Ledig stilling ved Universitetet i Bergen
Vitskapeleg assistent (50 %) - Kunstakademiet – Institutt for samtidskunst
Søknadsfrist: 24.05.2019
Kunnskap som formar samfunnet
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Vitskapeleg assistent (50 %)
Ved Kunstakademiet – Institutt for samtidskunst er det ledig ei 50 % stilling som vitskapleg assistent knytta til fokusområdet grafikk frå 1. august 2019.
Vi søker etter ein vitskapleg assistent som i hovudssak vil ha oppgåver knytt til forskningsprosjektet «The Feminist School of Printmaking.» Assistenten vil få delta i ei spennande fase for fokusområdet og inngå i eit dynamisk forskingsmiljø og få gode utviklingsmoglegheiter.
Vitskapleg assistent er ei rekrutteringsstilling der hovudoppgåva er å vere ein støttespelar for den faglege staben i deira undervisnings- og forskingsverksemd. Stillinga skal gi høve til innsikt i kunstnarleg utviklingsarbeid og metode. Samla tilsetjingstid kan ikkje overstige to år.
Om prosjektet/arbeidsoppgåver:
- Ta del i og bidra inn i grafikk sitt forskningsprosjekt «The Feminist School of Printmaking» gjennom teknisk støtte, tilrettelegging av forskingsaktivitetar som seminar samt eigen forsking.
- Undervise studentar i ulike grafiske teknikkar og relaterte kunstnarlege tema.
- Bidra til ei vidare utvikling av studietilbodet innan fokusområdet for grafikk.
Kvalifikasjonar og eigenskapar:
- Mastergrad i kunst, fortrinnsvis innan relevant tematikk for fokusområdet
- Kjennskap til forsking relatert til fokusområdet
- God språkkunnskap og formuleringsevne i engelsk og norsk, munnleg og skriftleg
Personlege eigenskapar
- Arbeide sjølvstendig, vere ansvarsbevisst og fleksibel
- Vere serviceinnstilt og imøtekommande
- Ha gode samarbeidsevner og ei strukturert arbeidsform
Vi kan tilby:
- Spennande og utviklande arbeidsoppgåver i et sterkt fagmiljø
- Løn etter lønssteg 49 - 53 ved tilsetjing (Lpl.17.515/ kode 1020). Dette utgjer for tida kr. 435.500 – 464.800. For spesielt godt kvalifiserte søkjarar kan høgare løn vurderast
- Medlemsskap i Statens pensjonskasse
- Gode velferdsordningar
Søknaden skal innehalde:
- CV
- Vitnemål som visar at du har relevant utdanning
- Relevante attestar
- Liste over kunstnarlege produksjonar som har relevans for stillinga
- Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge.
Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge.
Det vil vere aktuelt med intervju før tilsetjing.
Generell informasjon:
Utfyllande opplysningar om stillinga kan ein få ved å vende seg til:
- Aashild Grana, aashild.grana@uib.no, telefon: 55 58 74 85 (jobb), 926 48 111 (mobil)
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personar med nedsett funksjonsevne blir oppmoda om å søkje stillinga.
Vi oppmodar kvinner om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.
Universitetet i Bergen nyttar meirinnsyn ved tilsetjing i vitskaplege stillingar.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Nærare om tilsettingsprosessen her.