Om stillinga

Institutt for kulturstudium og orientalske språk lyser ut ei fast stilling og to vikariat som senior-/førstekonsulent (SKO 1363/1408) innan studieadministrasjon. Dei som vert tilsett vil mellom anna få ansvar for både studie- og eksamensarbeid innan dei ulike fagområda ved instituttet. Eit av vikariata er i hovudsak knytt til arbeid med eksamen og kvalitetssikring.

Stillingane inngår i ei gruppe på i alt 9 personar som arbeider med studieadministrasjon, inkludert studieleiar. I studieadministrasjonen arbeider vi både sjølvstendig og tett saman. Vi er eit godt koordinert team, stiller opp for kvarandre når det trengst og har eit godt arbeidsmiljø.

Vi er opptekne av å utvikle oss fagleg slik at vi held eit høgt nivå, utviser godt skjøn i saksbehandlinga og vert i stand til å løyse oppgåvene våre. Vi har erfarne medarbeidarar og gjev god opplæring til nytilsette. Studieadministrasjon er eit felt i utvikling. Arbeidet som studiekonsulent er mangfaldig og krev engasjement for både fag, studium og studentar. Jobben føreset ei sjølvstendig haldning, digital kompetanse, gode kommunikasjonsevner og rolleforståing og interesse for instituttet si verksemd.

Om du er ein som trivst blant engasjerte kollegaer, som likar utfordringar og ynskjer å gjere ein god jobb, kan du vere rett person i teamet vårt. I ein travel kvardag og i møte med ei stor mengd studentar og vitskapeleg tilsette er du trygg på deg sjølv og prøver å finne dei beste løysingane.

Arbeidsoppgåver

Studiekonsulentane jobbar nært med fagmiljø og er organisert i ulike team med føljande arbeidsoppgåver:

• Mottak, oppfølging og rettleiing av studentar
• Planlegging og oppfølging av undervisning og eksamen innan eit eller fleire fag
• Administrativ drift av emne, emnegrupper og studieprogram/studieretningar
• Planlegging og oppfølging av utanlandsopphald og avtaleporteføljen ved instituttet
• Informasjonsarbeid og vedlikehald av nettsider
• Kvalitetssikring og evaluering av studia
• Administrativ støtte til fagmiljø og studieleiar

Det kan bli lagt andre oppgåver til stillinga i tråd med utviklinga av verksemda ved instituttet.

Kvalifikasjonskrav

• utdanning minimum tilsvarande bachelornivå. Relevant realkompetanse kan kompensere for utdanningskravet
• gode IT-kunnskapar
• gode kommunikasjonsevner
• god munnleg og skriftleg framstillingsevne på norsk og engelsk
• Det er ein fordel med relevant erfaring frå studieadministrasjon. Utdanning innan humanistiske fag kan òg være ein fordel.

Vi vil òg legge stor vekt på motivasjon og på at personen høver i stillinga.

Vi ser etter søkjarar

• som er sjølvstendige, tek initiativ og er løysingsorienterte
• er systematiske, grundige og flinke til å prioritere
• trivst med høgt tempo og varierte arbeidsoppgåver
• har gode samarbeidsevner
• er flinke med og raskt lærer seg nye digitale verktøy
• har overblikk og forståing for stillinga sitt arbeidsfelt

Vi tilbyr

• løn frå kr 471 300 til kr 534 900 per år, avhengig av kompetanse for stilling som førstekonsulent (SKO 1408)
• løn frå kr 509 500 til kr 584 700 per år, avhengig av kompetanse for stilling som seniorkonsulent (SKO 1363)
• Det er krav om meir erfaring og større evne til å arbeide sjølvstendig for tilsetting som seniorkonsulent. Nyutdanna kandidatar med mindre relevant erfaring er velkomne til å søkje og vil, i fall dei vert tilsett, få tilbod som førstekonsulent.
• eit hyggeleg og stimulerande arbeidsmiljø
• god pensjonsordning i Statens Pensjonskasse
• stilling i ei IA-verksemd, gode velferdsordningar og høve til trening i arbeidstida

Søknaden skal innehalde

Til informasjon skal følgjande dokument sendast ved den elektroniske søknaden, helst i pdf-format:

• søknadsbrev
• CV
• vitnemål

Andre opplysningar

Aktuelle søkjarar vil bli kalla inn til intervju.

I høve til offentleglova § 25, 2. ledd kan opplysningar om søkjaren bli offentleggjorde sjølv om søkjaren har bede om ikkje å bli oppført på søkjarlista.

Vi viser òg til regelverk for teknisk-administrativt tilsette.

UiO har ein overtakingsavtale for alle tilsette med formål å sikre rettane til forskingsresultat m.m.

Inkludering og mangfald er ein styrke. UiO har eit personalpolitisk mål om å oppnå ei balansert kjønnssamansetjing. Vidare ønskjer vi medarbeidarar med ulike kompetansar, fagkombinasjonar, livserfaring og perspektiv. Vi vil leggje til rette for medarbeidarar som har behov for det.

Om det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal vi kalle inn minst éin søkjar i kvar av desse gruppene til intervju.

Kontaktinformasjon

• Studieleiar Hanne Skramstad
• Administrativ leiar Ragnhild Rebne
• Personalkonsulent Natali Helgesen (for spørsmål om elektronisk søknad)

Søk på stillingen