UiT Norges arktiske universitet

UiT Noregs arktiske universitet er eit breiddeuniversitet som bidrar til ei kunnskapsbasert utvikling regionalt, nasjonalt og internasjonalt. Vi skal utnytta den sentrale plasseringa vår i nordområda, vår faglege breidde og kvalitet og våre tverrfaglege fortrinn til å møta utfordringane i framtida.

Truverd, akademisk fridom, nærleik, kreativitet og engasjement skal prega forholdet mellom tilsette, mellom tilsette og studentar og mellom UiT og samarbeidspartnarar.

Fakultet for humaniora, samfunnsvitenskap og lærerutdanning / Institutt for språk og kultur

Om stillinga

Ved Institutt for språk og kultur (ISK), Fakultet for humaniora, samfunnsvitenskap og lærerutdanning (HSL) er det ledig ei 3-årig stipendiatstilling i samisk sosiolingvistikk. Stillinga er knytt til forskingsgruppa Giellatekno.

Arbeidsstad er campus Tromsø.

Stipendiatet er ei utdanningsstilling med fullført forskarutdanning fram til doktorgrad som mål. Opptak til doktorgradsprogram er ein føresetnad for tilsetjing, og studieperioden startar når kandidaten byrjar i stillinga. Stipendiaten deltar i forskarutdanninga til fakultetet, og doktorgradsprosjektet blir gjennomført i løpet av tilsettingsperioden. Informasjon om søknadsprosessen for opptak til ph.d.-programmet, søknadsskjema og ph.d.-forskrift finst her: https://uit.no/phd

Om instituttet

Institutt for språk og kultur (ISK) har 75 fast tilsette, 10 professor II og omlag 25 stipendiatar. I tillegg kjem rundt 35 mellombels tilsette i forskings- og undervisningsstillingar. Instituttets kjerneverksemd er forsking, utdanning og formidling innan språkvitskap, litteraturvitskap, kunsthistorie, samt medie- og dokumentasjonsvitskap.

Instituttet har ein svært aktiv forskingsprofil med stor tematisk breidde og huser eit av verdas fremste språkvitskapelege miljø blant anna representert med AcqVA Aurora Center, samt forskargrupper innan kognitiv lingvistikk (CLEAR), samisk språkteknologi (Giellatekno og Divvun), og teoretisk lingvistikk (CASTL-Fish) og sosiolingvistikk. Instituttets miljø innan litteraturvitskap, kunsthistorie og medie- og dokumentasjonsvitskap hevdar seg sterkt nasjonalt og er blant anna organisert i forskargruppene «Health, Art and Society» (HAS), Russian Space (RSCPR), Libraries, archives, museums, in the community (LAMCOM), Arctic Voices in Art and Literature (ARCTIC VOICES), Just Literature (JUL), Interdisciplinary Phenomenology (IP) Worlding Northern Art (WONA) og Multilingual North, Diversity, Education and Revitalisation (MULTINOR).

ISK tilbyr undervisning i allmenn språkvitskap, litteraturvitskap, kunsthistorie, medie- og dokumentasjonsvitskap, engelsk, kvensk og finsk, nordisk, russisk, samisk, spansk og tysk, som årsstudium, bachelor- eller mastergradsstudium. Det blir også gjeve doktorgradsutdanning i kultur/litteraturvitskap, kunsthistorie, medie- og dokumentasjonsvitskap og språkvitskap.

Om prosjektet

Stipendiatperioden skal nyttast til eit doktorgradsprosjekt innanfor prosjektet “Korleis kan språkteknologi utgjere ein skilnad for urfolksspråk? Ei utforsking av effekten språkteknologi har på den samiske skriftkulturen” ("How can language technology make a difference for indigenous languages? An investigation of the impact language-aware computer programs have upon Saami literacy").

Prosjektet har som mål å forstå kva slags verknader språkteknologi har for språklæring eller tekstproduksjon for sør- og nordsamisk. Det vil gjere bruk av ulike sosiolingvistiske og språksosiologiske metodar, både i eit kvalitativt og eit kvantitativt perspektiv.

Søknaden skal innehalde framlegg til ein plan for doktorgradsarbeidet som står i samsvar med innrettinga til prosjektet. Ei nærare presisering av avhandlingstema må gjerast etter avtale med prosjektleiarane, og i samsvar med prosjektplanen som søkararen får tilsendt med å ta kontakt med ein av kontaktpersonanen.

Kontakt

Fleire opplysningar om stillinga kan du få av:

• Førsteamanuensis Lene Antonsen, Telefon: +47 776 46519 - E-post: lene.antonsen@uit.no
• professor Trond Trosterud, E-post: trond.trosterud@uit.no
• førsteamanuensis Åse Mette Johansen: - E-post: ase.mette.johansen@uit.no eller
• Fungerande instituttleiar Linda Nesby, Telefon: +47 776 44873 - E-post: linda.nesby@uit.no

Vi kan tilby

• Eit godt arbeidsmiljø med dedikerte kollegaer
• Gode velferdsordningar
• Gode pensjons-, forsikrings-, og låneordningar i Statens pensjonskasse

Kvalifikasjonar

Den som blir tilsett, må dokumentere kompetanse på mastergradsnivå i samisk språkvitskap eller litteratur, eventuelt ein annan relevant mastergrad. Viss du er nær ved å levera eller nyleg har levert masteroppgåva, kan du framleis søka og legga ved eit utkast av oppgåva.

Søkaren må ha kunnskap i samisk.

Søkaren sitt potensiale for forsking, personlege dugleik og motivasjon for stillinga.Kandidaten må oppfylle krava til opptak på fakultetets doktorgradsprogram: https://uit.no/phd

Søknaden

Søknaden skal sendast elektronisk via www.jobbnorge.no og skal innehalde:

• Søknadsbrev med skildring av forskingsinteresser og motivasjonen for stillinga
• CV
• Vitnemål og karakterutskrifter (evt. òg diploma supplement) for alle gradar
• Attestar
• Kontaktinformasjon til 1-3 referansar
• Mastergradsavhandlinga, og evt. andre vitskaplege arbeid (publiserte eller upubliserte)
• Prosjektskildring, mal for prosjektskildring finnes her : HSL-fakultetet -> Opptak -> Krav til opptakssøknaden

All dokumentasjon som skal vurderast må vera på eit skandinavisk språk eller engelsk.

Vi aksepterer berre søknader sendt inn via Jobbnorge.

All dokumentasjon som skal vurderast må vera lasta opp ved utløpet av søknadsfristen.

Generell informasjon

Tilsetjinga skjer i samsvar med reglar og vilkår som til kvar tid gjeld for statstilsette, og retningslinjer ved UiT. På nettsidene våre finn du meir informasjon til søkarar på stillingar ved UiT.

Flest mogleg bør få høve til å gjennomgå ei forskarutdanning. Om du allereie har oppnådd ein doktorgrad eller har tilsvarande kompetanse, er du ikkje aktuell for tilsetjing i denne stillinga.

Kortare tilsetjingsperiode enn fire år kan gjevast dersom stipendiaten alt har gjennomført delar av forskarutdanningsprogrammet sitt, eller når tilsetjinga bygger på tidlegare tilsetjing i utdanningsstilling, slik at total tid til forskarutdanning blir tre år.

Stilling som stipendiat blir lønt etter regulativet til staten kode 1017. Frå lønna blir det trekt 2% innskot til Statens pensjonskasse.

Ved UiT legg vi vekt på mangfald, og oppmodar derfor kvalifiserte søkarar til å søka utan omsyn til alder, kjønn, funksjonsevne,nasjonal eller etnisk bakgrunn og personar som har stått utanfor arbeid og utdanning i ein lengre periode (hol i CV ein). UiT legg vekt på å legga til rette arbeidsforholda for tilsette med redusert funksjonsevne.

Personopplysningar som blir oppgjeve blir handsama i samsvar med lov om behandling av personopplysningar. Søkarar kan be om ikkje å bli oppført på den offentlege søkarlista, men universitetet kan likevel vedta at namnet på søkaren skal offentleggjerast. Søkaren vil da bli varsla i forkant av offentleggjering.

Søk på stillingen