Ved Institutt for samfunnspsykologi, Det psykologiske fakultet er det ledig ei midlertidig 100% stilling som førsteamanuensis/universitetslektor i personlegdomspsykologi med oppstart 1. januar 2019 eller så snart tilsetjingsprosessen er ferdigstilt etter det, og til og med 31. desember 2019.

Det psykologiske fakultet tilbyr profesjonsutdanning for psykologar, har ansvar for universitetspedagogisk utdanning av UiB sin eigen stab, bidreg med pedagogikkdelen av lærarutdanninga, og tilbyr grader innan eit vidt felt: barnevern, helsefremjande arbeid, pedagogikk, spesialpedagogikk, lærarutdanning, psykologi, arbeids- og organisasjonspsykologi og logopedi. Fakultetet sine hovudsatsingsområde innan forsking er knytt til helse, utdanning, utviklingsrelatert forsking og basalforsking i vid forstand.

Institutt for samfunnspsykologi har til saman 35 faste vitskapelege stillingar og har undervisningsansvar på årsstudiet i psykologi, profesjonsstudiet i psykologi, bachelorprogramma i arbeids- og organisasjonspsykologi og i generell psykologi og på masterprogrammet i psykologi (med dei tre studieretningane arbeids- og organisasjonspsykologi, psykologisk vitskap og åtferd og nevrovitskap), samt på ph.d.-programmet ved Det psykologiske fakultet. Instituttet har òg fleire emnetilbod innan etter- og vidareutdanning. Instituttet driv forsking i psykologiske basalfag og innan anvende område som skule- og opplæringspsykologi, arbeids- og organisasjonspsykologi og samfunnspsykologi.

Arbeidsoppgåver/forskingsområde:

Det er ein føresetnad at den som vert tilsett kan gje undervisning og rettleiing i personlegdomspsykologi på profesjonsstudiet i psykologi, og på andre studieprogram på bachelor- og masternivå der personlegdomspsykologi inngår. Andre undervisningsoppgåver kan òg verte aktuelle på bachelor- og masternivå. Den som vert tilsett vil ha sensur/eksamensarbeid, administrative oppgåver og må delta i møte og komitéarbeid på line med dei andre tilsette ved instituttet. Den som får stillinga, må samarbeide tett med kollegaer innan personlegdomspsykologi og andre ved instituttet. Viss den som vert tilsett kvalifiserer til stilling som førsteamanuensis er den tilsette også forventa å bidra på forskingsfronten ved instituttet.

Kvalifikasjonar og eigenskapar:

• Den som vert tilsett må på søknadstidspunktet ha disputert i psykologi eller tilsvarande (gjeld førsteamanuensis). Dersom det ikkje er søkjarar med slik bakgrunn, kan det vere aktuelt med stilling som universitetslektor (under føresetnad av avlagt cand.psychol. eller mastergrad i psykologi eller tilsvarande ved søknadstidspunktet).
• Søkjar må ha kompetanse innan personlegdomspsykologi.
• Han eller ho må kunne arbeide sjølvstendig og strukturert.
• Han eller ho må ha gode kommunikasjons- og samarbeidsevner og må samarbeide godt med både kollegaer og studentar.
• Undervisningsspråket er i hovudsak norsk. Det blir kravd at den som blir tilsett, kan undervise, sensurere og ta del i alle instituttaktiviteter på norsk eller eit anna skandinavisk språk ved oppstart.

Vi kan tilby:

• Eit godt og fagleg utfordrande arbeidsmiljø
• Løn etter lønssteg 64-74 (kode 1011/24, alternativ 8-10) etter hovudtariffavtalane i staten. Dette utgjer ei årsløn på kr. 565 100 – 681 800 brutto. Dersom det ikkje er tilstrekkeleg kvalifiserte søkjarar til førsteamanuensisstilling, kan det verte aktuelt å tilsetje i stilling som universitetslektor. Løn som universitetslektor vil vere etter lønssteg 54-64 (1009/lønsramme 25, alternativ 4 – 10) etter hovudtariffavtalane i staten. Dette utgjer ei årsløn på kr. 471 900 - 565 100 brutto. For spesielt godt kvalifiserte søkjarar kan høgare løn vurderast
• For spesielt godt kvalifiserte søkjarar kan høgare løn vurderast
• Stilling i ei inkluderande arbeidslivsverksemd (IA-verksemd)
• Gode velferdsordningar

Søknaden skal innehalde:

• CV
• Vitnemål
• Attestar
• Namn og kontaktopplysingar til to referansar
• Fullstendig publikasjonsliste
• Liste over vitskapelege arbeid du vil det skal takast omsyn til ved vurderinga, med opplysningar om kvar dei er offentleggjorde
• Vitskaplege arbeid søkjaren vil det skal takast omsyn til ved vurderinga (maksimalt 10)

Søknad og vedlegg med attesterte omsetjingar til engelsk eller eit skandinavisk språk må lastast opp i JobbNorge.

Vi gjer merksam på at søknader vert vurdert med den informasjonen og dei vedlegg som er knytt til søknaden i JobbNorge når søknadsfristen går ut. Vedlegga må vere på engelsk eller eit skandinavisk språk, og eventuelle omsetjingar må vere attesterte. Det er søkjar sitt ansvar å sørgje for at all informasjon er lagt inn innan fristen.

Det er særs viktig at kvart av vedlegga som det skal takast omsyn til ved vurdering i sin heilskap vert lasta opp som vedlegg til søknaden jf. siste kulepunkt.

Søknadsfrist: 06.11.2018

Søknaden skal merkast: 2018/11238

Generell informasjon:

Utfyllande opplysningar om stillinga kan ein få ved å vende seg til:

Instituttleiar Roar Espevik

E-post Roar.Espevik@uib.no

Tlf. 55 58 23 26

Den statlege arbeidsstyrken skal i størst mogleg grad spegle mangfaldet i befolkninga. Det er eit personalpolitisk mål å få ei balansert alders- og kjønnssamansetning. Personar med innvandrarbakgrunn og personar med nedsett funksjonsevne blir oppmoda om å søkje stillinga.

Universitetet i Bergen nyttar meirinnsyn ved tilsetjing i vitskaplege stillingar.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Nærare om tilsettingsprosessen her.

Søk på stillingen