Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Studentrettleiar (vitenskapeleg assistent)
Det medisinske fakultet søkjer 20 motiverte studentar som ønskjer å vere rettleiarar for studentar i PASKON-faget i medisinstudiet. Ordninga går over delar av 2. semester.
”Pasientkontakt” (PASKON), er ein del av undervisninga av førsteårsstudentane på profesjonsstudiet i medisin. Dette kurset er ein tidleg start på å få meir profesjonsutvikling inn i utdanninga. I faget møter studentane pasientar allereie frå første semester, og skal forsøke å forstå korleis det er å vere sjuk. Kommunikasjonsevne, empati, innlevingssevne og profesjonalitet er kvalitetar som er viktig i arbeidet som lege, det er viktig å starte utviklinga av dette allereie tidleg i studiet. Dette krev god oppfølging og rettleiing! Til studieåret 2021/2022 er det behov for 20 eldre studentar.
Arbeidsoppgåver:
20 timar fordelt på:
rettleie 2 grupper (à ca. 5 studentar) i møte med 2 pasientar, og bistå med å lage presentasjonar gruppene skal ha for kullet sitt
lese og vurdere 2 refleksjonsnotat og ei oppgåve
delta på obligatorisk opplæring 7. og 21. september, frå kl. 17:00 - 19:00 (på zoom slik at det er mogleg å delta frå praksisstader også utanfor Bergen)
Kvalifikasjonar og eigenskapar:
For å søkje må du vere medisinstudent på 2. studieår eller eldre.
Vi søkjer deg som
reflektert
ivrig etter å dele kunnskap og erfaring
ha forståing for at eit første pasientmøte kan vere vanskeleg og skummelt
oppteken av pasientkommunikasjon og av kor viktig det er å sjå eit heilt menneske
oppteken av medisinsk profesjonalitet
Ved vurdering av søkjaren vil vi legge stor vekt på dei personlege eigenskapane som er naudsynte for stillinga.
Vi tilbyr:
stillinga er timeløna (inkludert opplæring/kurs, førebuingar og evaluering) som vit. ass. (kode 1019) i lønssteg 35. For kandidatar som kan vise til tilsvarande tilsetjing i tilsvarande stilling løn etter lønstrinn 37
du vil få attest etter fullført jobb
Søknaden skal innehalde:
Send søknad i form av eit motivasjonsbrev på maks ei side.
Generell informasjon:
Har du spørsmål?
Utfyllande informasjon om stillinga kan du få ved å kontakte:
Studiekoordinator Institutt for globale helse og samfunnsmedisin: Kirsti Nordstrand (kno034@uib.no , tlf. 55585449)
Medisinstudent, og studentkoordinator PASKON Solveig B. Løkhammer (qiy005@uib.no )
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personar med nedsett funksjonsevne blir oppmoda om å søkje stillinga.
Universitetet i Bergen nyttar meirinnsyn ved tilsetjing i vitskaplege stillingar.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
