Stilling:

Professor (100 %) i medisin (translasjonell kreftforsking)

Søknadsfrist 13. januar 2019

Ved Det medisinske fakultet, Klinisk institutt 2, er det ledig ei fast stilling som professor (100 %) i medisin (translasjonell kreftforsking).

Arbeidsstad er Seksjon for onkologi, Laboratoeriebygget, Haukeland Universitetssjukehus, Bergen.

Ein stillingsomtale med nærare presisering av fagkrins og ansvarsområde, særlege plikter og andre tilhøve som det vert lagt vekt på ved tilsetjinga, finn du lenger ned på sida.

Utfyllande opplysingar om stillinga får ein ved å kontakte:

  • Professor Per Eystein Lønning på tlf, 55 97 20 10 eller e-post Per.Lonning@uib.no og/eller
  • Instituttleiar professor Eystein Husebye på tlf 55 97 30 78 eller e-post Eystein.Husebye@uib.no

Kvalifikasjonar og personlege eigenskapar

  • Grunnutdanning i medisin eller biologi
  • Søkjar må ha doktorgrad i relevant fagområde eller tilsvarande kompetanse.
  • Søkjar må ha brei forskingsbakgrunn innan kreftforsking, herunder translasjonell forsking
  • Søkjar må ha brei kompetanse mhp. relevant metodikk i feltet, herunder erfaring med bruk av avansert state-of-the-art metodologi innafor forskingsfeltet.
  • Søkjar må ha god vitskapeleg produksjon, dokumentert ved internasjonale publikasjonar med høg impact.
  • Søkjar må ha vist evne til å skaffe eigen ekstern forskingsfinansiering.
  • Pedagogisk basisutdanning er eit krav for stillinga. Den som blir tilsett vil få tilbod om opplæring dersom kravet ikkje er oppfylt før tilsetjing

Ønska kvalifikasjonar

  • Søkjar bør ha erfaring frå arbeid med kliniske studiar
  • Søkjar bør ha erfaring frå prosjekt med større nasjonale og internasjonale samarbeid

Det vert lagt vekt på erfaring med leiing av forskingsprosjekt, koordinering av forskingsaktivitet, samt frå forskingsstrategisk arbeid. Vidare vert det lagt vekt på dokumentert vilje og evne til samarbeid.

Undervisingsspråket er til vanleg norsk. Det vert kravd at den som vert tilsett, kan undervise på norsk eller eit anna skandinavisk språk innan to år etter tilsetjinga. Kurs vert tilbode.

Løn

Professor vert lønt etter lønssteg 77-79 (kode 1013) i lønsregulativet til staten, for tida 731 400 - 778 700 kr brutto pr. år for ei fulltidsstilling. Det vert trekt 2 % pensjonsinnskot til Statens pensjonskasse. For særleg kvalifisert søkjar kan det verte aktuelt å vurdere høgare løn.

Vi kan tilby

  • eit godt og internasjonalt arbeidsmiljø og spanande arbeidsoppgåver i eit fakultet med fagmiljø som hevdar seg godt nasjonalt og internasjonalt
  • god tilgang til kjernefasilitetar http://www.uib.no/en/mofa/64790/core-facilities
  • faglege utfordringar med gode høve for personleg utvikling og kompetanseutvikling
  • god pensjonsordning i Statens pensjonskasse
  • stilling i ei inkluderande arbeidslivsverksemd (IA-verksemd)
  • gode velferdsordningar

Du kan lese meir om kva Universitetet i Bergen kan tilby som arbeidsgjevar ved å gå inn på nettsida:

http://www.uib.no/poa/74687/hva-kan-universitetet-tilby-sine-medarbeidere

Retningsliner for tilsetjing i statleg verksemd

Den som vert tilsett pliktar å ta del i undervising og eksamen etter dei studieordningane som gjeld til kvar tid og til utan godtgjersle å rette seg etter dei endringane som gjennom lov måtte bli vedtekne om fagkrins, pensjonsordning og aldersgrense.

Kvinner vert spesielt oppmoda om å søkje. Dersom dei sakkunnige finn at fleire søkjarar har tilnærma like kvalifikasjonar, vil reglane om kjønnskvotering i Personalreglementet for vitskaplege stillingar verte følgde.

Den statlege arbeidsstyrken skal i størst mogleg grad spegle mangfaldet i befolkninga. Det er difor eit personalpolitisk mål å få ei balansert alders- og kjønnssamansetjing og rekruttere personar med innvandrarbakgrunn og personar med nedsett funksjonsevne. Personar med innvandrarbakgrunn og personar med nedsett funksjonsevne vert oppmoda om å søkje stillinga.

Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan verte gjort offentleg sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teken til følgje, skal søkjaren varslast om dette.

Den som vert tilsett må rette seg etter dei retningslinene som til kvar tid gjeld for stillinga.

Søknad

Slik søkjer du stillinga:

Send søknad og CV som inneheld fullstending oversikt over tidlegare utdanning og tidlegare arbeid/erfaring, samt vedlegg elektronisk via lenkja «Søk stillingen» på denne sida.

Legg ved:

  • vitnemål og attestar
  • fullstendig publikasjonsliste
  • liste med vedlegg som dokumenterer dine pedagogiske kvalifikasjonar
  • ei liste over vitskaplege arbeid du vil det skal takast omsyn til ved vurderinga, med opplysning om kvar dei er offentleggjorde
  • vitskaplege arbeid du vil det skal takast omsyn til ved vurderinga (maks 15) i passande format (pdf) som vedlegg

Det er særs viktig at kvart av dei vitskaplege arbeida som det skal takast omsyn til ved vurderinga i sin heilskap vert lasta opp som vedlegg til søknaden.

I tillegg ber vi søkjar legge ved:

● liste over innhenta eksternfinansiering

Vi gjer merksam på at søknadar vert vurdert med den informasjonen som ligg føre i Jobbnorge når søknadsfristen går ut.

Ein viser elles til «Reglement for ansettelse i vitenskapelige stillinger og faglige/administrative lederstillinger».

Nærare om tilsettingsprosessen her.

Stillingsomtale

Professor (100 %) i Translasjonell kreftforsking

Ved Det medisinske fakultet, Klinisk institutt 2, er det ledig ei fast stilling som professor (100 %) i medisin (onkologi). Arbeidsstad er Seksjon for onkologi.

Klinisk institutt 2 (K2) er eitt av to kliniske institutt ved Det medisinske fakultet. Instituttet har om lag 250 tilsette og er i lokalisert i laboratoriebygget på Haukeland Universitetssjukehus campus. K2 har som oppgåve å drive medisinsk forsking, rettleiing og undervisning på høgt internasjonalt nivå for å nå fakultetets visjon «ny kunnskap for betre helse». Instituttet har viktige oppgåver både i legeutdanninga, mastergradutdanning og ph.h.-utdanning innan medisin og farmasi.

Seksjon for onkologi har eit tett samarbeid med Avdeling for kreftbehandling og medisinsk fysikk ved Haukeland Universitetssjukehus og mykje av forskingsaktiviteten til seksjonen vert utført ved Mohn kreftforskingslaboratorium. Dette er eit laboratorium bygd for translasjonell kreftforsking. Prosjekta det vert jobba med, ligg i skjæringspunktet mellom basal- / molekylærbiologiske- og kliniske studiar.

Hovedproblemstillingane det vert jobba med, er identifisering av genetiske- og molekylære mekanismar som påverkar risiko for ulike typar kreft, samt mekanismar som påverkar behandlingseffekt i pasientar med påvist kreftsjukdom. Eit hovudfokus er mekanismar for behandlingsresistens ved brystkreft, men det vert òg i større og større grad arbeidd med fleire andre kreftformar.

Ved seksjonen er det eit nært samarbeid med onkologar ved Haukeland Universitetssjukehus. Det pågår ei tung satsing på kliniske studiar med bruk av genetiske og genomiske analyser for deteksjon av biomarkørar, og bruk av desse for aktivt behandlingsvalg. Den vil vere naturleg at den som vert tilsett vil ha ta aktivt del i denne forskinga.

I parallell med arbeidet skildra over, har seksjonen eit omfattande in vitro program der ulike genvariantar sine eigenskapar mhp. effekt av kreftbehandling vert studert mekanistisk. Dette omfattar eit breitt spekter av molekylærbiologiske metodar, herunder bruk av kreftcellekulturar og genmodifisering med moderne metodar (t.d. CRISPR/Cas9 genredigering). Den vil vere naturleg at den som blir tilsett blir engasjert i vidare oppbygging av desse metodane.

Generell informasjon

Undervisningsspråket er til vanleg norsk. Det blir kravd at den som blir tilsett kan undervise på norsk eller eit anna skandinavisk språk innan to år etter tilsetjinga. Den som blir tilsett må ha pedagogisk basisutdanning, men søkjarar som ikkje fyller dette kravet ved tilsetjing, får tilbod om opplæring.

Ein viser til dei generelle reglane ved universitetet om at innanfor si normale arbeidsplikt og faglege kompetanse kan den som blir tilsett også bli pålagt undervisning, rettleiing og eksamensarbeid utanfor den organisasjonseininga stillinga er knytt til. Universitetet i Bergen understrekar at pedagogiske kvalifikasjonar skal tilleggjast reell vekt ved tilsetjing i vitskaplege mellom- og toppstillingar. Søkjarane må dokumentere sine eigne pedagogiske kvalifikasjonar. Dette kan ein til dømes gjere ved å sende inn:

• prov for gjennomført pedagogisk utdanning

• evalueringsrapportar av søkjaren si undervisning

• oversyn over undervisningsomfang og -nivå

• oversyn over hovudfags- og doktorgradsrettleiing og resultat

• mottekne studentprisar

• eigne pedagogiske publikasjonar

• eigne undervisningskompendium og undervisningsmateriell

• rapportar som syner deltaking i prosjekt knytt til utvikling av undervisning, så som alternative undervisningsformer, rettleiing eller læringsmiljø

Tilsetjinga går føre seg på grunnlag av vurdering av ei vitskapeleg nemnd samt ei sjølvstendig vurdering av tilsetjande organ inkludert intervju og eventuell prøving av undervisningskompetanse.

Søk stillingen

Powered by Labrador CMS