Om stillinga

TIK Senter for teknologi, innovasjon og kultur søkjer etter ein rutinert og dyktig administrator til stilling som studiekonsulent (seniorkonsulent SKO1363) frå 01.01.2022. Studiekonsulenten skal ha administrasjon av senteret sine to masterprogram som særskild arbeids- og ansvarsområde. I tillegg vil ein del av stillinga dekke funksjonen som nettredaktør ved senteret. Stillinga inngår i senteradministrasjonen på 4 personar, som også samarbeider tett med dei vitskapelege tilsette ved senteret.

Arbeidsoppgåver

• Administrativ koordinator for masterprogramma til TIK (kvalitetssikring av studietilbodet, mottak og oppfølging av studentar, sakshandsaming, avvikling av eksamen, sensur, planlegging av undervisning, oppfølging av rettleiarar og sensorar)
• Administrasjon av internasjonal studentutveksling
• Sekretær for programrådet: I samarbeid med fagleg programleiing hjelpe til med saksførebuing og oppfylging av rådet sine vedtak
• Superbrukar for FS, Canvas, Inspera, TP og AURA
• Nettredaktør for heimesidene til TIK-senteret

Innhaldet i stillinga kan bli endra og andre oppgåver kan bli lagt til stillinga.

Kvalifikasjonskrav

• Utdanning frå universitet eller høgskule med samfunnsfag eller humaniora i fagkretsen, minimum tilsvarande bachelornivå. Dokumentert relevant realkompetanse kan kompensere for utdanningskravet dersom kandidaten kan dokumentere evne til å meistre oppgåver på det aktuelle nivået
• Relevant studieadministrativ erfaring frå universitet eller høgskule
• God kjennskap til offentleg forvaltning
• God munnleg og skriftleg framstillingsevne på norsk og engelsk er ein føresetnad
• Gode IT-kunnskapar og digital kompetanse. Kjennskap til felles studentsystem (FS), nettredigeringsverktøyet Vortex, sakshandsamingssystemet ePhorte, vurderingssystemet Inspera, læringsplattforma Canvas og timeplanleggingssystemet TP er ønskeleg

Personlege eigenskapar

• Gode kommunikasjonseigenskapar, skriftleg og munnleg
• Evne til å handtere og organisere fleire oppgåver samstundes
• Samarbeidsorientert og med evne til å skape god kontakt med studentar og vitskapleg tilsette
• Kunne jobbe sjølvstendig, systematisk, effektivt og nøyaktig
• Taklar periodar med stort arbeidspress

Vi tilbyr

• Jobb i ein solid og dynamisk organisert administrasjon i eit inspirerande undervisings- og forskingsmiljø
• Løn som seniorkonsulent (SKO 1363), ltr. 56-64, kroner 507 600-583 500 avhengig av kompetanse
• Fleksibel arbeidstid, trening i arbeidstida og gode velferdsordningar
• God pensjonsordning

Søknaden skal innehalde

• Søknadsbrev
• CV
• Relevante vitnemål, attestar, liste med 2-3 referansar (namn, tilknyting til søkjar, e-postadresse og telefonnummer)

Søknad med vedlegg må sendast inn via rekrutteringssystemet vårt, Jobbnorge.

Andre opplysningar

Aktuelle søkjarar vil bli kalla inn til intervju.

I høve til offentleglova § 25, 2. ledd kan opplysningar om søkjaren bli offentleggjorde sjølv om søkjaren har bede om ikkje å bli oppført på søkjarlista.

UiO har eit personalpolitisk mål om å oppnå ei balansert kjønnssamansetjing og rekruttere personar med innvandrarbakgrunn. Eventuelt ved leiarstilling med mindre enn 40 % kvinnedel oppmodast kvinner særskild til å søkje.

Inkludering og mangfald er ein styrke. UiO har eit personalpolitisk mål om å oppnå ei balansert kjønnssamansetjing. Vidare ønskjer vi medarbeidarar med ulike kompetansar, fagkombinasjonar, livserfaring og perspektiv. Vi vil leggje til rette for medarbeidarar som har behov for det.

Om det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal vi kalle inn minst éin søkjar i kvar av desse gruppene til intervju.

Kontaktinformasjon

• Kontorsjef: Inger-Johanne Ullern
• Førsteamanuensis: Markus M. Bugge (masterkoordinator ved TIK)

Søk på stillingen