Nettverkskoordinator (rådgjevar) ved Center for Integrated Earth system Education (iEarth)
Søknadsfrist: 19.05.2021
Universitetet i Bergen
Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Rådgjevar
Ved Institutt for geovitenskap er det ledig ei fast stilling som nettverkskoordinator (rådgjevar) for det nasjonale konsortiet Centre for integrated Earth System education (iEarth).
Ansvarsområde og arbeidsoppgåver
Stillinga har hovudarbeidsplass ved Institutt for geovitenskap, inngår i administrasjonen og vil samarbeide tett med studieseksjon her. I det daglege vil den som vert tilsett ha ansvar for å følgje opp og drive det nasjonale nettverket som utgjer SFUen iEarth. Senteret skal drive forsking på og utvikling av utdanning innanfor geovitskap i tette nasjonale og internasjonale relasjonar.
Nettverkskoordinatoren har den administrative leiarfunksjonen i nettverket, med ansvar for overordna drift, drift av websider, sakshandsaming prosjektsøknader, oppfølging av prosjekter og liknande, koordinering og rapportering til nettverket, kontakt med DIKU, dokumentasjonsarbeid, og møtekoordinering. I tett samarbeid med fagleg ansvarleg ved Institutt for geovitenskap og den nasjonale styringsgruppa har koordinator arbeidsoppgåver knytt til prosjektutvikling og gjennomføring og formidling, og inngår i nettverket si styringsgruppe. Nettverkskoordinatoren har eit særskilt ansvar for oppfølging og informasjonsflyt innan konsortiet, mellom dei fire partnarane, dei ulike delprosjekta og aktivitetar. Nettverkskoordinator har saman med fagansvarleg ved Institutt for geovitenskap ansvar for god partnarkontakt og for å representere nettverket eksternt.
Døme på sentrale arbeidsoppgåver er:
administrasjon av nettverket
studentkontakt
møtekoordinering
sikre overordna drift, drift av websider, drift av virtual competence centre, utvikling og framdrift av nettverket sine aktivitetar i samsvar med prosjektplanen
delta i utvikling og formidling av FoU-prosjekt og aktivitetar i nettverket og hos partnerane
Næraste overordna er fagleg ansvarleg for iEarth, og nettverkskoordinator rapporterer til denne.
Kandidaten som blir tilsett må vere førebudd på at stillinga kan verte fylt med andre tilsvarande oppgåver ved Det matematisk-naturvitenskapelige fakultet.
Kvalifikasjonar
utdanning på minimum mastergradsnivå innan geovitskap eller anna relevant fagfelt.
relevant praksis og erfaring frå prosjektkoordinering og utdanningsutvikling er naudsynt.
kjennskap til og erfaring frå offentleg forvalting og universitets- og høgskulesektoren, sakshandsaming og studieadministrativt arbeid er ein føremon.
leiarerfaring og utdanningsfagleg kompetanse er ein føremon.
erfaring med formidlingsarbeid, og erfaring med å formidle munnleg og skriftleg på båe målformer og engelsk er eit krav.
utdanningsfagleg bakgrunn, til dømes praktisk pedagogisk utdanning, er ein føremon.
Personlege eigenskapar
Ved vurderinga av kandidatane vil vi leggje stor vekt på dei personlege eigenskapane som ernaudsynte for stillinga, til dømes:
evne til å ha oversikt, vere utviklingsorientert og raskt tileigne seg ny kunnskap.
sjølvstendig, initiativrik og kreativ.
gode skriftlege ferdigheiter på både engelsk og norsk.
systematisk og løysingsorientert med god gjennomføringsevne.
effektiv, fleksibel og serviceinnstilt.
gode kommunikasjons- og samarbeidsevner.
Vi kan tilby
eit godt og fagleg utfordrande arbeidsmiljø
stilling som rådgjevar (kode 1434) i lønssteg 58 - 64 (for tida kr 516 400 - 575 600) i det statlege lønsregulativet. For særskilt kvalifiserte søkjarar kan høgare løn vurderast.
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personer med nedsett funksjonsevne blir oppmoda om å søkje stillinga.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.