Det humanistiske fakultet ved Universitetet i Bergen søkjer instituttleiar for Institutt for filosofi og førstesemesterstudium.

Instituttleiarstillingar er åremålsstillingar, og tilsetjingsperioden er fire år med høve til å søkje om forlenging i inntil to nye periodar. Tilsetjing frå 01.08.2019.

Institutt for filosofi og førstesemesterstudium har 42 faste tilsette i vitskaplege stillingar, 17 stipendiatar/postdoktorar og 7 administrativt tilsette. Instituttet har ansvar for bachelorprogramma i filosofi og retorikk, masterprogram i filosofi, og examen philosophicum og andre førstesemesterstudium. Wittgensteinarkivet høyrer også til instituttet. Meir informasjon om instituttet finst på: http:/www.uib.no/fof

Arbeidsoppgåver og ansvar

Det valde fakultetsstyret legg overordna rammer for verksemda ved fakultetet og institutta. Den som vert, tilsett vil vere den øvste leiaren av instituttet og vil inngå i instituttet si leiargruppe.

Instituttleiarane deltek også i den rådgjevande leiargruppa ved fakultetet saman med dekanat og fakultetsdirektør.

Instituttleiaren har det overordna ansvaret for den samla faglege og administrative verksemda ved instituttet innanfor gjeldande lover og regelverk. Instituttleiaren får sin myndigheit etter delegering frå fakultetet og har dekanen som næraste overordna.

Instituttleiaren har utvida fullmakter til å prioritere og gjere strategiske val innafor ressursane ved instituttet. Instituttleiaren har ansvar for å leggje fram saker som gjeld strategi, økonomi, planar og meldingar for instituttrådet og skal sørgje for at instituttet har oppdaterte strategiar og system for kvalitetssikring av instituttet si verksemd. Ressursforvaltinga ved instituttet omfattar mellom anna ansvar for og utforming av årsplan og budsjett innafor rammevilkår gitt av fakultetsstyret, ansvar for å sikre rasjonell drift og budsjettbalanse.

Ansvarsområdet for leiaren omfattar strategisk, organisatorisk og fagleg-politisk leiing. Instituttleiaren har også ansvar for å utvikle og følgje opp mål for forsking, forskarutdanning, undervisning og formidling ved instituttet. Instituttleiar har personalansvar for alle tilsette ved instituttet, ansvar for HMS-tiltak, og har innstillingsfullmakt i tilsetjingssaker.

Kvalifikasjonar

Til stillinga søkjer fakultetet ein velkvalifisert forskar, normalt med professorkompetanse og leiarerfaring innanfor instituttet sitt fagområde eller nærskylde fagfelt. Søkjarar må ha god kjennskap til nasjonal og internasjonal forsking, utdanning og forskingsfinansiering for fagområda ved instituttet.

Den som vert tilsett, må vere resultatorientert og personleg eigna for stillinga, og det vert lagt stor vekt på denne vurderinga. Vidare må den som vert tilsett ha gode evner til å samarbeide, til å kommunisere og til å motivere og leie. Dessutan må den tilsette kunne skape gode relasjonar til og mellom dei tilsette.

Løn

Løn etter nærare avtale og gjeldande tariffavtale (kode 1475, ltr. 83-87 (kr. 870.900 – 978.600, avhengig av kompetanse og praksis). For særskilt kvalifiserte søkjarar kan det verte aktuelt å vurdere høgare løn. Frå bruttoløna vert det trekt 2 % til pålagt medlemskap i Statens pensjonskasse.

Nærare opplysningar

Utfyllande opplysningar om stillinga kan ein få ved å vende seg til:

• Dekan Jørgen Magnus Sejersted på telefon 55 58 29 75 / 474 49 536 eller e-post jorgen.sejersted@uib.no eller til
• Fakultetsdirektør Kim Ove Hommen på telefon 55 58 93 41 / 908 85 702 eller e-post kim.hommen@uib.no

Den statlege arbeidsstyrken skal i størst mogleg grad spegle mangfaldet i befolkninga. Det er difor eit personalpolitisk mål å få ei balansert alders- og kjønnssamansetjing og rekruttere personar med innvandrarbakgrunn. Kvinner vert spesielt oppmoda om å søkje.

Opplysningar om søkjaren kan verte gjort offentlege sjølv om søkjaren har oppmoda om ikkje å verte ført på søkjarlista. Dersom oppmodinga ikkje vert teken til følgje, skal søkjaren varslast om dette.

Den som vert tilsett må rette seg etter dei retningslinene som til kvar tid gjeld for stillinga.

Søknad og CV skal sendast elektronisk via link på denne sida, ”Søk på jobben” til Universitetet i Bergen.

Kopi av vitnemål og attestar skal berre sendast dersom ein får melding om det.

Søknadsfrist: 15.10.2018

Merk søknaden: 18/9741

Søk på jobben