Universitetet i Stavanger

Universitetet i Stavanger (UiS) har omlag 12 000 studentar og 2 000 tilsette. Universitetet har store ambisjonar. Vi skal ha en innovativ og internasjonal profil og vera ei drivkraft i kunnskapsutviklinga og endringsprosessar i samfunnet. Vår felles retning skal drivast fram av omtanke for berekraftig omstilling og rettferdig samfunnsutvikling, gjennom nye måtar å forvalte naturressursane på og ved å legge til rette for betre byar og lokalsamfunn. Energi, helse og velferd, læring for livet er våre satsingsområde.

I samspel og dialog med våre omgjevnadar regionalt, nasjonalt og internasjonalt har vi eit ope og innovativt klima for utdanning, forsking, kunstnarisk utviklingsarbeid, nyskaping, formidling og museumsverksemd. Den faglege verksemda ved UiS er organisert i seks fakultet med 13 institutt og 2 nasjonale forskings- og kompetansesenter i tillegg til Arkeologisk museum. Vi er medlem i det europeiske nettverket for innovative universitet – European Consortium of Innovative Universities (ECIU). Universitetet ligg i den mest attraktive regionen i landet med 300.000 innbyggjarar. Stavangerregionen har et dynamisk arbeidsmarknad og tilbyr ei rekke spennande kultur- og fritidsaktivitetar.

Saman med dei tilsette og studentane våre vil vi løfta blikket, og våga å tenke stort og nytt - vi utfordre det velkjente og utforske det ukjente.

Om stillinga

Universitetet i Stavanger har ledig stilling som rådgivar ved Utdanningsavdelinga, Seksjon for kvalitet og utvikling i utdanningane frå 1. februar 2022.

Utdanningsavdelinga er organisert i fire seksjonar og bistår fakulteta og rektoratet med utgreiingsarbeid, rådgiving og strategisk utviklingsarbeid knytt til utdanningskvalitet på alle nivå.

Seksjon for kvalitet og utvikling i utdanningane har ansvar for kvalitetsarbeid, analyse- og utgreiingsarbeid. Seksjonen har òg eit ansvar for å gi rettleiing og støtte til fakulteta. Seksjonen bistår utdanningsdirektøren med sekretariatet for læringsmiljøutvalet, utdanningsutvalet, klagenemda og skikkethetsnemda.

Hovudoppgåver

• ivareta kvalitetsarbeid innanfor utdanningsområde, som saksbehandling knytt til akkreditering, periodisk evaluering av studieprogram, kvalitet i studieportefølje, gjennomføring og oppfølging av ulike undersøkingar
• støtte fakulteta i arbeidet med utvikling av studieprogram
• administrativ støtte til klagenemnda og skikkethetsnemnda
• behandle klager frå studentane
• administrativ støtte til Uniped
• saksbehandle og greie ut sakar for universitetsstyret og sentrale utval

Kvalifikasjonar

Du må ha:

• relevant utdanning på mastergradsnivå. Særskild relevant erfaring kan kompensere for utdanningskravet.
• relevant erfaring
• erfaring med bruk av relevante IT-verktøy
• god munnleg og skriftleg framstillingsevne på norsk og engelsk

Vidare blir det lagt vekt på at du:

• har kjennskap til det norske utdanningssystemet
• er proaktiv, resultatorientert og tar ansvar for gjennomføring av gode arbeidsprosessar
• er innovativ, har god organisasjonsforståing og gode analytiske evner
• har gode kommunikasjonsevner og evne til å skape tryggheit i krevjande situasjonar
• er sjølvstendig, nøyaktig og resultatorientert
• har gode samarbeidsevner og bidrar til eit godt sosialt arbeidsmiljø
• er omgjengeleg, service- og løysingsorientert

Vi tilbyr

• varierte arbeidsoppgåver i ein stor organisasjon med eit viktig samfunnsoppdrag
• ein ambisiøs arbeidsfellesskap og eit inkluderande arbeidsmiljø
• løn etter Statens lønnsregulativl.pl 90.500, kode 1434, kr 550 000-650 000 bto pr år. I særskilte tilfelle kan høgare løn bli vurdert. Frå løna vert det trekt lovfesta innskot til Statens pensjonskasse.
• medlemsskap i Statens pensjonskasse som sikrar gode pensjons- og forsikringsordningar
• meir om gode for tilsette og fordelar på våre nettsider

Mangfald

Universitetet sine verdiar er å vere uavhengig, involverande og skapande. Vi vurderer mangfald som ein ressurs i arbeids- og læringsmiljøet vårt, og er opptatt av å visa respekt for kvarandre sine ulikheiter og bakgrunn. Universell utforming skal prega dei fysiske og digitale læringsmiljøa våre, og arbeidsplassen vil om nødvendig bli lagt til rette for tilsette med nedsett funksjonsevne.

Dersom du vurderer stillinga som interessant oppmodar vi deg til å søke uavhengig av kjønn, funksjonsevne, kulturell bakgrunn eller om du har vore utafor arbeidslivet ein periode.

Kontaktinformasjon

Spørsmål om stillinga kan rettast til seksjonssjef Ingrid Stokkeland, tlf: 51 83 25 77, e-post: ingrid.stokkeland@uis.no

Spørsmål om tilsetjingsprosessen kan rettast til HR-rådgivar Kaja Lillelien, tlf: 51 83 13 10, e-post: kaja.lillelien@uis.no

Søknad

Søk på stillinga elektronisk via "Søk stillinga" på denne sida. Her vert minimum søknadsbrev, relevant utdanning og arbeidserfaring samt språkferdighetar registrert. I søknadsbrevet må du få fram kva kompetanse og motivasjon du har for stillinga.

Ein meir utfyllande CV, vitnemål, attestar og eventuelt annan dokumentasjon som du vil det skal tas omsyn til ved vurdering av søknaden, må lastas opp som vedlegg. Dokumentasjonen må finnast på eit skandinavisk språk eller engelsk. Dersom vedlegga overskrid 30 MB til saman, må dei komprimerast før opplasting.

Søknaden vert vurdert ut frå informasjonen som er tilgjengeleg i Jobbnorge ved søknadsfristen. Sørg derfor for at søknaden tydeleg viser korleis evnene og erfaringane dine oppfyller kompetansekrava som det er skrive om over.

Vi gjer merksame på at opplysningar om søkjar kan bli offentleggjorde sjølv om søkjer har bedd om ikkje å bli oppført på offentleg søkjarliste, jf offentleglova § 25. Dersom ønsket ditt ikkje blir tatt til følgje, vil du bli varsla om dette.

UiS vurderer berre søknadar og vedlegg som er registrert i Jobbnorge.

Søk stillinga