Ved Det medisinske fakultet, Klinisk institutt 1, er det ledig ei fast stilling (100 %) som forskar (koordinator). Stillinga er eksternt finansiert og er for tida knytt til prosjektet Mohn ernæringsforskingslaboratorium. Prosjektet har ei førebels finansiering på 4,5 år.

Om instituttet/prosjekt

Mohn ernæringsforskingslaboratorium blei oppretta i 2018. Målet med prosjektet er å gjennomføre ernæringsrelatert forsking av høg internasjonal standard med fokus på mekanismar, diagnostikk, komorbiditet, samt førebygging og behandling av både fedme og underernæring. Epidemiologiske, kliniske og molekylære forskingsmetodar vil bli brukt. Mohn ernæringsforskingslaboratorium er knytt til Senter for ernæring ved Klinisk institutt 1 (https://www.uib.no/ernaring )

Hovudoppgåver

Ei viktig arbeidsoppgåve som er lagt til stillinga er koordinering av ulike aktivitetar ved Mohn ernæringsforskingslaboratorium i nært samarbeid med leiar, professor Jutta Dierkes, og leiarar for den molekylære og epidemiologiske arbeidspakkar. Dette inkluderer organisering av møter i styringsgruppa, rapportskriving, organisering av vitskapelege møter, oversikt over budsjett og allmenn kommunikasjon. Her vil vedkommande få støtte frå fagtilsette ved UiB. Forskingsoppgåver vil knytast til den kliniske arbeidspakken. Det er forventa at kandidaten har erfaring frå kliniske studiar innan ernæring, og ønskjeleg med erfaring innan underernæring og aldring. Erfaring frå arbeid som klinisk ernæringsfysiolog er ein føremon. Det er forventa at kandidaten kan planlegge og gjennomføre kliniske studiar sjølvstendig, inkludert skriving av protokoll, utarbeiding av REK-søknadar og arbeid med rekruttering av deltakarar/pasientar og innsamling av data.

Nærare opplysningar om stillinga kan ein få ved å vende seg til professor Jutta Dierkes, e-post jutta.dierkes@uib.no, tlf. +47 55977344.

Kvalifikasjonar og eigenskapar

• søkjar må ha ph.d.-grad innan ernæring eller tilsvarande doktorgrad
• søkjar må ha erfaring med planlegging og gjennomføring av kliniske studiar
• forskarar som har erfaring som klinisk ernæringsfysiolog (autorisasjon som helsepersonell) er invitert til å søkje
• det er ønskjeleg at vedkomande har erfaring med rettleiing, undervisning, skriving av manuskript og utarbeiding av prosjektsøknadar
• evne til sjølvstendig initiativ og samarbeid vert vektlagt i vurdering av søkjarane
• kandidaten må ha høg arbeidskapasitet og entusiasme for forsking
• søkjar må vere særs god i munnleg og skriftleg engelsk og norsk.
• det er ein føremon om kandidaten har erfaring frå internasjonalt samarbeid

Vi kan tilby

• eit godt og utfordrande arbeidsmiljø i forskingsfronten innan ernæring
• løn etter lønssteg 59 - 62 (kode 1109/lønsramme 24.3 – 24.6) i lønsregulativet til staten ved tilsetjing, for tida 508 800 – 537 700 kr brutto pr. år for ei fulltidsstilling, vidare opprykk skjer etter tenesteansiennitet i stillinga. Det vert trekt 2 % pensjonsinnskot til Statens pensjonskasse. Løn er under justering
• god pensjonsordning i Statens pensjonskasse
• stilling i ei inkluderande arbeidslivsverksemd (IA-verksemd)
• gode velferdsordningar

Du kan lese meir om kva Universitetet i Bergen kan tilby som arbeidsgivar ved å gå inn på nettsida:

http://www.uib.no/poa/74687/hva-kan-universitetet-tilby-sine-medarbeidere

Følgjande premissar er lagt til grunn for stillinga som forskar

• forskaren skal vere medlem i forskingsgruppa som fagfeltet høyrer inn under
• lønsutgiftene skal om mogleg vere 100 % eksternt finansiert
• forskaren skal aktivt bidra med å innhente eksterne prosjektmidlar til fagmiljøet, tilbåde seg sjølv og andre, frå NFR, EU og andre kjelder
• det er forventa at forskaren har sin forskingsaktivitet finansiert av prosjekta forskaren og forskingsgruppa rundt forskaren arbeider med
• instituttleiar kan pålegge forskaren arbeid inn mot bestemte forskingsprosjekt
• forskaren kan inneha verv, delta i komitear, utval m.m. innan UiB
• forskaren har ikkje undervisningsplikt, men forventas å rettleie master- og ph.d.-studentar i den grad dette inngår som ein naturleg del av forskingsaktiviteten iforskingsgruppa
• forskaren kan søkje kompetanseopprykk etter reglementet for opprykk

Om rekruttering i statlege stillingar

Den statlege arbeidsstyrken skal i størst mogleg grad spegle mangfaldet i befolkninga. Det er difor eit personalpolitisk mål å få ei balansert alders- og kjønnssamansetjing og rekruttere personar med innvandrarbakgrunn. Personar med innvandrarbakgrunn og personar med nedsett funksjonsevne vert oppmoda om å søkje stillinga.

Universitetet i Bergen nyttar utvida offentleg dokumentinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teken til følgje, skal søkjaren varslast om dette.

Den som vert tilsett må rette seg etter dei retningslinene som til kvar tid gjeld for stillinga.

Søknad

Du sender søknaden med vedlegg elektronisk via Jobbnorge ved å klikke på knappen merka «Søk på jobben».

Søknaden skal innehalde:

• eit søknadsbrev der du skriv om din motivasjon, kvifor du søkjer stillinga og kvifor du passer til denne
• ei oversikt over utdanning og arbeidserfaring (CV)
• attesterte kopiar av vitnemål og relevante attestar (Søkjarar med utanlandsk utdanning må leggje ved både vitnemål på original språket og autoriserte omsetjingar)
• publikasjonar, vitskaplege/faglege arbeid du ønskjer at det skal takast omsyn til ved vurderinga (maks 10) og ei liste over desse
• doktorgradsavhandlinga
• to referansar (namn og kontaktinformasjon)

Søknadane vert sendt elektronisk til nemnda som skal vurdere desse.

Vi gjer merksam på at søknadar vert vurdert med den informasjonen som ligg føre i Jobbnorge når søknadsfristen går ut.

Nærare om tilsettingsprosessen her.

Søk på jobben