Rådgjevar / seniorrådgjevar akkreditering og kvalitetsarbeid
Søknadsfrist: 20.02.2023
Nord universitet
Gjennom forsking, utdanning og samfunnsdeltaking, bidreg Nord universitet til å skape ei berekraftig framtid med utgangspunkt i vår geografiske lokalisering. I samarbeid med samfunns- og næringsliv i Nordland og Trøndelag, fremjer våre 11 500 studentar og 1 350 tilsette innovative løysningar og kunnskapsbasert praksis, lokalt og internasjonalt.
Nord universitet har fire strategiske satsingsområde: blå og grøn vekst, berekraftig innovasjon og entreprenørskap, samfunnssikkerheit og helse, velferd og oppvekst.
Handelshøgskolen (HHN) utdannar morgondagens økonomar, leiarar og innovatørar.
Gjennom tett samarbeid med næringslivet, offentleg forvaltning og samfunnet gjev Handelshøgskolen relevant utdanning og forsking på internasjonalt nivå. Fakultetet tilbyd doktorgrad (ph.d.) i bedriftsøkonomi.
Handelshøgskolen har 2800 studentar og 230 tilsette. Det faglege miljøet er organisert i faggruppene Innovasjon og entreprenørskap, Marknad, organisasjon og leiing, Økonomisk analyse og rekneskap og Trafikk.
Ved Handelshøgskolen Nord (HHN) har vi ledig ei nyoppretta fast 100 % stilling som rådgjevar/seniorrådgjevar med kontorstad Bodø. HHN har nyleg starta arbeidet med å søkja internasjonal akkreditering. Arbeidet inneber utvikling og dokumentasjon av kvaliteten på HHN sine aktivitetar knytt til utdanning, forsking og eksternt retta verksemd og vil òg omfatte utvikling av HHN som organisasjon. Stillinga vil inngå i kjerneteamet for akkrediteringsprosessen. Den som vert tilsett får ansvar for dokumentasjon og oppfølging av akkrediteringsarbeidet i nært samarbeid med vitskapelege og administrative tilsette ved HHN. Den som vert tilsett vil og ha arbeidsoppgåver knytt til intern studieakkreditering og andre administrative arbeidsoppgåver. Stillinga ligg i fakultetsadministrasjonen, har fakultetsdirektøren som næraste leiar og vil samarbeide tett med HHN sin leiargruppe og utdanningsutval.
Arbeidsoppgåver
• Dokumentasjon og oppfølging av arbeidet med å søkja internasjonal akkreditering
• Innsamling og systematisering av nødvendig informasjon
• Vere støtte for kvalitetsarbeid i studieprogramteam og ulike studieprogram
• Vere støtte for leiargruppe og utdanningsutval i saker som gjeld akkreditering
• Stillinga vil og bli tillagt andre administrative oppgåver ved fakultetet
Kvalifikasjonskrav
For tilsetjing i stilling som rådgjevar / seniorrådgjevar krev me relevant utdanning frå universitet eller høgskule, mastergrad eller tilsvarsande. Lang og relevant praksis kan kompensera for delar av utdanningskravet
For tilsetjing i stilling som seniorrådgjevar er det vidare ei forutsetning med omfattande relevant fagadministrativ erfaring og spesialkompetanse på høgt nivå tilpassa funksjonane i stillinga
Erfaring frå arbeid med dokumentasjon og kvalitetssikring innan utdanning eller på andre område, er ein fordel
Arbeid med internasjonal akkreditering krev gode engelskkunnskapar. God munnleg og skriftleg framstillingsevne på norsk og engelsk er naudsynt.
Gode ferdigheitar innan bruk av digitale system
Ønska kvalifikasjonar og personlege eigenskapar
Erfaring frå, eller god kunnskap om universitets- og høgskulesektoren
Det er ynskjelig med erfaring frå utgreiings- og rapporteringsarbeid
Gode evner til kommunikasjon og samhandling
Er systematisk, nøyaktig og effektiv i arbeidet
Har erfaring frå prosjektarbeid og ynskjer å bidra til å identifisera forbetringsområde og setja i verk tiltak
Kunne arbeide sjølvstendig og strategisk
Om ein er personleg eigna vil bli vekta i stor grad
Vi tilbyr
Stillinga blir løna etter Statens regulativ, kode 1434 rådgivar - NOK 544 400 - 648 700,- i året. Alternativt kode 1364 seniorrådgivar - NOK 584 700,- 728 100 ,- i året. Løn ut frå ansiennitet og kvalifikasjonar. For særleg kvalifiserte søkjarar kan høgare løn avtalas. Frå løna går lovfesta innskot til Statens pensjonskasse.
Den som blir tilsett, må rette seg etter dei lover, avtalar og instruksar som til ei kvar tid gjeld for stillinga. Det blir teke atterhald om endring i ansvars- og arbeidsområde som følgje av framtidig organisasjonsutvikling og omorganisering ved Nord universitet.
Den statlege arbeidsstyrken skal i størst mogleg grad spegle mangfaldet i befolkninga. Nord universitet oppfordrar difor kvalifiserte kandidatar med nedsett funksjonsevne, hol i CV-en, innvandrarbakgrunn og elles ulik livserfaring til å søke. Universitetet praktiserer moderat kjønnskvotering i samsvar med lokal tilpassingsavtale for hovudavtalen i Staten.
Opplysingar om nedsett funksjonsevne eller hol i CV kan bli brukte til anonymiserte registreringsføremål.
Aktuelle kandidatar vil bli kalla inn til intervju.
Søknad m/cv og kopi av vitnemål og attestar sendast elektronisk innan 20.02.2023
All dokumentasjon som det skal takast omsyn til, skal lastast opp som vedlegg til søknaden.
Fullstendig elektronisk dokumentasjon skal sendast inn innan søknadsfristen.
Etter at søknadsfristen er gått ut blir det utarbeidd ei offentleg søkjarliste. Vi gjer merksam på at opplysingar om søkjaren kan offentleggjerast sjølv etter ønskje om å bli utelaten frå søkjarlista. Søkjarar som likevel bed om konfidensialitet, skal grunngje dette særskilt i søknaden. Søkjarane vil i så fall bli varsla på førehand om offentleggjering.
