Ved Det medisinske fakultet, Institutt for biomedisin, er det ledig ei fast stilling som førsteamanuensis (100 %) i biomedisin. Arbeidsstad er Bygg for Biologiske Basalfag, Jonas Lies vei 91 i Bergen.

Ein stillingsomtale med nærare presisering av fagkrins og ansvarsområde, særlege plikter og andre tilhøve som det vert lagt vekt på ved tilsetjinga, finn du lenger ned på sida.

Utfyllande opplysningar om stillinga får ein ved å kontakte:

• Instituttleiar professor Mathias Ziegler, tlf.: + 47 55 58 45 91 eller e-post: Mathias.Ziegler@uib.no

Kvalifikasjonar

• søkjar må ha norsk doktorgrad i relevant fagområde eller tilsvarande kompetanse
• søkjar må ha gjennomført ein produktiv postdoktorperiode
• søkjar må kunne dokumentere aktiv og sjølvstendig forsking innan kreftbiologi, fedme og aldring
• søkjar må kunne dokumentere evne til å få fram eigne forskingsmidlar
• søkjar må kunne dokumentere eige undervisningserfaring og undervisningskompetanse
• demonstrere evne til å skape forskingsmiljø gjennom eigen nettverksbygging nasjonalt og internasjonalt
• pedagogisk basisutdanning er eit krav for stillinga. Den som blir tilsett vil få tilbod om opplæring dersom kravet ikkje er oppfylt før tilsetjing

Det vert lagt vekt på følgjande:

• erfaring med leiing av forskingsprosjekt, koordinering av forskingsaktivitet, og frå forskingsstrategisk arbeid
• dokumentert utdanning og erfaring med human fysiologi og sjukdom
• dokumentert undervisningserfaring innan human fysiologi
• erfaring frå arbeid med fedme og kreft på molekylært nivå
• erfaring med bruk av in vivo-baserte metodar, metabolomics, system biologi, NGS eller «loss-of-function screening»

Det vert lagt vekt på dokumentert vilje og evne til samarbeid.

Undervisingsspråket er til vanleg norsk.

Stillinga skal vere knytt til ei av dei eksisterande forskingsgruppene ved instituttet.

Løn

Førsteamanuensis vert lønt etter lønssteg 66 (kode 1011/lønsramme 24.10), for tida 586 500 kr eller lønnssteg 68 (spesialist) for tida 607 700 kr. Løn er brutto pr. år for ei fulltidsstilling i lønsregulativet til staten ved tilsetjing, og vidare opprykk skjer etter tenesteansiennitet i stillinga. Det vert trekt 2 % pensjonsinnskot til Statens pensjonskasse. For særleg kvalifiserte søkjarar kan det verte aktuelt å vurdere høgare løn.

Vi kan tilby

• eit godt og internasjonalt arbeidsmiljø og spanande arbeidsoppgåver i eit fakultet med fagmiljø som hevdar seg godt nasjonalt og internasjonalt
• faglege utfordringar med gode høve for personleg utvikling og kompetanseutvikling
• god pensjonsordning i Statens pensjonskasse
• stilling i ei inkluderande arbeidslivsverksemd (IA-verksemd)
• gode velferdsordningar

Du kan lese meir om kva Universitetet i Bergen kan tilby som arbeidsgivar ved å gå inn på nettsida:

http://www.uib.no/poa/74687/hva-kan-universitetet-tilby-sine-medarbeidere

Retningsliner

Den som vert tilsett pliktar å ta del i undervising og eksamen etter dei studieordningane som gjeld til kvar tid og til utan godtgjersle å rette seg etter dei endringane som gjennom lov måtte bli vedtekne om fagkrins, pensjonsordning og aldersgrense.

Kvinner vert spesielt oppmoda om å søkje. Dersom dei sakkunnige finn at fleire søkjarar har tilnærma like kvalifikasjonar, vil reglane om kjønnskvotering i Personalreglementet for vitskaplege stillingar verte følgde.

Den statlege arbeidsstyrken skal i størst mogleg grad spegle mangfaldet i befolkninga. Det er difor eit personalpolitisk mål å få ei balansert alders- og kjønnssamansetjing. Personar med innvandrarbakgrunn og personar med nedsett funksjonsevne vert oppmoda om å søkje stillinga.

Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan verte offentleggjorde sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teken til følgje, skal søkjaren varslast om dette.

Den som vert tilsett må rette seg etter dei retningslinene som til kvar tid gjeld for stillinga.

Søknad

Slik søkjer du stillinga:

Send søknad og CV som inneheld fullstending oversikt over tidlegare utdanning og tidlegare arbeid/erfaring, samt vedlegg elektronisk via lenkja «Søk stillingen» på denne sida.

Legg ved:

● vitnemål og attestar

● fullstendig publikasjonsliste

● liste med vedlegg som dokumenterer dine pedagogiske kvalifikasjonar

● ei liste over vitskapelege arbeid du vil det skal takast omsyn til ved vurderinga, med opplysning om kvar dei er offentleggjorde

● vitskapelege arbeid du vil det skal takast omsyn til ved vurderinga (maks 10) Kopier av desse i passande format (pdf) skal følgje med søknaden som vedlegg.

Det er særs viktig at kvart av dei vitskaplege arbeida som det skal takast omsyn til ved vurderinga i sin heilskap vert lasta opp som vedlegg til søknaden.

I tillegg ber vi søkjar legge ved:

● forskingsplan for dei neste fem åra (maksimum fem sider)

Søknadane vert sendt elektronisk til den sakkunnige nemnda.

Vi gjer merksam på at søknadar vert vurdert med den informasjonen som ligg føre i Jobbnorge når søknadsfristen går ut. Det er søkjar sitt ansvar at all informasjon er lagt inn innan fristen.

Ein viser elles til «Reglement for ansettelse i vitenskapelige stillinger og faglige/administrative lederstillinger».

Nærare om tilsettingsprosessen her.

Søknadsfrist: 23. september 2018

Stillingsomtale

Ved Det medisinske fakultet, Institutt for biomedisin, er det ledig ei fast stilling som førsteamanuensis (100 %) i biomedisin. Arbeidsstad er Bygg for Biologiske Basalfag, Jonas Lies vei 91 i Bergen.

Om instituttet

Institutt for biomedisin er eit av fem institutt ved Det medisinske fakultet. Til instituttet høyrer for tida 35 faste vitskapleg tilsette og 53 faste tekniske og administrativt tilsette. Instituttet har omlag 30 postdoktorar, 60 stipendiatar/doktorgradsstudentar og 25 mastergradstudentar. Dei tilsette er organisert i 10 forskingsgrupper, to teknologiplattformar (Molecular Imaging, utstyrt med blant anna Superresolution microscope, InCucyte live cell analysis system, PET and MRI, og PROBE, The proteomics Unit, Universitetet i Bergen). I tillegg er det ei undervisningsavdeling, ei teknisk fellesavdeling, og administrasjon.

Den som vert tilsett skal inngå i ei av dei eksisterande forskingsgruppene ved instituttet.

Forskingsaktiviteten ved instituttet er i stor grad eksternt finansiert og retta mot disiplinar innan fysiologi, cellebiologi og biokjemi med særleg fokus på tumorbiologi, nevrobiologi og hjarte- og sirkulasjonsforsking. Vi ønskjer no å styrke forskinga innan integrativ og eksperimentell human fysiologi inkludert systemtilnærmingar og metabolske studiar. Vi søkjer ein entusiastisk og motivert medarbeidar som vil driva sjølvstendig forsking ved hjelp av moderne teknikkar innan kreftbiologi, fedme og aldring. Personen som vert tilsett skal være i ein aktiv periode i sin forskarkarriere, og skal kunne presentere ein klar plan for eiga forsking i dei komande fem år.

Institutt for biomedisin gjev undervisning til studentar i medisin, odontologi, ernæring og farmasi i emne kjemi, cellebiologi, anatomi, histologi og fysiologi. Instituttet organiserer og gjev undervisning i masterprogram i biomedisin, og dei faste vitskaplege tilsette deltek i undervisning og rettleiing av desse masterstudentane.

Forskingsfokus til den som vert tilsett må komplimentere og vere godt integrert med pågåande forsking knytt til utforsking av sjukdom og underliggjande cellemekanismar. Søkjar må leggja ved ein forskingsplan som også beskriv korleis kandidaten meiner at eiga forsking styrker og utviklar synergieffektar mot pågåande forsking ved instituttet. Personen som vert tilsett vil i hovudsak undervise i fysiologi i tillegg til rettleiing av master- og doktorgradstudentar, men kan og verte tillagd andre undervisningsplikter. På lik line med andre fast vitskapleg tilsette på instituttet skal den som vert tilsett ta del i administrativt arbeid.

Det vert lagt vekt på erfaring med leiing av forskingsprosjekt, koordinering av forskingsaktivitet, og frå forskingsstrategisk arbeid. Vidare vil det verte lagt vekt på dokumentert vilje og evne til samarbeid både i forsking, koordinering og rettleiing.

Undervisningsspråket er til vanleg norsk. Det blir kravd at den som blir tilsett kan undervise på norsk eller eit anna skandinavisk språk innan to år etter tilsetjinga. Kurs vert tilbode. Den som blir tilsett må ha pedagogisk basisutdanning, men søkjarar som ikkje fyller dette kravet ved tilsetjing, får tilbod om opplæring og må dokumentere at utdanninga er fullført innan eit år etter dato for tilsetjing. Fristen er to år for den som ved tilsetjinga ikkje meistrar eit skandinavisk språk. Ein viser til dei generelle reglane ved universitetet om at innanfor si normale arbeidsplikt og faglege kompetanse kan den som blir tilsett også bli pålagt undervisning, rettleiing og eksamensarbeid utanfor den organisasjonseininga stillinga er knytt til. Universitetet i Bergen understrekar at pedagogiske kvalifikasjonar skal tilleggjast reell vekt ved tilsetjing i vitskaplege mellom- og toppstillingar. Søkjarane må dokumentere sine eigne pedagogiske kvalifikasjonar.

Dette kan ein til dømes gjere ved å sende inn:

• prov for gjennomført pedagogisk utdanning

• evalueringsrapportar av søkjaren si undervisning

• oversyn over undervisningsomfang og -nivå

• oversyn over hovudfags- og doktorgradsrettleiing og resultat

• mottekne studentprisar

• eigne pedagogiske publikasjonar

• eigne undervisningskompendium og undervisningsmateriell

• rapportar som syner deltaking i prosjekt knytt til utvikling av undervisning, så som alternative undervisningsformer, rettleiing eller læringsmiljø

Tilsetjinga går føre seg på grunnlag av vurdering av ei vitskapeleg nemnd samt ei sjølvstendig vurdering av tilsetjande organ inkludert intervju og eventuell prøving av undervisningskompetanse.

Søk på stillingen