleiar for bibliotektenestar Trude Færevaag, tlf. 55 58 66 83 (kontor), 47804626 (mobil), e-post:Trude.Ferevaag@uib.no, eller
• Hovudbibliotekar/fagleg leiar Anne Belsvik, tlf: 55 588613 (kontor), 482 83 140 (mobil), e-post: anne.belsvik@uib.no

Den statlege arbeidsstyrken skal i størst mogleg grad spegle mangfaldet i befolkninga. Det er eit personalpolitisk mål å få ei balansert alders- og kjønnssamansetjing. Personar med innvandrarbakgrunn og personar med nedsett funksjonsevne vert oppmoda om å søkje stillinga.

Opplysningar om søkjaren kan verte gjort offentlege sjølv om søkjaren har oppmoda om ikkje å verte ført på søkjarlista. Dersom oppmodinga ikkje vert teke til følgje, skal søkjaren varslast om dette.

Nærare om tilsettingsprosessen her.

Web: www.uib.no

Søk på stillingen