Universitetet i Bergen

KMD er eit kraftsenter for kunstnarleg utviklingsarbeid, vitskapleg forsking og utdanning, fundert på lange tradisjonar for kunst-, musikk -og designutdanning i Bergen.

Fakultetet har om lag 600 studentar og 180 tilsette. Den faglege verksemda er organisert i tre institutt (kunst, musikk og design) med ein felles administrasjon. Fagmiljøa innan kunst og design er samlokaliserte i eit nytt bygg, spesialteikna for verksemda av Snøhetta. UiB arbeider for å etablere eit eige bygg for Griegakademiet - Institutt for musikk på nabotomta i Møllendal.

KMD samarbeider med leiande institusjonar, lokalt, nasjonalt og internasjonalt.

Ved Seksjon for verkstader og tekniske tenester ved Fakultet for kunst, musikk og design er det ledig ei 50% stilling som pianoteknikar med snarleg tiltreding.

Målsetjinga for fakultetet er å leggje til rette for at det kan drivast utdanning, forsking, formidling og kunstnarleg utviklingsarbeid av høg kvalitet. Fakultet for kunst, musikk og design er ein dynamisk og travel arbeidsplass med stor kontaktflate mot omverda.

Stillinga er særleg viktig for Griegakademiet – Institutt for musikk. Instituttet femner faga utøvande musikk og komposisjon, musikkvitskap og musikkterapi, og har 40 fast tilsette og ca. 60 time- og praksislærarar.

Arbeidsoppgåver

Til stillinga er det lagt hovudansvar for vedlikehald og stemming av fakultetet sin piano- og flygelpark, ca. 90 instrument, der om lag halvparten er flyglar. Pianoteknikaren skal og gje råd til fagmiljø og leiing om investeringar og sal og rutinar for bruk av instrumenta. Nokre av arbeidsoppgåvene vil krevje kvelds- og helgearbeid. Til stillinga høyrer ein eigen verkstad med verktøy for stemming og vedlikehald av instrument. Det er utarbeidd ei eiga stillingsbeskriving for stillinga som ein kan få ved å vende seg til instituttet.

Stillinga er ein del av Seksjon for verkstader og tekniske tenester, som omfattar alle verkstadene ved fakultetet. Næraste overordna er seksjonssjefen ved seksjonen. Pianoteknikaren vil måtte samarbeide tett med pianistane ved instituttet.

Instituttet har fleire toppinstrument av ulike produsentar som til dømes Steinway og Yamaha. I samlinga er det og eit hammarklaver og nokre restaurerte instrument frå fyrste halvdel av 1800-talet. Søkjarar må ha dokumentert kompetanse på historiske instrument og ulike tempereringsmåtar. Det vil vera ein fordel med røynsle frå institusjonsstemming.

Kvalifikasjonar og eigenskapar

Søkjar må ha spesialutdanning tilpassa dei oppgåvene stillinga skal dekkje. Lang, relevant praksis kombinert med relevant etter- og vidareutdanning kan i særskilte høve kompensere for manglande formell utdanning. Relevant praksis/røynsle vert kravd.

Det er ønskjeleg at søkjarar har grunnleggjande IT-kompetanse. Opplæring på administrative IT-verktøy vert gitt. Det er ein fordel med røynsle frå innkjøp og adminstrasjon.

Til stillinga ynskjer vi ein initiativrik, sjølvstendig og sørvisinnstilt person. Den som vert tilsett, må kunne arbeide strukturert og følgje opp arbeidsoppgåver over tid.

Vi kan tilby

• Eit godt og fagleg utfordrande arbeidsmiljø
• Stilling som overingeniør (kode 1087) i lønssteg 53 – 58 (for tida kr. 464.400 – 505.800) i det statlege lønsregulativet. For særlig kvalifiserte søkjarar kan det bli aktuelt å vurdere høgare løn.
• Medlemsskap i Statens pensjonskasse
• Stilling i ei inkluderande arbeidslivsverksemd (IA-verksemd)
• Gode velferdsordningar

Utfyllande opplysningar om stillinga kan ein få ved å vende seg til:

• Seksjonssjef Bjarte Bjørkum, telefon 55 58 73 04 eller e-post: bjarte.bjorkum@uib.no

Den statlege arbeidssyrken skal i størst mogleg grad spegle mangfaldet i befolkninga. Det er eit personalpolitisk mål å få ei balansert alders- og kjønnssamansetning. Personar med innvandrarbakgrunn og personar med nedsett funksjonsevne blir oppmoda om å søkje stillinga.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Nærare om tilsettingsprosessen her.

Søk på stillingen