Ved Senter for Krisepsykologi, Det psykologiske fakultet, er det ledig ei mellombels 50 % stilling som vitskapleg assistent for to år knytt til senterets forskingsgruppe.

Det psykologiske fakultet tilbyr profesjonsutdanning for psykologar, har ansvar for universitetspedagogisk utdanning ved UiB, bidreg med pedagogikkdelen av lærarutdanninga, og tilbyr grader innan eit vidt felt: barnevern, helsefremjande arbeid, pedagogikk, spesialpedagogikk, psykologi, arbeids- og organisasjonspsykologi og logopedi. Fakultetet sine hovudsatsingsområde innan forsking er knytt til helse, utdanning, utviklingsrelatert forsking og basalforsking i vid forstand.

Senter for Krisepsykologi (SfK) er ei ny-etablert eining ved Det psykologiske fakultetet. Senteret har spisskompetanse på krise- og katastrofeintervensjon, sorg, traume og konsekvensar av alvorlig sjukdom hos barn og vaksne. SfK har eit omfattande nasjonalt og internasjonalt nettverk av samarbeidspartnar og har lang erfaring med utvikling av tenester, og utvikling av kompetanse både i kommunalteneste, barnevern og innan spesialisthelsetenesta. Vi ynskjer å styrke satsinga på forsking og søker derfor ein vitskapleg assistent med utdanning innan psykologi eller helsefag og interesse for forsking på traume, sorg og mestring av alvorleg sjukdom.

Arbeidsoppgåver:

• Førebu og gjennomføre datainnsamling, utskriving og tilrettelegging av forskingsdata i samarbeid med senterets forskarar.
• Delta i arbeid med skriving av rapportar og faglege bidrag
• Bidra til senterets formidling og informasjonsarbeid via web og sosiale media i samarbeid med senterets forskarar.
• Støtte senterets administrativt tilsette og forskarar i samband med førebuing og gjennomføring av kurs, møter og konferansar.

Me gjer merksam på at i henhold til «Forskrift om ansettelsesvilkår for stillinger som postdoktor, stipendiat, vitenskapelig assistent og spesialistkandidat» vert denne stillinga rekna som ei åremålsstilling, og at samla tilsettingstid som vitskapleg assistent ikkje kan overstige to år.

Kvalifikasjonar og eigenskapar:

• Søkjar må ha på begynt profesjonsutdanning i psykologi eller minimum ha bachelorgrad innan psykologi eller helsefag.
• Supplerande utdanning frå andre relevante fagfelt vil telle positivt
• God kjennskap til forskingsmetode og relevant programvare som SPSS, EndNote
• Søkjaren må ha gode skriftlege og munnlege kunnskapar i norsk og engelsk
• Det er ein fordel om søkjaren kan dokumentere erfaring med vitskapleg publisering, formidling og rapportskriving.

Vi kan tilby:

• Eit godt og faglig utfordrande arbeidsmiljø
• Stilling som vitskapleg assistent (kode 1019/1020) i lønssteg 35-47 etter hovudtariffavtalane i staten. Dette utgjer for tida kr 357 600 – 421 300.
• Medlemskap i Statens pensjonskasse
• Stilling i ei inkluderande verksemd
• Gode velferdsordningar

Søknaden skal innehalde:

• Søknad
• CV med kopi av eventuelle skriftlige arbeider
• Stadfesta kopiar av vitnemål og attestar

Du søkjer elektronisk i JobbNorge til Universitetet i Bergen via knappen på denne sida: «Søk stillinga». Søknad, CV og vedlegg skal kun sendast elektronisk i JobbNorge.

Vi gjer merksam på at søknader vert vurdert med den informasjonen og dei vedlegg som er knytt til søknaden i JobbNorge når søknadsfristen går ut. Vedlegga må vere på engelsk eller eit skandinavisk språk, og eventuelle omsetjingar må vere attesterte. Det er søkjar sitt ansvar å sørgje for at all informasjon er lagt inn innan fristen.

Det er særs viktig at kvart av vedlegga som det skal takast omsyn til ved vurdering i sin heilskap vert lasta opp som vedlegg til søknaden.

Søknadsfrist: 25.09.2018

Søknaden skal merkast: 18/8654

Generell informasjon:

Utfyllande opplysingar om stillinga kan ein få ved å vende seg til:

• Senterleder Jarle Eid, e-post: jarle.eid@uib.no, tlf: 55 58 91 88
• Forsker May Hauken, e-post: may.hauken@uib.no, tlf: 55 58 46 83
• Forsker Pål Kristensen, e-post: pal.kristensen@uib.no, tlf: 55 58 46 84

Den statlege arbeidsstyrken skal i størst mogleg grad spegle mangfaldet i befolkninga. Det er difor eit personalpolitisk mål å få ei balansert alders- og kjønnssamansetjing og rekruttere personar med innvandrarbakgrunn. Personar med innvandrarbakgrunn vert oppmoda om å søkja stillinga.

Den som vert tilsett må retta seg etter dei retningslinene som til kvar tid gjeld for stillinga.

Universitetet i Bergen nyttar "meiroffentleg innsyn" ved tilsetjing i vitskaplege stillingar. Opplysingar om søkjaren kan verte gjort offentlege, sjølv om søkjaren har oppmoda om ikkje å verte ført på søkjarlista. Dersom oppmodinga ikkje vert teken til følgje, skal søkjaren varslast om dette.

Nærare om tilsettingsprosessen her.

Søk stillinga