Stilling:
Forskingsmedarbeider - Prosjektkoordinator for Prosjektet NORSE (deltid, 50 %) - Forsking og innovasjon
Søknadsfrist: 21.10.2018
Om prosjektet
Helse Førde har fått midlar frå Norges Forskningsråd til prosjektet «NORSE: Building bridges between psyche and soma through personalized and dynamic mental health systems». NORSE er eit elektronisk tilbakemeldingssystem med mål å tilpasse behandlinga betre til den enkelte sine ressursar og vanskar. NORSE skal i perioden 2017-2021 vidareutviklast innan tre område: I psykisk helsevern, ved oppfølging etter fedmekirurgi og i primærhelsetenesta. Prosjektet omfattar fleire pågåande doktorgradsprosjekt, og den siste tildelinga frå Forskningsrådet inneheld yttarlegare post.doc-stilling og seniorforskartid i forplikta nasjonale og internasjonale samarbeid.
Det er ledig ei midlertidig prosjektstilling i 50% frå snarast for ein periode på 3-4 år, med arbeidsoppgåver hovudsakleg innan administrasjon av prosjektet. Stillingsprosent kan bli utvida. Stillinga er lagt til Fag- og utviklingsavdelinga, seksjon for forsking og innovasjon. Den som tilsettast vil samarbeide nært med prosjektleiar, samt andre i seksjonen.
Arbeidsoppgåver
- Bistå prosjektleiar i dagleg drift
- Planlegging, gjennomføring og oppfølging ved ulike arrangement/møter.
- Saksbehandling knytt til drift av prosjektet, økonomi, koordinering og rapportering.
- Kontaktperson for samarbeidspartar
- Endringar i ansvarsområde og/ eller arbeidsoppgåver må kunne påreknast.
- Arbeidet inneber noko reiseverksemd
Kvalifikasjonar
- Erfaring frå forsking, prosjektarbeid og/eller forskingsadministrativt arbeid
- Erfaring frå helsetenesta og/eller kompetanse innan tema i prosjektet er ei føremon
- Erfaring frå tverrfagleg teamarbeid
- God kunnskap om og erfaring med bruk av IKT-verktøy, og evne til å ta i bruk aktuelle administrative verktøy
- God munnleg og skriftleg framstillingsevne i norsk og engelsk.
Særlig relevant og lang praksis kan kompensere for manglande formell utdanning.
Utdanningsretning
- Administrasjon/organisasjon/leiing
Utdanningsnivå
- Høgskule/universitet, hovudfag / mastergrad
Personlege eigenskapar
- Samarbeidsevne og initiativ og evne til å arbeide sjølvstendig
- Fleksibel og evne til å ha fleire ballar i lufta
- Nysgjerrigheit og interesse for utvikling av betre helsetenester
- Løysingsorientert, heilskapstenkjande, strukturert og leveringsdyktig
Språk
- Norsk
- Engelsk
Vi tilbyr
- Vi kan tilby ein variert og spanande arbeidsplass, der du får bidra i utviklingsarbeid og har rom for å utforme eigen arbeidskvardag
- Gode kollegaer og eit spanande utviklingsprosjekt
- Løn etter avtale
- Gode forsikringsordningar (Pensjon- og yrkesskade-/gruppelivs- og tenestereiseforsikring)
- Inkluderande arbeidslivsordning (IA-bedrift)
Slik søker du
- Søknaden skal sendast elektronisk via link på denne sida «SØK PÅ STILLINGA». Søkarane skal nytte det elektroniske CV-skjemaet som ein finn der. I tillegg må dette følgje søknaden:
- Ei kort søknadstekst, med søkar sin motivasjonen for å søkje stillinga og kva ein har av relevant erfaring
- CV, vitnemål og attestar
- Aktuelle søkarar blir kalla inn til intervju
Ref. nr.: 3935347266
Hjemmeside: www.helse-forde.no
Kontakt: Anne Kristin Kleiven (Uviklingsdirektør)
Telefon: (+47) 415 30 341
Kontakt: Christian Moltu (Prosjektleiar)
Telefon: (+47) 922 69 691
Kontakt: Guro Mjanger (Seksjonsleiar)
Telefon: (+47) 992 58 047