Universitetet i Bergen

Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.

Det medisinske fakultet består av fem institutt og sju senter. Les meir om fakultet og tilhøyrande institutt.

UiB - Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

Stipendiat

Ved Det medisinske fakultet, Institutt for global helse og samfunnsmedisin, er det ledig ei stilling som stipendiat (100 %). Stillinga er ledig for ein periode på fire (4) år med 25 % pliktarbeid, eller til maksimalt 4 månader etter fullført doktorgrad dersom graden er fullført før fire år. Pliktarbeidet kan til dømes vere undervisning, eksamensarbeid eller rettleiing, alt etter behovet ved instituttet.

Stillinga er knytt til Centre for Intervention Science in Maternal and Child Health (CISMAC; www.cismac.org), i tett samarbeid med Bergen Centre for Ethics and Priority Setting (BCEPS; https://www.uib.no/en/bceps), og er finansiert av Universitetet i Bergen.

Om prosjektet/arbeidsoppgåver:

• Universitetet i Bergen inviterer høgt kvalifiserte kandidatar til å søke på ei ph.d.-stilling gjennom CISMAC og BCEPS ved Institutt for global helse og samfunnsmedisin
• CISMAC og BCEPS ønsker å bygge vitskapeleg og teknisk kapasitet innan etisk konsekvensevaluering av helsetenester i låg- og mellominntektsland ved å bruke etablerte epidemiologiske studiedesign og å utvikle og validere nye metodar for å kunne kvantifisere rettferdig fordeling av helsegevinstar og andre velferdsgode i randomiserte kontrollerte studiar av høg kvalitet.
• CISMAC er eit globalt leiande intervensjonsforskingskonsortium innan mødre-, nyfødt- og barnehelse. BCEPS er eit internasjonalt leiande forskingssenter innan etikk og helseprioriteringar.
• Dette ph.d.-prosjektet vil fokusere på evaluering av katastrofale helseutgifter og utjamningseffektar av «Kangaroo Mother Care» (KMC) i India ved å bruke allereie innsamla data frå ein randomisert studie. Metodar som vil bli brukt inkluderer konsentrasjonsindeks, katastrofale helseutgifter og utvida kostnadseffektivitetsanalysar). I løpet av ph.d.-prosjektet er det forventa at ph.d.-kandidaten også vil utvikle nye berekningsmetodar for å evaluere fordeling av helsegevinstar i randomiserte kontrollerte studiar.

Kvalifikasjonar og eigenskapar:

Søkaren må:

• ha fullført medisinsk embetsstudium (Cand.Med)
• ha erfaring med avanserte dataanalysar
• ha erfaring med anvend forsking i India
• kunne arbeide sjølvstendig på ein strukturert måte og ha gode samarbeidsevner
• ha god skriftleg og munnleg engelsk

Kvalifikasjonar som vil telle positivt:

• erfaring frå relevante forskingsprosjekt, særleg erfaring frå konkret planlegging, gjennomføring og / eller analyse av data frå randomiserte kontrollerte studiar
• erfaring med ulikskapsanalysar / helseøkonomiske analysar som konsentrasjonsindeks og katastrofale helseutgifter
• grunnleggjande ferdigheiter i bruk av STATA eller R, eller liknande programvare

Søkarar med utanlandsk utdanning må legge ved sertifisert omsetjing til engelsk eller skandinavisk dersom originalvitnemålet og karakterutskriftene ikkje er på eit av desse språka. Søkjar må i tillegg legge ved NOKUT si generelle vurdering om utdanninga (bachelor og master) samsvarar med norsk mastergrad. Sjå www.nokut.no for meir informasjon om vurdering av høgare utdanning. Me gjer merksam på at søknad om vurdering frå NOKUT kan ta tid og søknaden bør sendast så tidleg som mogleg når du veit du vil søkje stipendiat stillinga. Dersom du ikkje har fått svar innan søknadsfristen, legg du ved dokumentasjon frå NOKUT om at dei har mottatt søknaden din.

Sjå også krav om dokumentasjon av engelsk-kunnskapar.

For stillinga gjeldt følgande:

Forskarutdanning:

Stilling som stipendiat har fullført forskarutdanning fram til doktorgrad som mål. Stipendiaten skal gå inn i eit godkjend opplegg for ein doktorgrad innafor ei tidsramme på 3 år, utan andre pålagte arbeidsoppgåver ved instituttet. Endeleg plan for gjennomføring av forskarutdanninga skal vere godkjent av fakultetet innan tre månader etter start i stillinga. Opptak i fakultetet sitt ph.d.-program er ein føresetnad for tilsetjing i stillinga.

Stipendiatstilling:

Stipendiatstillinga er ei åremålsstilling. Ingen kan vere tilsett som stipendiat i meir enn ein åremålsperiode ved same institusjon. Du kan heller ikkje tilsetjast i stipendiatstilling dersom du tidlegare har hatt slik tilsetjing ved ein annan institusjon i regionen. Undervisningsspråket er til vanleg norsk.

Vi tilbyr:

• spanande og utviklande arbeidsoppgåver i eit sterkt fagmiljø
• løn etter lønssteg 54 (kode 1017/lønnsramme 20.10) for tida kr. 479 600 i lønsregulativet til staten. Vidare opprykk skjer etter tenesteansiennitet i stillinga. For søkjarar med minst eitt års tilsetjing i lege- eller tannlegestilling lønssteg 56 for tida kr. 498 800, for søkjarar med spesialistutdanning lønssteg 59 , for tida kr. 526 000
• Medlemsskap i Statens pensjonskasse
• Gode velferdsordningar

Søknaden skal innehalde:

• ei kort utgreiing om søkjaren sine forskingsinteresser og motivasjon for å søkje stillinga
• karakterutskrifter og vitnemål (all høgare utdanning) og relevante attestar
• søkarar med utanlandsk utdanning (bachelor og master) må legge ved sertifisert omsetjing til engelsk eller skandinavisk dersom originalvitnemålet og karakterutskriftene ikkje er på eit av desse språka. Søkjar må i tillegg legge ved NOKUT si generelle vurdering om utdanninga samsvarar med norsk mastergrad. Sjå www.nokut.no for meir informasjon om generell vurdering av høgare utdanning. Har du ikkje fått svar innan søknadsfristen, kan du leggje ved dokumentasjon frå NOKUT om at dei har mottatt søknaden din
• dokumentasjon på engelsk-kunnskapar http://www.uib.no/med/115525/krav-til-engelskkunnskaper-ved-opptak-til-phd-programmet
• ei fullstendig liste over publikasjonar og eventuelle andre faglege arbeid du vil det skal takast omsyn til
• eventuelle publikasjonar (pdf)
• to referansar (namn og kontaktinformasjon)

Generell informasjon:

For nærare opplysningar om stillinga, kontakt:

• Professor Kjell Arne Johansson, BCEPS, e-post: kjell.johansson@uib.no, telefon: +47 97191828

Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personar med nedsett funksjonsevne vert oppmoda om å søkje stillinga.

Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teken til følgje, skal søkjaren varslast om dette.

Nærare om tilsettingsprosessen her.

Søk på stillingen