Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

Universitetet i Bergen

Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.

Det medisinske fakultet består av fem institutt og sju senter. Les meir om fakultet og tilhøyrande institutt.

Spesialtannlege (30 %) ved Seksjon for kjeveortopedi

Ved Det medisinske fakultet, Institutt for klinisk odontologi, er det ledig ei fast stilling som spesialtannlege (30 %) ved Seksjon for kjeveortopedi.

Søkjar som ikkje vil arbeide i ei 30 % stilling kan og søkje, då det kan verte aktuelt å dele stillinga opp. Søkjar må i så tilfelle opplyse kva stillingsprosent ein ønskjer.

Arbeidsoppgåver:

Spesialtannlegen skal delta i seksjonen og fagområdet si teoretiske og kliniske undervisning for ulike studentgrupper som til dømes bachelor- og masterstudentar i odontologi og vidareutdannings- og kvalifiseringskandidatar. Spesialtannlegen må vere ansvarshavande på kliniske økter, rettleie studentane ved deira kliniske teneste og eventuelt ta del i pasientbehandling. I tillegg kan utvikling av undervisningsmateriell, og tilrettelegging av og deltaking i klinisk forsking og i faglege fora inngå i arbeidsoppgåvene. Det kan og vere aktuelt å vere med på å utvikle Universitetsklinikken ved deltaking i prosjekt og utval og delta i undervisning av andre studentgrupper ved seksjonen. Det vil vere mogleg å delta i faglege fora og i pasientnær forsking.

Spesialtannlegen rapporterer til seksjonsleiar/overtannlege ved Seksjon for kjeveortopedi.

Det kan leggjast andre oppgåver til stillinga.

Kvalifikasjonar og eigenskapar:

• Søkjar må ha norsk autorisasjon som tannlege og vere godkjend spesialist i kjeveortopedi
• Det er ein føremon at den som vert tilsett har norsk doktorgrad eller tilsvarande kompetanse
• Klinisk erfaring er eit krav
• Pedagogisk kompetanse og erfaring er ønskjeleg

Den som vert tilsett må ha gode kunnskapar i norsk, kunne arbeide sjølvstendig, vere ansvarsmedviten, fleksibel og ha gode kommunikasjons- og samarbeidsevner. Ved vurdering av søkjar vil dei personlege eigenskapane verte vektlagde.

Undervisningsspråket er til vanleg norsk.

Vi tilbyr:

• spennande og utviklande arbeidsoppgåver i et sterkt fagmiljø
• stilling som spesialtannlege (kode 0787) er lønt i lønssteg 67 etter kvalifikasjonar (for tida kr 597 400 brutto pr. år for ei fulltidsstilling). For særskilt kvalifisert søkjar kan det verte aktuelt å vurdere høgare løn.
• medlemsskap i Statens pensjonskasse
• gode velferdsordningar

Søknaden skal innehalde:

• Søknadsbrev der du seier noko om din motivasjon for stillinga, kvifor du søkjer og kvifor du passar til stillinga
• kva stillingsprosent du ønskjer
• oversikt over utdanning og arbeidserfaring (CV)
• attestert kopi av vitnemål og relevante attestar
• to referansar (namn og kontaktinformasjon)

Generell informasjon:

Utfyllande opplysningar om stillinga kan ein få ved å vende seg til:

• Seksjonsleiar professor Keijo Luukko, e-post: Keijo.Luukko@uib.no eller tlf.: 55 58 65 66

Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personar med nedsett funksjonsevne vert oppmoda om å søkje stillinga.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Søknad, CV og vedlegg sendes elektronisk via lenke på denne sida.

Nærare om tilsettingsprosessen her.

Søk på stillingen