Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Førstekonsulent
Velkommen som søkjar til Matematisk institutt! Vi har ledig ei 60 % fast stilling som førstekonsulent med oppstart snarast mogleg.
Vi har i tillegg lyst ut ei 40 % mellombels stilling som førstekonsulent (sjå stillingsannonse), der det er ein føremon at søkjaren er interessert i den mellombelse stillinga også. Vi oppmodar derfor søkjarane til å søkje begge stillingane.
Matematisk institutt er eitt av 7 institutt ved Det matematisk-naturvitskaplege fakultet. Vi tilbyr utdanningar på bachelor-, master- og ph.d.-nivå i anvendt og teoretisk matematikk og statistikk, inkludert lektorutdanning, aktuarfag og etter- og vidareutdanning. Det er 5 faste tilsette i administrasjonen, 34 faste vitskaplege tilsette og omkring 25 stipendiatar. Kunnskapar og ferdigheiter i matematikk og statistikk er fundamentale element i alle realfag, og Matematisk institutt har det viktige oppdraget å gi grunnundervisning til studentar på heile fakultetet. Vi har faggrupper i rein matematikk, anvendt og berekningsorientert matematikk, statistikk og matematikkdidaktikk. I tillegg til forsking i teoretisk og anvendt matematikk, driv instituttet tverrfagleg forsking retta mot hav, klima og helse.
Administrasjonen si rolle er å yte best mogeleg støtte til undervisninga og forskinga ved instituttet. Vi er eit godt lag som jobbar tett saman for å løyse oppgåvene våre.
Arbeidsoppgåver:
Den utlyste stillinga inneheld følgande oppgåver:
Medansvar for eksamensadministrasjon, inkludert planlegging og oppfølging i Felles studentsystem (FS), Inspera og ePhorte, samt grunngivingar og klager.
Administrasjon av etter- og vidareutdanning, inkludert kontakt med fagmiljø, planlegging av undervisning, rettleiing av studentar og søkjarar, støtte til etablering av nye tilbod, rekruttering og informasjonsarbeid og evt. andre oppgåver.
Kvalifikasjonar og eigenskapar:
Du må ha utdanning minimum på bachelorgradsnivå. Lang, relevant praksis kombinert med relevant etter- og vidareutdanning kan i særskilte høve kompensere for utdanning.
Relevant praksis frå universitets- og høgskulesektoren og kjennskap til relevante administrative system er ein føremon
Du må ha god digital kompetanse og evne til å tileigne deg nye ferdigheiter
Du må vere serviceinnstilt, effektiv og strukturert, og du må trivst med å arbeide sjølvstendig og å samarbeide med andre
Du må ha gode kommunikasjonsevner munnleg og skriftleg på norsk og engelsk
Personlege eigenskapar som er nødvendige for stillinga vil bli vektlagt
Vi tilbyr:
spennande og utviklande arbeidsoppgåver i eit sterkt fagmiljø
løn som førstekonsulent etter lønssteg 46-55 (kode 1408/LR 21) i det statlege lønsregulativet, avhengig av tenesteansiennitet og kvalifikasjonar. Dette utgjer for tida kr 431 900 - 499 500. For særskilt kvalifiserte søkjarar kan vi vurdere høgare løn.
Utfyllande opplysningar om stillinga kan ein få ved å vende seg til:
Administrasjonssjef Aleksander Morland, e-post: Aleksander.Morland@uib.no
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personer med nedsett funksjonsevne blir oppmoda om å søkje stillinga.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Søknad, CV og vedlegg sendes elektronisk via lenke på denne sida.
