Ledig stilling ved Universitetet i Bergen
Universitetslektor (3 x 20 % bistilling) i medisin (farmakologi)
Søknadsfrist: 21.07.2019
UiB - Kunnskap som formar samfunnet
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Universitetslektor (3 x 20 % bistilling) i medisin (farmakologi)
Ved Det medisinske fakultet, Klinisk institutt 2, er det ledig tre (3) åremålsstillingar som universitetslektor (20 % bistilling) i medisin (farmakologi) for ein periode på to (2) år. Bistillingane er knytt til fast relevant hovudstilling ved helseinstitusjon i Bergensregionen utanfor Universitetet i Bergen.
Arbeidsoppgåver:
- undervisning i ulike emne innan farmakologi ved medisinstudiet
- utarbeiding av TBL-opplegg og eksamensoppgåver i farmakologi
- samhandling om undervisning i farmakologi for studentar innan andre helsefag kan bli aktuelt
Kvalifikasjonar og eigenskapar:
- søkjar må vere spesialist i klinisk farmakologi eller ha meir enn to års tenestetid innanfor denne spesialiteten
- søkjar bør gjennom si hovudstilling ha brei kontakt med eit aktivt forskings- og undervisningsmiljø innan farmakologi i regionen
- søkjar med annan fagleg bakgrunn eller hovudstilling/tilknyting kan vurderast i særskilde høve
- det er eit ønskje at søkjar óg har variert og relevant klinisk erfaring, saman med engasjement og interesse for undervisning
- det er eit ønskje at søkjar har undervisnings- og administrativ erfaring
- det vert lagt vekt på dokumentert vilje og evne til samarbeid
- då undervisningsspråket er norsk, er det ein føremon at søkjar har godt nivå når det gjeld skriftleg og munnleg norsk
Undervisingsspråket er til vanleg norsk. Det vert kravd at den som vert tilsett, kan undervise på norsk eller eit anna skandinavisk språk innan to år etter tilsetjinga.
Vi tilbyr:
- spanande og utviklande arbeidsoppgåver i eit sterkt fagmiljø
- faglege utfordringar med gode høve for personleg utvikling og kompetanseutvikling
- løn frå lønssteg 52-63 etter tenesteansiennitet (kode 1009/lønsramme 25.6), for tida kr 464 000 - 563 700 brutto pr. år for ei fulltidsstilling. For særleg kvalifisert søkjar kan det verte aktuelt å vurdere høgare løn
- medlemsskap i Statens pensjonskasse
- gode velferdsordningar
Søknaden skal innehalde:
- ei kort utgreiing om søkjaren sin motivasjon for å søkje stillinga
- karakterutskrifter (all høgare utdanning) og relevante attestar
- vedlegg som dokumenterer dine pedagogiske kvalifikasjonar samt ei liste over desse
- to referansar (namn og kontaktinformasjon)
Dersom du driv forsking legg du og ved:
- fullstendig publikasjonsliste
- vitskaplege arbeid (maks 10) i pdf-format
Det er særs viktig at kvart av dei vitskaplege arbeida som det skal takast omsyn til ved vurderinga i sin heilskap vert lasta opp som vedlegg til søknaden (pdf).
Generell informasjon:
Utfyllande opplysningar om stillinga kan ein få ved å vende seg til:
- Silje Skrede, e-post: Silje.Skrede@uib.no
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personar med nedsett funksjonsevne blir oppmoda om å søkje stillinga.
Vi oppmodar kvinner om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.
Universitetet i Bergen nyttar meirinnsyn ved tilsetjing i vitskaplege stillingar.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Nærare om tilsettingsprosessen her.