Ledig stilling på Universitetet i Oslo

Blindern og Urbygningen (Foto: Wikimedia og Colourbox)

Forskingsrådgjevar - Institutt for lingvistiske og nordiske studium

Søknadsfrist: 30.10.2022

Universitetet i Oslo

Universitetet i Oslo er den eldste og høgst rangerte forskings- og utdanningsinstitusjonen i Noreg, med 28000 studentar og 7000 tilsette. Fagleg breidde og internasjonalt anerkjende forskingsmiljø gjer UiO til ein viktig samfunnsaktør.


Institutt for lingvistiske og nordiske studium (ILN) er eitt av sju institutt ved Det humanistiske fakultetet. Dei vitskapleg tilsette ved instituttet arbeider med forsking, undervisning og formidling innan fagområde som omfattar allmenn lingvistikk, fleirspråklegheit, mellomalderstudium (norrøn filologi og keltisk), nordisk litteratur (inkludert litteraturformidling og Ibsen-studium), nordisk språk (inkludert norsk som andrespråk) og retorikk og språkleg kommunikasjon.

Om stillinga

Ei stilling som forskingsrådgjevar SKO 1434 er ledig ved Institutt for lingvistiske og nordiske studium (ILN).

Vi ser etter ein motivert og sjølvstendig medarbeidar til ei fast stilling innan det samla feltet forskingsadministrasjon. Den som blir tilsett, skal bidra til og følgje opp forskingsstrategiane til instituttet, fakultetet og universitetet i samråd med forskingsleiar. Instituttet har ei stor portefølje med eksternt finansierte prosjekt, og eit viktig mål er å forvalte og utvikle prosjektporteføljen på ein god måte, også med tilfang av internasjonale forskingsprosjekt.

Som forskingsrådgjevar vil du samarbeide tett med vitskapeleg tilsette som allereie har mottatt eksterne midlar til sine prosjekter, så vel som med tilsette som har nye prosjekter som de ønskjer å få finansiert. Den som blir tilsett, vil blant anna ha ansvar for å kartleggje eksterne finansieringshøve, utvikle og følgje opp søknader om ekstern finansiering, og følgje opp internasjonale nettverk i samarbeid med forskingsleiar og forskarane.

Det blir forventa at forskingsrådgjevaren hjelp til å identifisere nye forskingsområde og mogelege satsingar gjennom systematisk oppfølging av fagmiljøa til instituttet, etablerte forskingsgrupper og enkeltforskarar.

Arbeidsoppgåver

  • Følgje opp instituttleiinga sine forskingsstrategiar
  • Kartleggje kjelder til ekstern nasjonal og internasjonal finansiering, med vekt på Noregs forskingsråd og EU sine rammeprogram.
  • Gje støtte til forskarar som søkjer ekstern finansiering frå nasjonale og internasjonale finansiørar, medrekna arbeid med søknadsbudsjetta
  • Dagleg drift av instituttet si forskingsprosjektportefølje, medrekna rapporteringsoppgåver, avtalar, datahandtering, open forsking og forskingsetikk
  • Administrativt ansvarleg for CRIStin, medrekna støtte til forskarane og kvalitetssikring av instituttets sine registreringar
  • Sakshandsaming, mellom anna å kunngjere og tildele interne midlar, utgreiingar, forskingsstatistikk m.v.
  • Saksførebuing for styre og leiing innanfor alle instituttet sine verkeområde

Som forskingsrådgjvar vil du samarbeide tett med instituttet sin administrasjon, prosjektøkonom og inngå i eit felles nettverk av forskingsrådgjevarar ved fakultetet.

Det kan bli lagt også andre oppgåver til stillinga.

Forsking på ILN

ILNs fagprofil omfatter forskning innen språk, litteratur og kommunikasjon i fagområda Fleirspråkligheit, Lingvistikk, Nordisk språk, Nordisk litteratur, Ibsen-studiar, Norrøn og keltisk filologi og Retorikk og språkleg kommunikasjon. ILN har dei siste åra hatt jamleg tilslag på eksterne prosjekt frå Noregs forskingsråd og EUs sine rammeprogram. Instituttet husar også Senter for Fleirspråkligheit, eit senter for framragande forsking (2013–2023), og eit ERC Advanced Grant med oppstart i 2023.

Kvalifikasjonskrav

  • utdanning minimum tilsvarande mastergrad. Relevant realkompetanse kan kompensere for utdanningskravet
  • gode kommunikasjonsevner
  • god munnleg og skriftleg framstillingsevne på norsk og engelsk
  • gode IT-kunnskapar
  • omfattande relevant erfaring og spesialkompetanse på høgt nivå (tilpassa funksjonane i stillinga)
  • relevant erfaring frå tilsvarande arbeid innanfor universitets- og høgskulesektoren og/eller eigen forsking

Personlege eigenskapar

Vi ser etter søkarar som:

  • er sjølvstendige, initiativrike og løysingsorienterte
  • trivst med høgt tempo og varierte arbeidsoppgåver
  • har evne til å arbeide målretta og strukturert
  • er serviceinnstilte og liker å jobbe med menneske
  • har gode samarbeidsevner

Vi tilbyr

  • lønn frå kr 534 900 til kr 636 700 per år, avhengig av kompetanse (lønstrinn 58–68) for stilling som rådgjevar
  • eit hyggeleg og stimulerande arbeidsmiljø
  • god pensjonsordning i Statens Pensjonskasse
  • stilling i ei IA-verksemd, gode velferdsordningar og høve til trening i arbeidstida

Søknaden skal innehalde

  • søknadsbrev
  • CV
  • Evt. andre vedlegg

Søknad med vedlegg må sendast inn via vårt elektroniske rekrutteringssystemet vårt, klikk "Søk stillinga".

Andre opplysningar

Etter offentleglova § 25 andre ledd kan opplysningar om søkaren bli offentleggjort sjølv om søkaren har bedt om ikkje å bli ført opp på søkarlista.

Vi viser òg til regelverk for teknisk-administrativt tilsette.

UiO har ein overtakingsavtale for alle tilsette med formål å sikre rettane til forskingsresultat m.m.

UiO har eit personalpolitisk mål om å oppnå ei balansert kjønnssamansetting og rekruttere personar med innvandrarbakgrunn.

I tillegg ønsker UiO at medarbeidarane i størst mogleg grad speglar mangfaldet i befolkninga. Vi oppfordrar derfor kvalifiserte søkarar med redusert funksjonsevne til å søke stillinga. Som IA-bedrift vil vi legge til rette for medarbeidarar med nedsett funksjonsevne.

Kontaktinformasjon

Søk stillinga

Powered by Labrador CMS