Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

Areal- og HMS-koordinator

Det matematisk-naturvitskaplege fakultet bringer fram ny kunnskap som er med å løyse vitskaplege problem, samfunnsutfordringar og møte behovet for omstilling. Det gjer vi gjennom grunnleggande forsking, utdanning, samarbeid på tvers av fag og disiplinar og større satsing på teknologi og innovasjon.

Ansvarsområde

Fakultetet disponerer i dag 69.000 kvm fordelt på 24 ulike bygg. Våre aktivitetar og ambisjonar innan forsking og utdanning spenner over laboratorieverksemd, felt- og toktarbeid og teori- og modellutvikling. For kvalitet i forsking og utdanning er vi avhengige av å utnytte noverande bygningsmasse best mogleg, syte for kontinuerleg fornying og å realisere nye arealprosjekt. Sikker drift, god dialog med brukarane og modernisering av forskingsinfrastruktur og læringsareal er viktige målsettingar i fakultetet sitt arealarbeid. Både på og utanfor campus skal studentar og tilsette ha eit trygt og sikkert arbeids- og studiemiljø. For å realisere desse måla søkjer vi ein tillitvekkande, erfaren og utviklingsorientert rådgivar med brei erfaring og interesse for arealforvalting og HMS.

Arbeidsoppgåver:

• Planlegge og koordinere fakultetet sine interesser knytt til byggeprosjekt og arealendringar
• Ta initiativ til utvikling av fakultetet sine areal
• Halde oversikt over fakultetet sine areal og bidra til effektiv og hensiktsmessig utnytting av areala
• ROS-analysar innafor stillinga sitt ansvarsområde
• Intern brukarkoordinering
• Samarbeide tett med brukarmiljø og universitetet si eigedomsavdeling og HMS-seksjon
• Arbeidsoppgåver knytt til tyngre infrastruktur
• Ansvar for koordinering av arbeid med helse, miljø og sikkerheit (HMS)
• Gje støtte og råd til leiarar i areal- og HMS-relaterte spørsmål

Du har

• utdanning på masternivå innan eigedomsforvalting, HMS eller anna relevant fagområde. Realkompetanse med relevans for arbeidsoppgåvene kombinert med etter- og vidareutdanning kan kompensere for utdanningskravet
• erfaring frå utgreiingar og oppfølging av større byggeprosjekt
• erfaring med systematisk og operativt HMS-arbeid
• gode datakunnskapar og kjennskap til IT-system for prosjektstyring og byggeleiing
• erfaring med utgreiingar og god evne til å kommunisere munnleg og skriftleg på norsk og kunne kommunisere på engelsk
• god økonomiforståing

Du er

• ein pådrivar med stor arbeidskapasitet og evne til å arbeide sjølvstendig
• ein relasjonsbyggjar med gode samarbeids- og kommunikasjonseigenskapar
• serviceinnstilt og fleksibel
• systematisk og analytisk med evne til å sjå moglegheiter og vere løysingsorientert
• leveransedyktig og i stand til å prioritere oppgåver og behov

Vi legg vekt på

• relevant og brei erfaring
• personlege eigenskapar og interesseområde naudsynte for stillinga

Vi kan tilby:

• Spennande og utviklande arbeidsoppgåver i eit godt og fagleg utfordrande internasjonalt arbeidsmiljø.
• Stilling som seniorrådgivar (kode 1364) i lønssteg 70 - 75 (for tida kr 631.700-695.00) i det statlege lønsregulativet. For særleg godt kvalifiserte søkjarar kan høgare løn vurderast.
• Fleksibel arbeidstid
• Medlemsskap i Statens pensjonskasse
• Gode velferdsordningar

Generell informasjon:

Har du spørsmål om stillinga kan du kontakte:

• Fakultetsdirektør Elisabeth Müller Lysebo, e-post: elisabeth.lysebo@uib.no, mobiltelefon 975 57 135

Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personer med nedsett funksjonsevne blir oppmoda om å søkje stillinga.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Nærare om tilsettingsprosessen her.

Søk på stillingen