Ledig stilling ved Universitetet i Bergen
Seniorrådgjevar (innovasjons- og forskingsrådgjevar)
Søknadsfrist: 16.06.2019
Kunnskap som formar samfunnet
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Innovasjons- og forskingsrådgjevar
Vil du være med og bidra til å realisere UiB sine strategiske mål innafor forsking og innovasjon?
Ved Det medisinske fakultet, fakultetsadministrasjonen, er det ledig stilling som innovasjons- og forskingsrådgjevar (seniorådgjevar)(100 %) med tilsetjing så snart som mulig.
Det medisinske fakultet er inne i ei ekspansiv og spanande utvikling på mange plan. Fakultetet står midt i planleggingen av en rekke spennende arenaer for innovasjon, både gjennom et nytt innovasjonsbygg (medisinsk inkubator) og gjennom utviklingen av Alrek Helseklynge.
For å styrke innovasjonsaktiviteten ved Det medisinske fakultet søker vi ein rådgjevar som skal ha særskilt ansvar for innovasjon i forsking. Vi har mykje samarbeid med næringslivet og fremmer søknader til nasjonale og internasjonale utlysningar innan innovasjonsretta prosjekt.
Fakultetet har stor breidde og styrke i fagmiljøa og forskingsinfrastruktur i verdsklasse. Vi har som mål å ytterlegare auke vår eksternfinansierte forskingsportefølje. Stillinga er lagt til fakultetet sin forskingsseksjon. Seksjonen tel ni medarbeidarar som arbeidar saman med fakultetsleiinga med utvikling av forskings- og innovasjonsstrategiar, prosjektutvikling, rådgjeving og søknadsstøtte, i tillegg til forvalting av forskarutdanning. Den tilsette rådgjevaren vil vere del av dette teamet.
Arbeidsoppgåver:
- Bidra til å byggje opp kompetansen rundt innovasjonsprosessar blant tilsette og studentar på fakultetet.
- Gje råd og støtte til forskarar ved fakultetet i aktuelle nasjonale og internasjonale utlysningar om forskingsmidlar, med særlig fokus på utlysningar der innovasjon er framtredande.
- Motivere forskarar ved fakultetet til å søkje eksterne forskingsmidlar
- Delta i rådgjeving og opplæring av yngre forskarar.
- Koordinere kontakt med relevante eksterne aktørar
- Gje råd og støtte til leiinga ved fakultetet og ved institutta i saker som har med innovasjon å gjere.
- Delta i utvikling av det forskings- og innovasjonsadministrative feltet, og følgje opp strategiar og handlingsplaner ved fakultetet.
- Det kan verte aktuelt å leggje andre oppgåver til stillinga.
Kvalifikasjonar og eigenskapar:
Søkjarar må ha:
- relevant praksis frå innovasjonsprosessar
- god kjennskap til NFR og EU sine finansieringsordningar, og erfaring frå søknadsskriving
- svært gode kunnskapar i engelsk, skriftleg og munnleg
Det er ein fordel med:
- doktorgrad i relevant fagfelt
- kjennskap til medisinske og naturvitskaplege fagfelt
- røynsle frå forskings- og utdanningssektoren
- røynsle frå innovasjon i privat sektor
- gode kunnskapar i norsk skriftleg og munnleg
- det vil bli lagt vekt på personlege eigenskapar som er naudsynte for stillinga.
- det vil bli lagt vekt på brei røynsle i innovasjon.
Vi søkjer ein person som:
- er ein pådrivar og initiativtakar med stor arbeidskapasitet og gjennomføringsevne
- er motiverande og har evne til å fremje samarbeid på tvers av fagmiljøa
- har gode kommunikasjons- og samarbeidsevner
- er fleksibel og serviceinnstilt
- er systematisk og analytisk
- har evner og vilje til raskt å setja seg inn i nye saksfelt
- er god til å arbeide strategisk, strukturert og målretta innan fristar
- har stor grad av sjølvstende og evne til problemløysing
Ved vurdering av søkjaren vil vi legge stor vekt på dei personlege eigenskapane som er naudsynte for stillinga.
Vi kan tilby:
- Eit godt og internasjonalt arbeidsmiljø og spanande arbeidsoppgåver.
- Faglege utfordringar med gode høve for personleg utvikling og kompetanseutvikling.
- Løn som seniorrådgjevar (kode 1364 ) i lønssteg 68-74 (for tida kr 607 700-682 200 brutto pr.år). For særs kvalifiserte søkarar kan høgare løn vurderast.
- Fleksibel arbeidstid.
- Medlemsskap i Statens pensjonskasse
- Stilling i ei inkluderande arbeidslivsverksemd (IA-verksemd).
- Gode velferdsordningar
Generell informasjon:
Utfyllande opplysningar om stillinga kan ein få ved å vende seg til:
- Prodekan Marit Bakke marit.bakke@uib.no tlf. 95818531 eller
- Seksjonssjef Tone Friis Hordvik Tone.Hordvik@uib.no tlf. 97001134
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personer med nedsett funksjonsevne blir oppmoda om å søkje stillinga.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Nærare om tilsettingsprosessen her.