Administrativ koordinator (seniorkonsulent) - vikariat - Geofysisk institutt
Søknadsfrist: 27.02.2021
Universitetet i Bergen
Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Det matematisk-naturvitenskapelige fakultet består av sju institutt og en rekke sentre.
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Seniorkonsulent
Ved Geofysisk institutt er det eit vikariat som administrativ koordinator (seniorkonsulent) ved havvindsenteret Bergen Offshore Wind Center. Stillinga er for ein periode på inntil 10 månader.
Bergen Offshore Wind Center samlar all kompetansen UiB har på havvind, og vart offisielt opna i september. Havvindenergi er straum frå vindturbinar til sjøs. Senteret vil ta hand om ulike tverrfaglege/tverrfakultære problemstillingar og er eit senter med aktivitetar som involverer fagmiljø frå fleire einingar ved UiB. Området er i stor vekst i Europa og Asia. Senteret er finansiert av Universitetet i Bergen, og Geofysisk institutt har fått i oppgåve å vere vertskap for senteret.
Administrativ koordinator er ansvarleg for den daglege koordineringa av senteret og rapporterer til senterleiar. Stillinga inngår i administrasjonen ved Geofysisk institutt. Ansvaret omfattar eit breitt spekter av administrative oppgåver. Dette inkluderer mellom anna tilrettelegging av møteplassar, søknadsstøtte, økonomistyring, rapportering, informasjonsarbeid og informasjonsflyt. Administrativ koordinator vil ha ansvaret for det administrative samarbeidet mellom partnarane ved dei ulike institutta og fakulteta ved UiB. Oppgåvene inkluderer også støtte til senterleiar i koordinering av forskingsgrupper, utvikling og implementering av faglege strategiar og prosjektgenerering. Koordinatoren er sekretær for senterets styre og internasjonale fagråd.
Arbeidsoppgåver:
Yte leiarstøtte til senterleiar
Forskingsadministrativt arbeid knytt til å bygge opp senteret si prosjektportefølje
Kommunikasjonsarbeid, særleg for web
Sørge for god informasjonsflyt både i internt og eksternt nettverk
Koordinere dei ulike partnarane
Høgt kvalifiserte saksbehandlingsoppgåver, utgreiings- og utviklingsoppgåver som krev stor grad av sjølvstende og problemløysingsevne
Kvalifikasjonar og eigenskapar:
Søkjarar må ha utdanning på mastergradnivå , og gjerne innanfor energifeltet eller anna relevant fagområde
Kompetanse og erfaring innan forskingsadministrasjon, økonomi og administrativt arbeid
Røynsle med administrative IKT-system og kjennskap til universitetssystemet vil vera
ein føremon.
Evne til å ha oversikt, vere utviklingsorientert og tileigne seg ny kunnskap raskt
Sjølvstendig og initiativrik
Systematisk og løysingsorientert med god gjennomføringsevne
Effektiv, fleksibel og serviceinnstilt
Gode kommunikasjons- og samarbeidsevner
Stillinga kan innebere oppgåver som krev spesialkompetanse frå fagområdet
Personlege eigenskapar som er naudsynte for stillinga vil bli vektlagt
Den som blir tilsett må meistre norsk og engelsk munnleg og skriftleg.
Vi kan tilby:
eit godt og fagleg stimulerande arbeidsmiljø
stilling som seniorkonsulent (kode 1363) i lønssteg 55 - 62 (for tida kr 490 600 – 555 800) i det statlege lønsregulativet.
Den statlege arbeidsstyrken skal i størst mogleg grad spegle mangfaldet i befolkninga. Det er difor eit personalpolitisk mål å få ei balansert alders- og kjønnssamansetning og rekruttere personar med innvandrarbakgrunn. Personar med innvandrarbakgrunn blir oppmoda om å søkje stillinga.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Den som blir tilsett må rette seg etter dei retningslinjene som til ei kvar tid gjeld for stillinga.
