Seniorkonsulent / Rådgjevar innen økonomi og prosjektadministrasjon
Søknadsfrist: 28.02.2023
Nord universitet
Gjennom forsking, utdanning og samfunnsdeltaking, bidreg Nord universitet til å skape ei berekraftig framtid med utgangspunkt i vår geografiske lokalisering.
I samarbeid med samfunns- og næringsliv i Nordland og Trøndelag, fremjer våre 11 500 studentar og 1 350 tilsette innovative løysningar og kunnskapsbasert praksis, lokalt og internasjonalt.
Nord universitet har fire strategiske satsingsområde: blå og grøn vekst, berekraftig innovasjon og entreprenørskap, samfunnssikkerheit og helse, velferd og oppvekst.
Fakultet for samfunnsvitskap (FSV) utdannar samfunnsvitarar som oppfyller samfunnet sine behov for nytenkjande yrkesutøvarar innan privat og offentleg sektor.
Fakultetet si doktorgrad er ph.d. i sosiologi. FSV har ca. 2200 studentar og 190 tilsette.Forskingsverksemda ved fakultetet er organisert i fire faggrupper: Velferd og sosiale relasjonar, Historie, kultur og medium, Leiing og innovasjon og Miljø, internasjonale relasjonar, nordområde og samfunnstryggleik.
Fakultet for samfunnsvitskap har tilsette på tre ulike studiestadar: Bodø, Steinkjer og Levanger. Per i dag blir det også gjeve undervising på Stokmarknes.
Ved Nord universitet, fakultet for samfunnsvitskap, studiestad Bodø er det ledig ei fast 100 % stilling som seniorkonsulent/rådgjevar innan økonomi og prosjektadministrasjon.
Stillinga har kontorstad Bodø.
Arbeidsoppgåver
Hovudoppgåva til stillinga er økonomisk-administrativt arbeid knytt til prosjektporteføljen til fakultetet, men også andre administrative oppgåver er tillagt stillinga.
Arbeidsoppgåvene omfattar mellom anna:
Økonomisk- og administrativt arbeid, rettleiing og bistand knytt til prosjektporteføljen.
Løpende rekneskapsmessig oppfølging/kontroll
Budsjettering og rapportering
Andre administrative oppgåver
Arbeidet inneber utstrekt kontakt og bistand til vitskaplege tilsette, samarbeidspartnarar og universitetet elles.
Kvalifikasjonskrav
For tilsetjing i stilling som seniorkonsulent krev vi relevant utdanning frå universitet eller høgskole, bachelorgrad eller tilsvarande. Lang og relevant praksis kan kompensere for delar av utdanningskravet
For tilsetjing i stilling som seniorkonsulent er det vidare ei forutsetning med omfattande relevant erfaring og spesialkompetanse på høgt nivå tilpassa funksjonane i stillinga
For tilsetjing i stilling som rådgjevar krev vi relevant utdanning frå universitet eller høgskole, mastergrad eller tilsvarande. Lang og relevant praksis kan kompensere for delar av utdanningskravet
God munnleg og skriftleg framstillingsevne på norsk og engelsk
Gode IT-kunnskapar
Andre kvalifikasjonar og personleg eigna til jobben
Om ein er personleg eigna vil bli vekta i stor grad
Erfaring frå offentleg forvalting, samt kjennskap til bidrag og oppdragsfinansiert verksemd vil vektleggjast
Evne til å arbeide systematisk, strukturert og sjølvstendig med fleire parallelle prosessar
Erfaring med bruk av relevante IKT-verktøy
Ha god formidlingsevne, både munnleg og skriftleg
Vi tilbyd
Stillinga blir løna etter Statens regulativ,
kode 1363 seniorkonsulent - NOK 517 600 ,- - 573 900,- i året
kode 1434 rådgjevar - NOK 544 400 - 648 700,- i året
Løn ut frå ansiennitet og kvalifikasjonar. For særleg kvalifiserte søkjarar kan høgare løn avtalas.
Frå løna går lovfesta innskot til Statens pensjonskasse.
Den som blir tilsett, må rette seg etter dei lover, avtalar og instruksar som til ei kvar tid gjeld for stillinga. Det blir teke atterhald om endring i ansvars- og arbeidsområde som følgje av framtidig organisasjonsutvikling og omorganisering ved Nord universitet.
Den statlege arbeidsstyrken skal i størst mogleg grad spegle mangfaldet i befolkninga. Nord universitet oppfordrar difor kvalifiserte kandidatar med nedsett funksjonsevne, hol i CV-en, innvandrarbakgrunn og elles ulik livserfaring til å søke. Universitetet praktiserer moderat kjønnskvotering i samsvar med lokal tilpassingsavtale for hovudavtalen i Staten.
Opplysingar om nedsett funksjonsevne eller hol i CV kan bli brukte til anonymiserte registreringsføremål.
Aktuelle kandidatar vil bli kalla inn til intervju.
Kontakt
Nærare opplysing om stillinga får ein ved å ta kontakt med:
Søknad m/cv og kopi av vitnemål og attestar sendast elektronisk innan 28.02.2023
All dokumentasjon som det skal takast omsyn til, skal lastast opp som vedlegg til søknaden.
Fullstendig elektronisk dokumentasjon skal sendast inn innan søknadsfristen.
Etter at søknadsfristen er gått ut blir det utarbeidd ei offentleg søkjarliste. Vi gjer merksam på at opplysingar om søkjaren kan offentleggjerast sjølv etter ønskje om å bli utelaten frå søkjarlista. Søkjarar som likevel bed om konfidensialitet, skal grunngje dette særskilt i søknaden. Søkjarane vil i så fall bli varsla på førehand om offentleggjering.