Ved Økonomiavdelinga, Seksjon for innkjøp, er det ledig ei stilling som rådgjevar i 100% stilling.

Seksjon for innkjøp har ansvar for alle interne og eksterne forhold som gjeld innkjøp ved universitetet, og har tilsette med økonomisk, juridisk og teknisk bakgrunn med særleg kunnskap om anskaffingar. Seksjonen gir støtte og råd til universitetets fakultet, institutt, avdelingar og dotterselskap. UiB kjøpar for ca. 1,5 milliard pr. år. Seksjonen er også ansvarleg for arbeidsprosessen «Bestilling til betaling» (BtB) ved Universitetet i Bergen. Dette inkluderer blant anna å syne for ei egna systemstøtte for å underbyggje ein effektiv og digitalisert arbeidsprosess. Vidare leverer seksjonen BtB-tenester til Sentraladministrasjonen og nokre fakultet. Universitetet har god erfaring med elektronisk bestillingssystem og har hatt dette i bruk i meir enn 10 år, med Seksjon for innkjøp som systemeigar frå starten.

Seksjon for innkjøp består i dag av 18 årsverk. Seksjonen er delt i to grupper; kontraktsgruppa og bestilling til betaling (BtB) gruppa.

Vi ser nå etter ein ny prosessleiar for BtB-prosessen som har ansvar både for oppfølging og vidareutvikling av BtB prosessen, men også for koordinering og vidareutvikling av tenestene BtB gruppa leverer.

Arbeidsoppgåver

• Vidareutvikle arbeidsprosessen for BtB med egna systemstøtte
• Bidra til opplæring av BtB organisasjonen
• Rapportering og avvikshandtering
• Utvikle og koordinere faglige nettverk for bestillerar
• Koordinere levering av tenester i BtB-gruppa
• Bidra til at seksjonen leverer gode og stabile tenester innan BtB-prosessen
• Kontraktsoppfølging, irekna arbeid med verktøy og prosedyrar for god kontraktsoppfølging

Kvalifikasjonar og eigenskapar

• Relevant utdanning frå universitet eller høgskule
• Tilsvarande realkompetanse kan oppnåast med lang og/ eller relevant praksis, vidareutdanning, etterutdanning, tilleggsutdanning m.m
• Evne til å arbeide sjølvstendig, systematisk og effektivt
• Evne til å ta initiativ og samarbeide
• Evne til å koordinere prosesser og utarbeide analyser
• Gode evner til skriftleg og munnleg formulering
• Gode kvalifikasjonar i engelsk både skriftleg og munnleg
• Erfaring, forståing og/eller interesse for arbeid med digitale prosesser og plattformer, gjerne frå bestilling- og/eller fakturahandteringssystem
• Det er fordel med kunnskap om eller kjennskap til regelverket for offentlege anskaffingar

Den som blir tilsett må vere villig til å tileigne seg nødvendig kompetanse.

Vi kan tilby

• Varierte og utfordrande arbeidsoppgåver i et godt arbeidsmiljø
• Opplæring
• Tilsetting som rådgjevar (kode 1434) lønn mellom 490 000 – 570 000 NOK brutto pr. år . For særleg kvalifiserte søkjarar kan høgare løn vurderast
• Fleksibel arbeidstid
• Medlemsskap i Statens Pensjonskasse som inneber god tenestepensjonsordning, tilbod om bustadlån til gunstig rente og yrkesskade- og gruppelivsforsikring

Utfyllande opplysningar om stillinga kan ein få ved å kontakte:

• Innkjøpssjef Kjetil Skog, 55 58 20 53, epost: kjetil.skog@uib.no

Den statlege arbeidsstyrken skal i størst mogleg grad spegle mangfaldet i befolkninga. Det er difor eit personalpolitisk mål å få ei balansert alders- og kjønnssamansetjing og rekruttere personar med innvandrarbakgrunn. Personar med innvandrarbakgrunn vert oppmoda om å søkje stillinga.

Den som vert tilsett må rette seg etter dei retningslinene som til kvar tid gjeld for stillinga.

Søknad og CV skal sendast elektronisk via link på denne sida - «Søk denne stilling» - til Universitetet i Bergen. Kopi av vitnemål og attestar skal berre sendast dersom du får melding om dette.

Opplysningar om søkjaren kan bli offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje blir teken til følgje, skal søkjaren varslast om dette.

Søknadsfrist: 12.12.2018

Søk denne stilling