Ledig stilling ved Statistisk sentralbyrå
Rådgiver / seniorrådgiver - Avdeling for IT
Søknadsfrist: 29.09.2019
Jobbar du med test og testmetodikk, er teknisk nysgjerrig og god til å dele kompetansen din?
IT-avdelinga i SSB søkjer etter ein person med erfaring frå test av programvare og kompetanse på moderne testverktøy og rammeverk. Målet vårt er å sikre høg kvalitet i leveransane frå utviklingsprosjekt og å leggje opp samsvarande og effektive testrutinar i forvaltinga. Med utgangspunkt i prinsipp for kontinuerlege leveransar har vi eit fokus på å i størst mogeleg grad kunne automatisere testløpet. IT-avdelinga i SSB er i gong med etablering av ei skybasert IT-plattform bygd på offentlege skytenester, og det vil her vere svært sentralt å få på plass eit godt testregime basert på syntetiske testdata.
Hos oss vil du i samarbeid med 1-2 personar få ei sentral rolle i test- og kvalitetsarbeidet. Med erfaringa di vil du både vere utførande og rådgivande av testmetodikk og oppfølging på tvers av løysingar og teknologiar. Du har gjerne teknologisk bakgrunn og har i tillegg vidareutvikla deg innan testmetodikk, -leiing og -verktøy.
IT-miljøet vårt i SSB tel meir enn 90 medarbeidarar og har brei kompetanse innanfor programutvikling, web- og datalagringsteknologiar. Prosjekta våre blir i stor grad baserte på smidig utviklingsmetodikk, fri programvare og opne standardar.
IT-avdelinga har saman med resten av verksemda, fokus på brukarbehov, det å nyttiggjere seg nye og store datakjelder, meir visualisering, auka aktualitet for statistikkane for å nemne nokre område. Ei ny skybasert IT-plattform vil leggje til rette for å ta i bruk ny teknologi som igjen vil mogeleggjere ei spennande utvikling av statistikkprodukta våre.
Stillinga kan vere i Oslo eller Kongsvinger.
Arbeidsoppgaver
- Vere rådgivande og medverke i utvikling og standardisering av testarbeidet i prosjekt og forvalting.
- Ta testansvaret i prosjekt og vere ein del av teamet; leggje teststrategi, -planlegging og spesifisering, gjennomføring, rapportering og rettleie teamet.
- Deltaking i arbeidet med å standardisere og implementere krav og prinsipp for test.
- Medverke i testarbeidet ved migrering av system på dagens plattform til skybasert plattform.
- Deltaking i arbeidet med å etablere og implementere prinsippa for kontinuerlege leveransar.
- Vareta GDPR og krav til bruk av testdata.
Andre oppgåver kan òg bli lagde til stillinga.
Kvalifikasjoner
- Relevant høgare utdanning på minimum bachelornivå.
- Erfaring med testleiing og planlegging, og gjennomføring av testaktivitetar.
- Erfaring med bruk av testverktøy for ulike tekniske testar slik som f.eks. GUI- , tryggleik-, last-, yting-, stresstestar m.fl. både når det gjeld applikasjons- og/eller plattformutvikling.
- God skriftleg og munnleg formuleringsevne på norsk og engelsk.
- Erfaring med automatisering av testprosedyre er ønskjeleg.
- Grunnleggjande dugleikar i eit eller fleire programmeringsspråk og testdriven utvikling er ønskjeleg.
- Erfaring med å utarbeide og bruk av testdata er ønskjeleg.
- Erfaring med kontinuerlege leveransar og devops er ønskjeleg.
- Erfaring med smidig utviklings- og testmetodikk slik som TDD og BDD er ønskjeleg.
- Sertifiseringar innanfor testfaget (f.eks. ISTQB) er ønskjeleg.
Personlige egenskaper
- Gode samarbeids- og kommunikasjonsevner.
- Evne til å formidle og dele kunnskap og erfaringar, både mot forretnings- og IT-ressursar.
- Resultatorientert og ansvarsfull.
- Evne til å sjå forbetringar i prosessar og løysingar.
Vi legg vekt på at personen som blir tilsett er personleg eigna.
Vi tilbyr
- Lønn som rådgivar/seniorrådgivar i lønnspenn frå kr. 504 700 til kr. 704 900 etter kvalifikasjonar. Høgare lønn kan vurderast for særskild kvalifiserte søkjarar.
- Fleksibel arbeidstid og god pensjonsordning i Statens pensjonskasse.
- Lyse og trivelege lokale i Oslo/Kongsvinger.
- Eit godt fagmiljø som gir gode høve for eigenutvikling.
- Ein kunnskapsrik organisasjon, utfordrande arbeidsoppgåver og eit hyggjeleg og uformelt arbeidsmiljø.
Generelle opplysingar
- Attestar/vitnemål skal registrerast/ bli lagde ved i søknadsportalen innan søknadsfristen. Søkjarar som blir innkalla til intervju, blir bedne om å ta med originalar eller stadfesta kopiar av attestar og vitnemål. Vi utfører kontroll av dokument og vi gjennomfører bakgrunnsjekk på kvalifiserte søkjarar før tilsetjing.
- Vi gjer merksam på at opplysingar om søkjaren kan bli offentleggjorde sjølv om søkjaren har bedt om ikkje å bli ført opp på søkjarlista. Dersom den ønskte reservasjonen ikkje vil bli teken til følgje, vil søkjaren bli varsla om dette før offentleg søkjarliste blir utforma.
- Den statlege arbeidsstyrken skal i størst mogeleg grad spegle mangfaldet i befolkninga. Vi oppmodar kvalifiserte kandidatar til å søkje, uavhengig av kjønn, kulturell bakgrunn, alder, nedsett funksjonsevne eller hol i CV. Søkjarar som opplyser om at dei har nedsett funksjonsevne eller hol i CV må vere innforstått med at denne opplysinga kan brukast til registreringsformål jf. arbeidet til regjeringa med inkluderingsdugnaden.
- Som IA-verksemd legg vi forholda til rette for personar med nedsett funksjonsevne.
Webcruiter-ID: 4122027783
Kontaktinformasjon:
- Astri Berrefjord (Seksjonssjef, 481 12 624, astri.berrefjord@ssb.no