Universitetet i Stavanger (UiS) har omlag 12 000 studentar og 1.900 tilsette. Universitetet har store ambisjonar. Vi skal ha en innovativ og internasjonal profil og vera ei drivkraft i kunnskapsutviklinga og endringsprosessar i samfunnet. Vår felles retning skal drivast fram av omtanke for berekraftig omstilling og rettferdig samfunnsutvikling, gjennom nye måtar å forvalte naturressursane på og ved å legge til rette for betre byar og lokalsamfunn. Energi, helse og velferd, læring for livet er våre satsingsområde.
I samspel og dialog med våre omgjevnadar regionalt, nasjonalt og internasjonalt har vi eit ope og innovativt klima for utdanning, forsking, kunstnarisk utviklingsarbeid, nyskaping, formidling og museumsverksemd. Den faglege verksemda ved UiS er organisert i seks fakultet med 13 institutt og 2 nasjonale forskings- og kompetansesenter i tillegg til Arkeologisk museum. Vi er medlem i det europeiske nettverket for innovative universitet – European Consortium of Innovative Universities (ECIU). Universitetet ligg i den mest attraktive regionen i landet med 300.000 innbyggjarar. Stavangerregionen har et dynamisk arbeidsmarknad og tilbyr ei rekke spennande kultur- og fritidsaktivitetar.
Saman med dei tilsette og studentane våre vil vi løfta blikket, og våga å tenke stort og nytt - vi utfordre det velkjente og utforske det ukjente.
Fakultet for utdanningsvitskap og humaniora er den viktigaste institusjonen i regionen for utdanning av lærarer til barnehage, grunnskule, vidaregåande skule, høgskule og universitet. Fakultetet tilbyr også grunnutdanning innanfor språk, religion, historie, samt åtte masterprogram og to doktorgradsutdanningar. Fakultetet har ein nasjonal posisjon innanfor forsking og undervisning i lese- og skrivevanskar og åtferdsvanskar gjennom Nasjonalt senter for leseopplæring og leseforsking (Lesesenteret) og Nasjonalt senter for læringsmiljø og åtferdsforsking (Læringsmiljøsenteret). Fakultetet samarbeider med Utdanningsdirektoratet, kommunar og fylke om etter- og vidareutdanning.Totalt har fakultetet om lag 3.000 studentar og 320 tilsette fordelte på fakultetsadministrasjonen, Institutt for barnehagelærarutdanning, Institutt for grunnskulelærarutdanning, idrett og spesialpedagogikk, Institutt for kultur- og språkvitskap, Lesesenteret, Læringsmiljøsenteret og Kunnskapssenter for utdanning.
Institutt for grunnskolelærerutdanning, idrett og spesialpedagogikk har ansvar for grunnskolelærerutdanning for 1 – 7. trinn og 5 – 10. trinn. Instituttet har ansvar for master i spesialpedagogikk, master i idrettsvitenskap, bachelor i idrett, samt årsstudium i kunst og håndverk, drama og idrett. I tillegg har instituttet ansvar for videreutdanninger i engelsk og matematikk samt veiledning av nyutdannede lærere. Instituttet har et aktivt forskningsmiljø og mange av våre ansatte er også involvert i desentralisert kompetanseutvikling i nært samarbeid med skoler og skoleeiere. Det er i dag ca 90 ansatte og 900 studenter tilknyttet instituttet.
Om stillinga
Universitetet i Stavanger har ledig stilling som rådgjevar ved Fakultet for utdanningsvitskap og humaniora, Institutt for grunnskolelærarutdanning, idrett og spesialpedagogikk.
Stillinga er ledig frå 1.2.2022
Den som vert tilsett skal ha ansvar for å støtte ulike forskings-, utviklings- og utdanningsprosjekt ved Institutt for grunnskolelærarutdanning, idrett og spesialpedagogikk. Vedkommande vil bli del av den administrative staben ved instituttet. Staben består av 9 dyktige studie-, praksis- og eksamenskoordinatorar som støtter dei vitskapelege tilsette i drift og utvikling av grunnskulelærarutdanning 1 – 7. trinn og 5. – 10. trinn, master i idrettsvitskap og master i spesialpedagogikk, bachelor i idrettsvitskap, årskurs i drama og kunst og handverk samd ulike vidareutdanningar.
Hovudoppgåver
Ha oppsyn med instituttet si prosjektportefølje i samarbeid med kontorsjef og instituttleiar.
Hjelpe vitskapeleg tilsette i søking om eksterne forsking- og utdanningsprosjektmidlar.
Utarbeide gode rutinar for forskingsadministrasjon på instituttet.
Koordinere arbeid mellom samarbeidspartar i prosjekt når behov.
Bidra i planlegging, gjennomføring og kvalitetssikring av datainnsamlingar ved behov.
Svare på og følgje opp problemstillingar knytt til personvernsikkerheit og GDPR.
Hjelpe til med rapportering
Hjelpe til med å organisere konferansar, møte og seminar som instituttet er ansvarleg for.
Ivareta administrative oppgåver knytt til prosjekta og instituttet elles, så som sekretariatsfunksjonar.
Støtte FoU-utvalet, FoU-utvalsleiar og instituttleiar med administrative spørsmål og problemstillingar knytt til forskingsverksemda ved instituttet.
Bidra til samarbeid og erfaringsutveksling på tvers av einingar.
Studiekoordinator for EU-støtta studieprogram (viss programmet blir ein realitet).
Generelle administrative oppgåver.
Kvalifikasjonar
Du må ha:
relevant utdanning på masternivå. Særskilt relevant erfaring kan kompensere for utdanningskravet
relevant erfaring, fortrinnsvis frå forsking- og utviklingsprosjekt, gjerne retta mot det pedagogiske feltet som barnehage, skule og vidaregåande opplæring
svært gode IT-ferdigheiter
svært god munnleg og skriftleg framstillingsevne på norsk og engelsk
Vidare blir det lagt vekt på at du:
har erfaring frå forskings- eller prosjektadministrasjon eller forskingspolitisk arbeid, og god kjennskap til forskingssystemet og gjerne til Forskningsrådet, EU sine forskingsaktørar og andre aktørar som bidreg til finansiering av forsking
er serviceinnstilt, fleksibel og imøtekommande
har gode kommunikasjons- og samarbeidsevner
er sjølvstendig, effektiv og strukturert
er løysingsorientert og tar ansvar for gjennomføring av gode arbeidsprosessar
Vi tilbyr
varierte arbeidsoppgåver i ein stor organisasjon med eit viktig samfunnsoppdrag
ein ambisiøs arbeidsfellesskap og eit inkluderande arbeidsmiljø
løn etter Statens lønnsregulativ l.pl 90.500, kode 1434, kr 516 000 - 615 000 bto pr år. I særskilte tilfelle kan høgare løn bli vurdert. Frå løna vert det trekt lovfesta innskot til Statens pensjonskasse.
medlemsskap i Statens pensjonskasse som sikrar gode pensjons- og forsikringsordningar
Universitetet sine verdiar er å vere uavhengig, involverande og skapande. Vi vurderer mangfald som ein ressurs i arbeids- og læringsmiljøet vårt, og er opptatt av å visa respekt for kvarandre sine ulikheiter og bakgrunn. Universell utforming skal prega dei fysiske og digitale læringsmiljøa våre, og arbeidsplassen vil om nødvendig bli lagt til rette for tilsette med nedsett funksjonsevne.
Dersom du vurderer stillinga som interessant oppmodar vi deg til å søke uavhengig av kjønn, funksjonsevne, kulturell bakgrunn eller om du har vore utafor arbeidslivet ein periode.
Instituttet vil rekruttera fleire menn til avdelinga og oppmodar derfor spesielt menn til å søke. Dersom fleire søkjarar vert vurdert til å ha likeverdige kvalifikasjonar, vil ein mann bli prioritert føre ei kvinne.
Spørsmål om tilsetjingsprosessen kan rettast til HR-rådgjevar Grete Marnburg, tlf: 51833545, e-post: Grete Marnburg@uis.no
Søknad
Søk på stillinga elektronisk via "Søk stillinga" på denne sida. Her vert minimum søknadsbrev, relevant utdanning og arbeidserfaring samt språkferdighetar registrert. I søknadsbrevet må du få fram kva kompetanse og motivasjon du har for stillinga.
Ein meir utfyllande CV, vitnemål, attestar og eventuelt annan dokumentasjon som du vil det skal tas omsyn til ved vurdering av søknaden, må lastas opp som vedlegg. Dokumentasjonen må finnast på eit skandinavisk språk eller engelsk. Dersom vedlegga overskrid 30 MB til saman, må dei komprimerast før opplasting.
Søknaden vert vurdert ut frå informasjonen som er tilgjengeleg i Jobbnorge ved søknadsfristen. Sørg derfor for at søknaden tydeleg viser korleis evnene og erfaringane dine oppfyller kompetansekrava som det er skrive om over.
Vi gjer merksame på at opplysningar om søkjar kan bli offentleggjorde sjølv om søkjer har bedd om ikkje å bli oppført på offentleg søkjarliste, jf offentleglova § 25. Dersom ønsket ditt ikkje blir tatt til følgje, vil du bli varsla om dette.
UiS vurderer berre søknadar og vedlegg som er registrert i Jobbnorge.
