Om stillinga

Ei stilling som forskingsrådgjevar (rådgjevar SKO 1434) er ledig ved Institutt for arkeologi, konservering og historie (IAKH). Vi søkjer ein person som kan vere med å utvikle det forskingsadministrative arbeidet, særleg innan søknadsarbeid og oppfølging av eksternfinansierte prosjekt.

Stillinga inngår i eit team som arbeider med utvikling og oppfølging av prosjekt ved instituttet og i Det humanistiske fakultetet sitt forskingsadministrative nettverk (FANE).

Arbeidsoppgåver

• Identifisere og informere om eksterne finansieringskjelder.
• Hjelpe prosjektleiarar med utforming av søknadar og budsjett i samarbeid med prosjektøkonom.
• Koordinering og oppfølging av prosjekt, kontraktsinngåing og rapportering i samarbeid med prosjektleiar og prosjektøkonom.
• Halde instituttleiinga fortløpande orientert om utlysingar, søknader og aktive prosjekt.
• Diverse forskingsformidling i samarbeid med instituttets formidlingsteam.
• Generelt forskingsadministrativt arbeid.

Stillinga krev ekstra innsats i periodar med stor arbeidsmengd, og arbeidsoppgåvene vil variere ut frå korleis dei blir fordelt i teamet. Ved høve kan andre oppgåver bli lagt til stillinga.

Kvalifikasjonskrav

• Relevant utdanning frå universitet eller høgskule tilsvarande mastergrad. Dokumentert relevant realkompetanse kan erstatte utdanningskravet.
• Relevant erfaring frå forskingsadministrasjon.
• God skriftleg og munnleg framstillingsevne på norsk og engelsk.
• Gode IT-kunnskapar
• Det er ein fordel med kjennskap til og interesse for forskinga ved instituttet.
• Personleg dugleik og motivasjon for stillinga.

Vi ser etter søkarar som:

• har gode samarbeids- og kommunikasjonsevner
• kan handtere mange og ulike oppgåver i eit hektisk arbeidsmiljø
• tek ansvar og kan jobbe sjølvstendig, systematisk og effektivt
• kan vise engasjement og initiativ
• kan forstå og sette opp enkle budsjett
• bidreg til eit godt arbeidsmiljø

Vi tilbyr

• lønn frå kr 507 400 til kr 586 500 per år, avhengig av kompetanse
• eit hyggeleg og stimulerande arbeidsmiljø
• god pensjonsordning i Statens Pensjonskasse
• stilling i ei IA-verksemd, gode velferdsordningar og høve til trening i arbeidstida

Søknaden skal innehalde

• søknadsbrev
• CV

Søknad med vedlegg må sendast inn via rekrutteringssystemet vårt, klikk “Søk stillinga”.

Andre opplysningar

Aktuelle søkjarar vil bli kalla inn til intervju.

Vi viser òg til regelverk for teknisk-administrativt tilsette.

I høve til offentleglova § 25, 2. ledd kan opplysningar om søkaren bli offentleggjorde sjølv om søkaren har bede om ikkje å bli oppført på søkarlista.

UiO har eit personalpolitisk mål om å oppnå ei balansert kjønnssamansetting og rekruttere personar med innvandrarbakgrunn.

I tillegg ønsker UiO at medarbeidarane i størst mogleg grad speglar mangfaldet i befolkninga. Vi oppfordrar derfor kvalifiserte søkjarar med redusert funksjonsevne til å søke stillinga. Som IA-bedrift vil vi legge til rette for medarbeidarar med nedsett funksjonsevne.

Kontaktinformasjon

For spørsmål om stillinga:

• Administrativ leiar Katrine Randin

For spørsmål om rekrutteringsprosessen:

• Personalrådgivar Karoline Farbrot

Søk stillinga