Ved Institutt for administrasjon og organisasjonsvitskap, Universitetet i Bergen, er det ledig ei 3-årig stilling som stipendiat i statsvitskap. Stillinga er tilknytt forskingsprosjektet TROPICO – Transforming into Open Innovative and Collaborative Governments, som er finansiert frå EUs rammeprogram for forsking og innovasjon, Horizon 2020.

TROPICO-prosjektet undersøker korleis styresmaktene og offentlege organ i Europa arbeidar for å skape ein meir samordna forvaltning, for å utvikle politikk og skape betre tenester til befolkninga. Sentralt i dette er korleis digitalisering, informasjons- og kommunikasjonsteknologi (IKT) og nye digitale tenester kan bidra til samordning og samarbeid – i offentleg forvaltning, mellom styresmaktene og befolkninga, og mellom offentlege organ og organisasjonar i privat eller frivillig sektor. Dette studerast gjennom komparative case-studiar frå fleire land, inkludert Noreg, og gjennom intervju og spørjeundersøkingar til ekspertar og dei som arbeidar i eller med forvaltninga.

TROPICO koordinerast frå Institutt for administrasjon og organisasjonsvitskap ved UiB og har partnarar frå 12 institusjonar i 10 europeiske land. Meir informasjon om prosjektet finn du her: www.tropico-project.eu

Kvalifikasjonar og eigenskapar:

• Du må ha mastergrad i statsvitskap eller tilsvarande samfunnsvitskapeleg utdanning ved norsk eller utanlandsk institusjon. Graden må vera avlagt innan søknadsfristen.
• Du må gjennom karakternivå og skriftlege arbeid ha vist eit høgt faglig nivå. Minstekravet for søkjarane er normalt karakteren B eller betre, både på masteroppgåva og for mastergraden som heilhet.
• Du må kunne arbeide sjølvstendig og strukturert.
• Du må ha gode samarbeidsevner, stor arbeidskapasitet, og bidra aktivt til TROPICO-prosjektet.
• Du må ha gode skriftlege og munnlege engelskkunnskapar.

Aktuelle kandidatar vil bli innkalla til intervju i august.

Om stipendiatstillinga:

Stipendiatperioden er 3 år og utan pliktarbeid. Stipendiaten skal gjennom eit sjølvstendig forskingsarbeid bidra aktivt til prosjektets forskingsaktivitetar og mål, delta i innsamling av og arbeid med data i prosjektet, og delta i organisering av forskingsaktivitetar og arrangement knytt til prosjektet.

Som stipendiat i TROPICO vil du få delta i et stort og etablert nettverk av stipendiatar, post-doktorar og erfarne forskarar i 10 europeiske land. Du vil også inngå i ph.d-gruppa ved Institutt for administrasjon og organisasjonsvitskap og delta i forskarutdanninga ved det samfunnsvitskaplege fakultet.

Søkarar vil bli evaluerte på bakgrunn av karakternivå, søknad og innlevert prosjektskildring. Det vil bli særlig lagt vekt på korleis prosjektskildringa passar til prosjektets hovudtema og faglege profil. Vi ønskjer og at du sender inn innlevert masteroppgåve som eit eksempel på tidlegare skriftleg arbeid.

Om du tidligare har vore tilsett i rekrutteringsstilling, kan det bli gjort frådrag i tilsetjingsperioden.

Om forskarutdanninga:

Som stipendiat skal du delta i forskarutdanninga ved UiB. For nærmare opplysningar sjå: Forskarutdanninga ved det samfunnsvitskaplege fakultet. Utdanninga har ein normert tidsramme på 3 år, og leiar fram til ein ph.d.-grad. For opptak må du ha fullført mastergrad. Omfanget av utdanningsbakgrunnen må minst svare til femårig, norsk masterutdanning, inklusive ein toårig mastergrad som omfattar ei masteroppgåve. Mastergraden skal være innen det fagområdet det søkes opptak om.

Vi kan tilby:

• Løn etter lønssteg 50 (Lpl.17.515, st. kode 1017, LR20.8) ved tilsetjing. Dette utgjer ei årsløn på kr. 436 900 brutto. Lønen er under justering i henhold til nye hovudtariffavtalar. Vidare opprykk skjer etter tenesteansiennitet i stillinga
• Godt fagleg og sosialt miljø med høg kvalitet på forsking og undervising.
• Medlemskap i Statens pensjonskasse
• Stilling i ei inkluderande arbeidslivsverksemd (IA-verksemd
• Gode velferdsordningar

Prosjektet:

Kortfatta prosjektskildring (5-8 sider) skal ligge føre saman med søknaden. Prosjektskildringa skal gjere greie for tema, problemstillingar og val av teori og metode. Skildringa skal innehalde framdriftsplan for dei ulike delane av forskingsarbeidet. Ved tilsetjing vil prosjektskildringa vere grunnlaget for opptak til forskarutdanninga.

Søknaden skal innehalde:

• Ei kort utgreiing om søkjaren sine forskingsinteresser og motivasjonen for å søkje stillinga
• Namn og kontaktopplysningar til to referansepersonar, ein av desse må vere hovudrettleiaren frå masteroppgåva eller tilsvarande oppgåve
• Prosjektskildring
• CV
• Karakterutskrifter og vitnemål for bachelor- og mastergrad
• Relevante attestar
• Eventuell liste over vitskaplege arbeid (publikasjonsliste)
• Masteroppgåve
• Dersom du har mastergrad frå utanlandsk lærestad, eller 2-årig disiplinbasert mastergrad (eller tilsvarande) innan eit anna fagområde enn du vil bli knytt til, kan du verte bedne om å sende inn ein oversikt over pensum til den mastergraden du har oppnådd

Søknad og vedlegg med attesterte omsetjingar til engelsk eller eit skandinavisk språk må lastas opp i Jobbnorge via link på denne sida «Søk på jobben».

Søknaden må merkas: 18/6988

Søknadsfrist: 6. august 2018

Søknader utan prosjektskisse eller søknader som vert sendt på e-post vil ikkje verte vurderte. Berre vedlagte dokument vil bli lagt til grunn for sakkyndig vurdering.

Generell informasjon

Nærare opplysningar om TROPICO kan ein få ved å vende seg til prosjektleder og førsteamanuensis Lise H. Rykkja, epost lise.rykkja@uib.no eller telefon (+47) 55589775.

Praktiske spørsmål kring søknadsprosessen kan rettast til rådgjever Beathe Moldestad, epost: beathe.moldestad@uib.no eller telefon (+47) 55 58 90 56.

Den som vert tilsett vil bli tatt opp i fakultetet si forskarutdanning. Nærare opplysningar om forskarutdanninga kan ein finna på http://link.uib.no/?TnwW. Eventuelle spørsmål om forskarutdanninga kan rettast til seniorkonsulent Hanne Gravermoen, e-mail: hanne.gravermoen@uib.no, phone: +47 55 58 90 68.

Undervisningsspråket er til vanleg norsk.

Den statlege arbeidsstyrken skal i størst mogleg grad spegle mangfaldet i befolkninga. Det er difor eit personalpolitisk mål å få ei balansert alders- og kjønnssamansetning og rekruttere personar med innvandrarbakgrunn. Personar med innvandrarbakgrunn og nedsett funksjonsevne vert oppmoda om å søkje stillinga.

Universitetet i Bergen nyttar meirinnsyn ved tilsetjing i vitskaplege stillingar.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Søk på jobben

Søknadsfrist: 06.08.2018

Web: www.uib.no

Kontakt: Førsteamanuensis Lise H. Rykkja (Prosjektleder)

Telefon: (+47) 55589775

E-post: lise.rykkja@uib.no

Kontakt 2: Beathe Moldestad (Rådgjever)

Telefon: (+47) 55 58 90 56

E-post: beathe.moldestad@uib.no