Om stillinga

Ei stilling som postdoktor (SKO 1352) er ledig ved Senter for fleirspråklegheit (MultiLing) ved Institutt for lingvistiske og nordiske studium, Universitetet i Oslo. Stillinga har oppstart i januar 2019.

MultiLing er eit Senter for framifrå forsking (SFF) finansiert av Noregs forskingsråd. Senteret opna 1. juni 2013. MultiLing har vore gjennom ei vellukka midtvegsevaluering, og har med det sikra finansiering for ei ny femårsperiode, til 2023. MultiLing har som mål å auke kunnskapen om fleirspråklegheit i eit livslaupsperspektiv, knytt til tre overordna tema: Fleirspråkleg kompetanse, fleirspråkleg praksis, og fleirspråklegheit, ideologiar og språkpolitikk (for meir informasjon, sjå http://www.hf.uio.no/multiling/). Forskingsstrategiplanen for den andre femårsperioden til MultiLing (2018-2023) er tilgjengeleg her.

MultiLing søker ein postdoktor med framifrå forskingskvalifikasjonar som skal jobbe saman med dei andre forskarane ved Tema 1 “fleirspråkleg kompetanse.” Dette temaet dekker fleirspråkleg tileigning, læring og svekking, som omtalt i forskingsstrategiplanen til MultiLing (Tema 1: Del 1.1, 1.2, og 1.3):

• 1.1: Fleirspråkleg tileigning og læring
• 1.2: Nedarvingsspråk
• 1.3: Språk hos eldre: frisk og patologisk aldring hos fleirspråklege

Postdoktoren vil jobbe på eit prosjekt som er forankra i eit av dei tre forskingsområda nemnt over (1.1, 1.2., 1.3). Aktuelle prosjekt kan vere forankra i eit av dei tre forskingsområda, eller trekke inn aspekt frå alle tre.

Det er forventa at søkaren presenterer eit framlegg til eit uavhengig forskingsprosjekt. Kandidaten må vise korleis det føreslegne prosjektet passar inn i forskingsstrategiplanen til MultiLing for Tema 1: «Fleirspråkleg kompetanse». MultiLing opna nyleg eit sosio-kognitivt laboratorium, og det er forventa at stipendiaten brukar laben og utstyret som finst der i forskinga si.

Det er forventa at den som blir tilsett blir ein del av og bidreg til utviklinga av forskingsmiljøet ved MultiLing. Det er forventa at den som blir tilsett styrkar dei relevante forskingsområda nemnt over, bidreg til og deltek på ulike seminar, konferansar og aktivitetar som MultiLing organiserer, og blir eit aktivt medlem av MultiLing-teamet i Oslo.

Tilsettinga gjeld for ein periode på tre år, med oppstart 1. januar 2019. Stillinga har ein komponent på 10% pliktarbeid til undervisning eller anna kvalifiserande arbeid for MultiLing. Postdoktorstillingar har som hovudmål å kvalifisere for arbeid i vitskaplege toppstillingar i det relevante forskingsområdet

Kvalifikasjonar og personlige eigenskapar

Ved vurdering av søknadane vil ein særleg legge vekt på kvaliteten til prosjektskildringa og kor relevant prosjektet er for forskingsstrategiplanen til Tema 1: «fleirspråkleg kompetanse» (1.1, 1.2, og/eller 1.3). Vi søker sterkt motiverte, kompetente og internasjonalt orienterte kandidatar, med høgtståande akademiske kvalifikasjonar i det relevante forskingsområdet.

Kvalifikasjonskrav

• Doktorgrad eller tilsvarande innan lingvistikk, nordiske språk, psykologi, eller ein annan disiplin som er relevant for MultiLing sitt arbeid.
• Doktoravhandlinga må vere levert til vurdering innan søknadsfristen for stillinga
• Erfaring med forsking på språk i laboratorium
• Erfaring frå forsking på tospråklegheit eller fleirspråklegheit
• Framifrå skriftleg og munnleg kompetanse i engelsk

Ein eller fleire av dei følgjande kvalifikasjonane vil vere ein føremon, men er ikkje eit krav:

• Kjennskap til minst eitt minoritetsspråk brukt i Noreg, som punjabi, tyrkisk, arabisk eller polsk
• Kjennskap til norsk

Ved vurdering av søknadane vil ein vektleggje:

• Den vitskapelege kvaliteten på prosjektet, forskingsrelatert relevans og innovasjon.
• Søkaren si internasjonale erfaring og internasjonale nettverk.
• Søkaren sine faglege og personlege føresetnader for å gjennomføre prosjektet innanfor tidsramma.
• Gode samarbeidseigenskapar og evne til å gå inn i faglege fellesskap på tvers av disiplinar.
• Personlege føresetnader og motivasjon for stillinga

Dersom fleire søkarar skulle vere like godt kvalifiserte for stillinga, vil ein gi forrang til søkarar med prosjekt som er relevante for den fleirspråklege situasjonen i Noreg. Kandidatar med ein minoritetsspråkleg bakgrunn relevant for den fleirspråklege situasjonen i Noreg, er oppfordra til å søke.

Vi tilbyd

• Løn frå kr 515 200 til kr 597 400 avhengig av kompetanse
• Eit hyggeleg og stimulerande arbeidsmiljø
• Gode pensjonsordningar
• Gode velferdsordningar

Korleis søke

Søknaden skal innehalde følgande, sendt som vedlegg til den elektroniske søknaden, helst i pdf-format:

• Søknadsbrev som skildrar søkaren sine kvalifikasjonar og motivasjon for stillinga.
• Curriculum Vitae (med fullstendig oversikt over utdanning, tilsettingar, undervisningserfaring, administrativ erfaring og andre kvalifiserande aktiviteter, samt ei fullstendig liste over publikasjonar).
• Prosjektskildring på 3–5 sider, inkludert ein detaljert framdriftsplan for prosjektet (sjå mal for prosjektbeskriving)

Søknad med vedlegg må sendast inn via det elektroniske rekrutteringssystemet vårt. Ved utdanning utanfor Skandinavia bed vi om ei forklaring på karaktersystemet. Vi gjer merksam på at all dokumentasjon må vere på engelsk.

Publikasjonar, masteroppgåver og doktorgradsavhandlingar og liknande skal ikkje leggjast ved søknaden, men kan bli etterspurde seinare.

Det blir nytta intervju i tilsettingsprosessen. Aktuelle kandidatar vil bli kalla inn til intervju på Universitetet i Oslo, eller via Skype.

Andre opplysningar

Sjå forskrift om tilsetjingsvilkår, samt retningslinjer for tilsetjing i postdoktorstillingar ved Universitetet i Oslo.

I høve til Offentleglovas § 25 2. ledd kan opplysningar om søkaren bli offentleggjort sjølv om søkaren har bede om ikkje å bli oppført på søkarlista.

UiO har ein overtakingsavtale for alle tilsette med føremål å sikre rettane til forskingsresultat m.m.

UiO har eit personalpolitisk mål om å oppnå ei balansert kjønnssamansetjing og rekruttere personar med innvandrarbakgrunn.

I tillegg ønskjer UiO at medarbeidarane våre i størst mogleg grad gjenspeglar mangfaldet i befolkninga. Vi oppmodar derfor kvalifiserte søkarar med redusert funksjonsevne til å søkje stillinga. Som IA-bedrift vil vi leggje tilhøva til rette for medarbeidarar med nedsett funksjonsevne.

Kontaktinformasjon

For spørsmål om stillinga:

• Professor og senterleder Elizabeth Lanza, E-post: elizabeth.lanza@iln.uio.no

For spørsmål om rekrutteringsprosessen:

• Personalkonsulent Steffen Remvik, E-post: steffen.remvik@hf.uio.no

Søk på stillingen