Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Sentraladministrasjonen gjev råd og bistand til leiing og fakultet ved Universitetet i Bergen.
Sentraladministrasjonen er organisert i sju avdelinger. Les meir om HR-avdelinga her.
Kunnskap som formar samfunnet
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Miljøkoordinator (Rådgjevar)
Vi søkjer ein strategisk, engasjert og initiativrik miljøkoordinator i fast 100% stilling. Stillinga er lagt til seksjon for arbeidsmiljø og organisasjonsutvikling ved HR-avdelinga. Du blir ein del av eit aktivt og kompetent fagmiljø med oppgåver som femnar om førebyggande og systematisk HMS-arbeid, berekraft og ytre miljø samt organisasjons- og kompetanseutvikling
Arbeidsoppgåver:
Koordinering av aktivitetar i arbeidet med klimanøytralt UiB
Sekretariatsfunksjon for styringsgruppa for klimanøytralt UiB
Følgje opp utvalde tiltak frå strategiar og handlingsplanar
Drive informasjonsarbeid innanfor feltet
Samarbeid med andre relevante interne og eksterne grupper
Arbeidsoppgåvene i stillinga kan bli endra ved behov
Kvalifikasjonar og eigenskapar:
Høgare relevant utdanning på masternivå, alternativt bachelor med arbeidserfaring.
Praktisk erfaring innan liknande arbeid vil få stor verdi ved vurdering av søkjarane
God miljøfagleg kompetanse og interesse for å fremme klima- og miljøforbetringar
Det er krav om god munnleg og skriftleg framstillingsevne på norsk og engelsk og generelt gode IT-kunnskapar
Sjølvstendig, løysnings- og resultatorientert
Gode samarbeids- og kommunikasjonsevner
Personlege eigenskapar som er naudsynte for stillinga vil bli vektlagt
Vi kan tilby:
Spennande og utviklande arbeidsoppgåver i et sterkt fagmiljø
Høve til fagleg og personleg utvikling og utstrekt kontakt med andre fagmiljø
Stilling som rådgjevar (kode 1434) i lønssteg 58 - 64 (for tida kr 524 900 - 583 500) i det statlege lønsregulativet. For særleg kvalifiserte søkjarar kan høgare løn bli vurdert.
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personer med nedsett funksjonsevne blir oppmoda om å søkje stillinga.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
