Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Seniorkonsulent (prosjektøkonom)
Ved Det medisinske fakultet, Klinisk Institutt 2 (K2), er det ledig ei fast stilling som seniorkonsulent prosjektøkonom (100 %) med tilsetjing så snart som mogleg. Klinisk Institutt 2 er eit av dei største institutta ved Universitetet i Bergen, både med antall tilsette og budsjettomfang. Instituttet har 350 tilsette og ein administrasjon på 20 personar, av desse har økonomiseksjonen ved instituttet har totalt 7 tilsette. Våre vitskaplege kollegaer driv med undervisning og forsking innan eit bredt spekter av fagområder, som kreft, hjarte, lunge, geriatri, pediatri, med meir. Det er administrasjonens oppgåve å gje god administrativ støtte og oppfølging til den faglege verksemda. Me forvaltar eit budsjett på over 200 millionar kroner. No treng me ein ny kollega i økonomiseksjonen i administrasjonen.
Arbeidsoppgåver:
økonomistyring av ekstern- og internfinansierte forskingsprosjekt
økonomioppfølging, ansvar for budsjettering og økonomirapportering
støtte til forskarar ved søknader og drift av forskingsprosjekt
kvalitetsutvikling innanfor økonomiområdet
leiarstøtte og rådgjeving i økonomispørsmål til forskingsgruppeleiarane ved instituttet
rutinemessig rekneskaps- og økonomiarbeid
Det kan verte aktuelt å leggje andre oppgåver til stillinga.
Kvalifikasjonar og eigenskapar:
søkjar må ha mastergrad i økonomisk-administrative fag. Lang relevant praksis kombinert med relevant etter- og vidareutdanning kan i særskilte høve kompensere for manglande formell utdanning
relevant erfaring frå tilsvarande verksemd er ønskjeleg
god forståing og erfaring frå alle prosessar innan prosjektøkonomi er ein føremon
gode ferdigheiter i Excel
evne til å uttrykke deg godt skriftleg og munnleg både på norsk og engelsk
gode samarbeidsevner og serviceinnstilling
Vi søkjer ein person som:
er serviceinnstilt og positiv
har gode kommunikasjons- og samarbeidseigenskapar
er strukturert, målretta og har god gjennomføringsevne
har stor grad av sjølvstende og evne til problemløysing
har digital kompetanse og evne til å tileigne seg nye ferdigheiter
har interesser for forbetringsarbeid og nye løysingar
bidrar til vårt gode arbeidsmiljø
Ved vurdering av søkjaren vil vi legge stor vekt på dei personlege eigenskapane som er naudsynte for stillinga.
Vi kan tilby:
spennande og utviklande arbeidsoppgåver i et sterkt fagmiljø
stilling som seniorkonsulent (kode 1363) i lønssteg 55-61 i det statlege lønsregulativet. Dette utgjer for tida brutto årslønn kr. 499 500-553 500. For særleg kvalifisert søkjar kan høgare løn vurderast
Utfyllande opplysningar om stillinga kan ein få ved å vende seg til:
Konstituert administrasjonssjef Maria Holmaas, maria.holmaas@uib.no, telefon 5558 5409
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personer med nedsett funksjonsevne blir oppmoda om å søkje stillinga.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
