Stilling:
Teiknspråkkonsulent / rådgjevar
Frist: 10.08.2018
Statped vest er ein av fire regionar i Statped med regionsenter i Bergen og med kontor i Sandane og i Stavanger. Statped vest yter tenester til kommunar og fylkeskommunar i Sogn og Fjordane, Hordaland og Rogaland innan fagområda synsvanskar, høyrselsvanskar, samansette lærevanskar, språk- og talevanskar, brukarar med døvblindheit eller kombinerte sansetap og brukarar med erverva hjerneskade.
Statped vest har ledig eit vikariat i 100%, i eit år som teiknspråkkonsulent/rådgjevar på fagområdet høyrsel.
Vi ønskjer å tilsette ein teiknspråkkonsulent/rådgjevarar som har høg kompetanse innan fagområdet høyrsel og særleg på teiknspråkområdet.
Arbeidsstyrken i staten skal spegle mangfaldet i befolkninga i størst mogeleg grad. Statped sitt mål i personalpolitikken er ei balansert samansetjing av alder og kjønn, og å rekruttere personar med minoritetsbakgrunn og personar med nedsett funksjonsevne.
Søkjarane må vere merksame på at opplysningar om at dei har søkt kan verte offentleggjort, sjølv om søkjarane ber om ikkje å bli ført opp på offentleg søkjarliste.
Arbeidsoppgåver
- Opplæring av føresette, barn og unge i teiknspråk og norsk med teiknstøtte
- Arbeid med kurstilbod til barn med nedsett høyrsel og deira føresette
- Koordinering og sakshandsaming av tenester knytt til teiknspråk og kurs
- Delta i læremiddelutvikling, oppdrag frå høgskular og fleirfaglege oppgåver i fagavdelinga og Statped
- Stillinga inneber stor grad av sjølvstendig arbeid, i tillegg til teamarbeid
- Du må rekne med å måtte reise noko i samband med jobben
Kvalifikasjonar
- Relevant utdanning som til dømes lærar, i tillegg til teiknspråk 60 studiepoeng (relevant realkompetanse i teiknspråk kan kompensere for dette utdanningskravet)
- Erfaring frå arbeid med barn og unge med høyrselshemming
- Rettleiingskompetanse, praktisk pedagogisk kompetanse og røynsle med bruk og utvikling av digitale læremiddel vert vektlagt
- God skriftleg og munnleg formidlingsevne
- Den som vert tilsett må leggje fram politiattest og elles rette seg etter dei til ei kvar tid gjeldande lover og avtalar for tenestepersonar i staten.
- Personleg eigna
Personlege eigenskapar
- Gode samarbeidsevner
- Evne til å arbeide sjølvstendig
- Fleksibilitet
- Analytisk og utviklingsorientert
Vi tilbyr
- Eit stimulerande og godt arbeidsmiljø med høg fagleg kompetanse
- Engasjerande og varierte arbeidsoppgåver
- Gode høve til fagleg utvikling
- Stillingane vert løna som førstekonsulent st.kode 1408 i ltr. 42-49 (kr. 391 800 - 435 500). For særleg godt kvalifiserte søkjarar st.kode 1434 rådgjevar i ltr 45-60 (kr. 409 100-524 200)
- Fleksibel arbeidstidsordning
- IA-verksemd
- Medlemskap i Statens pensjonskasse
Web: www.statped.no
Kontakt: Hilde Sivertsen (Avdelingsleiar)