Stilling:

Postdoktor (3 år) - Institutt for biomedisin

Søknadsfrist 6. januar 2019

Ved Det medisinske fakultet, Institutt for biomedisin er det ledig ei 100 % stilling som postdoktor for ein periode på 3 år. Stillinga er knytt til forskingsgruppa Cellulære nettverk, finansiert av Universitetet i Bergen. Antatt start er februar 2019, og hovudarbeidsstad er Institutt for biomedisin.

Prosjektet

I mange cellulære prosessar er interaksjonar mellom signaloverføring og energimetabolisme viktig, og avvikande funksjon til dei involverte faktorane vil påverke cella si evne til å tilpasse seg endringar i miljøet. Hensikta med prosjektet er å kartlegga cellulære signalmekanismar knytt til metabolsk fleksibilitet, det vil blant anna seie evna ei celle har til å skifte mellom ulike kjelder til brennstoff. Målsettinga på lang sikt er å utvikle nye medikament mot sjukdom som skyldas endringar i cellulær metabolisme.

Det er forventa at postdoktoren i tillegg til laboratoriearbeid tek med-ansvar for framdrift for prosjektet, og skriving av rapportar og artiklar. Prosjektet bygger dels på bruk av transgene mus, og den som blir tilsett må rekne med en del handtering av dyr. Forskingsopphald i grupper som samarbeider om prosjektet kan bli aktuelt.

Utfyllande opplysningar om stillinga kan ein få ved å vende seg til:

  • Marit Bakke, e-post: Marit.Bakke@uib.no , og
  • Karl Johan Tronstad , e-post Karl.Tronstad@uib.no

Kvalifikasjonar og personlege eigenskapar

  • Søkjar må ha oppnådd norsk doktorgrad eller tilsvarande utanlandsk utdanning i relevant fagfelt, eller ha levert doktoravhandlinga til vurdering innan søknadsfristen er ute. Det er ein føresetnad for tilsetjing at avhandlinga er godkjend.
  • Søkjar bør ha erfaring frå arbeid med transgene mus.
  • Søkjar må ikkje være allergisk mot dyr eller ha haldningar som hindrar arbeid med forsøksdyr.
  • Søkjar må ha brei generell kunnskap og praktisk erfaring frå celle- og molekylærbiologiske metodar.
  • Det er ein føremon med erfaring frå forskingsprosjekt knytt opp mot signaltransduksjon og/eller genregulering i forbindelse med metabolske prosessar.
  • Det er ein føremon med erfaring metodar innan cellemetabolisme.
  • Søkjar må kunne nytte munnleg og skriftleg engelsk på høgt nivå.
  • Det vil bli lagt stor vekt på personlege eigenskapar slik som sjølvstendigheit, evne til samarbeid, arbeidskapasitet. Søkjar må også vise entusiasme for forsking og motivasjon for stillinga.

Vi kan tilby

  • eit godt og utfordrande arbeidsmiljø
  • løn etter lønssteg 59 (kode 1352/lønsramme 24.3) for tida kr 515 200, med medisinsk eller odontologisk embetseksamen lønssteg 61 (kode 1352/lønsramme 24.3) for tida 534 100, med spesialistutdanning lønssteg 63 (kode 1352/lønsramme 24.5) for tida 555 100, i lønsregulativet til staten ved tilsetjing. Vidare opprykk skjer etter tenesteansiennitet i stillinga. Det vert trekt 2 % pensjonsinnskot til Statens pensjonskasse
  • god pensjonsordning i Statens pensjonskasse
  • stilling i ei inkluderande arbeidslivsverksemd (IA-verksemd)
  • gode velferdsordningar

Du kan lese meir om kva Universitetet i Bergen kan tilby som arbeidsgivar ved å gå inn på nettsida:

http://www.uib.no/poa/74687/hva-kan-universitetet-tilby-sine-medarbeidere

Nærare om tilsetjingsprosessen her.

Om postdoktor stillingar

Føremålet med stillingane er vitskapleg kompetansebygging gjennom ei vidareføring av forskingsarbeid til eit høgare nivå enn det som er mogleg innafor eit ordinært doktorgradsprogram. Stillingane har som hovudmål å kvalifisere dei som vert tilsette for arbeid i faglege toppstillingar.

Det er eit mål at tilsetjingsperioden skal gjennomførast som eit samanhengande forskingsprogram. Det vert vanlegvis ikkje gjeve permisjon for andre føremål enn det som er fastlagt ved lov.

Søkjarar skal ved tilsetjing kome med framlegg til plan for kvalifiseringsarbeidet. Framlegget utarbeidas i samarbeid med prosjektleiar/leiar og skal også innehalde ein framdriftsplan. Det er ein føresetnad at den som vert tilsett gjennomfører prosjektet i løpet av tilsetjingsperioden.

Den tilsette kan bli pålagt opp til 25 % pliktarbeid i form av undervisning og liknande arbeid ved instituttet.

Postdoktorstillingar er åremålsstillingar. Du kan ikkje tilsetjast i meir enn ein periode som postdoktor ved UiB. Du kan heller ikkje tilsetjast i postdoktorstilling dersom du tidlegare har hatt slik tilsetjing ved ein annan institusjon i regionen.

Åremålsperioden for stillinga er tre år, med høve til å forlenge perioden inntil eit år dersom eit forskingsopphald i utlandet skal inngå i perioden.

Om rekruttering i statlege stillingar

Den statlege arbeidsstyrken skal i størst mogleg grad spegle mangfaldet i folkesetnaden. Det er difor eit personalpolitisk mål å få ei balansert alders- og kjønnssamansetjing og å rekruttere personar med innvandrarbakgrunn og personar med nedsett funksjonsevne. Personar med innvandrarbakgrunn og personar med nedsett funksjonsevne vert oppmoda til å søkje stillinga.

Den som vert tilsett må rette seg etter dei retningslinene som til kvar tid gjeld for stillinga.

Universitetet i Bergen nyttar utvida offentleg dokumentinnsyn ved tilsetjing i vitskaplege stillingar. Vi gjer deg difor merksam på at opplysningar om deg som søkjar kan gjerast offentlege sjølv om du har oppmoda om ikkje å stå på søkjarlista. Dersom oppmodinga ikkje vert teken til følgje, vert du varsla om dette.

Slik søkjer du stillinga

Send CV og søknad som inneheld fullstending oversikt over tidlegare utdanning og tidlegare arbeid/erfaring, samt vedlegg elektronisk via lenkja «Søk stillingen» på denne sida.

Søknaden skal innehalde:

  • søknadsbrev der du skriv noko om din motivasjon for stillinga og kvifor du søkjer
  • attestert kopi av vitnemål og relevante attestar (søkjarar med utanlandsk utdanning må leggje ved både vitnemål på original språket og autoriserte omsetjingar)
  • publikasjonsliste
  • vitskapelege arbeid. Det er særs viktig at kvart av dei vitskaplege arbeida som det skal takast omsyn til ved vurderinga i sin heilskap vert lasta opp som vedlegg til søknaden (pdf).
  • to referansar (namn og kontaktinformasjon)

Vi gjer merksam på at søknader vert vurdert med den informasjonen som ligg føre i Jobbnorge når søknadsfristen går ut.

Søk stillingen

Powered by Labrador CMS