Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Sentraladministrasjonen gjev råd og bistand til leiing og fakultet ved Universitetet i Bergen.
Sentraladministrasjonen er organisert i sju avdelinger. Les meir om IT-avdelinga her.
Kunnskap som formar samfunnet
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Utviklar Digital læringsplattform - Overingeniør
IT-avdelinga ved UiB er eit av dei største IT-miljøa på Vestlandet.
Vi leverer eit breitt spekter av IT-tenester innan utvikling, drift, forvaltning og brukarstøtte. Vi er ein kunnskapsrik og engasjert organisasjon med deltaking i spennande aktivitetar innanfor heile UiB si verksemd og med brei kontakt med brukarane ved universitetet. Vi har eit stort mangfald av teknologiar, kompetanse og nasjonalitetar.
IT-avdelinga har om lag 110 tilsette, i tillegg til lærlingar og deltidstilsette studentar. Avdelinga vil ha ei produktbasert tilnærming til våre leveransar. Den jobben har så vidt starta, og vi inviterer til å ta del i den vidare utviklinga.Med auka behov til brukarvenlege og stabile digitale løysingar til undervisning og læring søkjer IT-avdelinga ein systemutviklar til produktgruppa digitalt læringsmiljø. Vi jobbar saman som eit team med stor bredde i arbeidsoppgåvene, og no er vi ute etter ein person som kan utfylle teamet vårt og styrke kompetansen fagleg, teknisk og metodisk.
Arbeidsoppgåver:
Du inngår som utviklar i eit produktteam som jobbar tett saman om løysingar innanfor digitalt læringsmiljø og andre studentretta tenester.
Di hovudoppgåve vil vere å delta i nyutvikling og vidareutvikling av UiB sine løysingar, både eigenutvikla og hyllevare, med spesielt fokus på frontend-utvikling og integrasjonar.
Du og produktteamet må gjennom dialog med brukarar og tenesteeigarar i og utanfor avdelinga forstå brukarane sine behov og omsetje dei til oppgåver.
Du og produktteamet vil ha det tekniske ansvaret for ei løysing frå konsept til drift i samråd med produkteigar og i samspel med andre relevante IT-ressursar frå avdelinga
Bidra til å vidareutvikle produktområdet digitalt læringsmiljø og øvrig fagmiljø ved IT-avdelinga
Kvalifikasjonar og eigenskapar:
Du må ha høgare utdanning på mastergradnivå innan relevant fagområde. Bachelorgrad og/eller relevant realkompetanse kan erstatte krav om mastergrad.
Du må ha erfaring frå utvikling av webapplikasjonar med kompetanse på linuxplattform for utvikling og publisering
Erfaring med ein eller fleire av følgande er ein fordel: PHP, JavaScript, Python og LTI, gjerne med kompetanse på rammeverka Vue, React, Laravel eller Angular
Erfaring med container-teknologi som Docker og Kubernetes er ein fordel
Du kjenner til krav til universell utforming av IT-løysingar og er gjerne interessert i open kjeldekode
Ha interesse for smidig metodikk og problemløysing
Ha interesse for læringsteknologi
Har gode kommunikasjonsevner munnleg og skriftleg på norsk og engelsk
Vi søkjer deg som:
Er ein lagspelar som deler sin kompetanse og ser verdien av å gjere andre gode
Tar initiativ, er nysgjerrig og har evne til å skaffe seg naudsynt kompetanse
Viser interesse for å finne dei gode og enkle løysingane i samspel med brukarar, systemeigarar og eige team
Er arbeidsvillig og har gjennomføringsevne
Kan jobbe sjølvstendig, strukturert og er kvalitetsbevisst med auge for detaljar
Vi tilbyr:
Eit godt og fagleg utfordrande arbeidsmiljø
Ein kunnskapsrik og engasjert organisasjon med deltaking i mange spennande aktivitetar og brei kontakt med brukarane ved universitetet.
Moglegheit for vidareutvikling og kompetanseheving.
Stilling som overingeniør (kode 1087) i ltr 57-65 (for tida kr. 516 100 - 594 300 brutto) i Statens regulativ etter kvalifikasjonar. For spesielt kvalifiserte søkarar kan det verte aktuelt med høgare løn
Utfyllande opplysningar om stillinga kan ein få ved å vende seg til:
Produktleiar Karianne Omdahl (karianne.omdahl@uib.no, mobil 41 41 33 68) eller
Underdirektør Cecilie Ohm (cecilie.ohm@uib.no, mobil 46 47 46 44)
Dei som blir tilsett kan få andre arbeidsoppgåver innan avdelinga sine arbeidsområde.
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personer med nedsett funksjonsevne blir oppmoda om å søkje stillinga.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
