Stilling:
Overingeniør / avdelingsingeniør innan programvareutvikling for klimavarsling
Søknadsfrist 3. august 2018
VedGeofysisk institutt og Bjerknessenteret for klimaforsking er det ledig ei fast stilling som overingeniør/avdelingsingeniør innan programvareutvikling for klimavarsling. Stillinga er knytt til eksterne prosjekt. Dersom ingen av søkjarane kvalifiserer for ei stilling som overingeniør, vil vi vurdere å tilby ei stilling som avdelingsingeniør. Kvalifikasjonskrava vil då bli tilsvarande redusert.
Om prosjektet/arbeidsoppgåvene
Stillinga er støtta av Noregs Forskingsråd gjennom infrastrukturen for den norske jordsystemmodellen (INES prosjektet) som utviklar neste generasjon av den norske jordsystemmodellen. Stillinga inngår i Bjerknes klimavarslingssenter, som fokuserer på å varsle klimaet i den atlantiske-arktiske sektoren frå sesong skala til lengre tidsskalaer.
I stillinga vil ein vedlikehalde og oppgradere dokumenteringa av den norske klimavarslingsmodellen NorESM. Det inkluderer utvikling av programvare for automatisering av varslingseksperiment og diagnostikk for å overvake presisjon i varsla og flytting av systemet til ny HPC infrastruktur, design og implementering av strategiar for parallellisering, profilering og optimalisering av prestasjonar på kvar HPC fasilitet. Stillinga er utforma til å støtte forskarar på Bjerknes klimavarslingssenter ved utføring av numeriske eksperiment og i tilhøyrande datahandtering. Det vil vere eit tett samarbeid med utviklarane av varslingssystemet.
Kvalifikasjonar og eigenskapar:
- Søkjarane må ha mastergrad innanfor informatikk, informasjonsteknologi, fysikk eller annan relevant disiplin. Lang, relevant praksis kombinert med relevant etter- og vidareutdanning kan i særskilte høve kompensere for manglande formell utdanning.
- Svært gode ferdigheiter i programmering er eit krav (spesielt Fortran, og/eller C/C++), parallellprogrammering, UNIX/LINUX plattformar, og tolkingsprogram(bash, Python).
- Erfaring med klimamodellering og varslingssystem basert på numerisk modellering og tungrekning.
- Erfaring med overvaking/vurdering av treffsikkerhet til varsla og bakgrunn i statistikk.
- Erfaring med plattformar for å styre og utvikle store samarbeidsprosjekt (git og SVN).
- Erfaring med programvare for å styre arbeidsflyten i numeriske modelleksperiment (som Autosubmit og OpenIFS).
- Kunnskap om format for klimadata (NetCDF, GRIB) og teknologi for deling av data (for eksempel gjennom web-tenester som ESGF, OPeNDAP).
- Gode ferdigheiter i engelsk, både skriftleg og munnleg, er naudsynt for kommunikasjon med andre forskarar.
- Spesielle krav til stillinga er vilje og evne til å arbeide på tvers av fagområde i eit tverrfaglig team, samt å jobbe sjølvstendig med eigne oppgåver.
Vi kan tilby:
- Eit godt og fagleg utfordrande arbeidsmiljø
- Stilling som overingeniør (kode 1087), kr 480 600- 544 400, alternativt som avdelingsingeniør (kode 1085), kr 421 700 – 472 300 brutto per år etter hovudtariffavtalane i staten. For særskilte kvalifiserte søkjarar kan høgare lønn vurdarest.
- Medlemsskap i Statens pensjonskasse
- Stilling i ei inkluderande arbeidslivsverksemd (IA-verksemd)
- Gode velferdsordningar
Generell informasjon:
Utfyllande opplysningar om stillinga kan ein få ved å vende seg til:
- Professor Noel Keenlyside, Geofysisk institutt, Noel.Keenlyside@uib.no eller
- Dr Mao-Lin Shen, Geofysisk institutt, Maolin.Shen@uib.no
Den statlege arbeidsstyrken skal i størst mogleg grad spegle mangfaldet i befolkninga. Det er eit personalpolitisk mål å få ei balansert alders- og kjønnssamansetning. Personar med innvandrarbakgrunn og personer med nedsett funksjonsevne blir oppmoda om å søkje stillinga.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Nærare om tilsettingsprosessen her.